Զարմանալի ծառայություններ մատուցող 9 հյուրանոցները

Հանգիստն անմոռաց դարձնելու համար աշխարհի բազմաթիվ հյուրանոցներ բացառիկ ծառայություններ են առաջարկում, որ գերազանցում են զբոսաշրջիկների սպասելիքներն ու երևակայությունը:  

 

Արևայրուքի գծով մենեջեր

Ritz-Carlton հյուրանոցային ցանցն առանձնանում է իր սպասարկման շքեղությամբ: Այդուհանդերձ, Մայամիի այս հյուրանոցը բարձր նշաձող է դրել՝ իր հյուրերին արևայրուքի գծով մենեջերներ առաջարկելով: Վերջինիս պարտականությունների մեջ է մտնում լողավազանի մոտ հերթապահությունը՝ հանգստացողներին արևայրուքի կրեմ քսելիս օգնելու, ինչպես նաև արևապաշտպան կոսմետիկա, ակնոց և այլ լողափային իրեր առաջարկելու համար:  

Կենդանիների հոգեբան.Hotel deluxe,

Պորտլենդ ԱՄՆ-ի այս հյուրանոցը դրախտ է ոչ միայն զբոսաշրջիկների, այլև նրանց չորքոտանի բարեկամների համար: Վերջիններիս այստեղ այնպիսի հարմարություններ են առաջարկվում, ինչպես անկողնային պարագաներ, մեծ քանակությամբ կեր, խաղալիքներ, ինչպես նաև լրացուցիչ ծառայություններ՝ մերսում, զբոսանք, ներարկում, համարի սպասարկում, անձնական հոգեբան:  

Մերսող՝ գոնդոլներում: Loews Coronado Bay Resort,

Սան-Դիեգո Գոնդոլների նավատորմը, որ պատկանում է այս հյուրանոցին, նախատեսված է ոչ միայն ծովափնյա ճամփորդությունների, այլև թարմացնող մերսումների համար: Մինչ գոնդոլը սահում է ջրերի վրա, Դուք վայելում եք հատուկ Ձեզ համար նախատեսված մերսումը:

  «Հյուրընկալ»-խալաթ՝ Hotel Ritz Madrid, Մադրիդ  

Երբեմն անգամ ամենահասարակ, սովորական թվացող իրերը հյուրանոցում կարող են դառնալ յուրահատուկ ու հաճելի նվեր, հատկապես հոգնեցուցիչ երկար թռիչքից հետո: Այս հյուրանոցում յուրաքանչյուր այցելուի համարում կսպասի անձնական խալաթ՝ կարմիր ժապավենով կապված, վարդերի փնջով զարդարված:  

Հատուկ մենյու՝ համադամասեր կենդանիների համար, Lowell, Նյու-Յորք

Այս հյուրանոցն ավելի հեռուն գնաց՝ գերազանցելով անգամ Hotel deluxe-ին: Այստեղ չորքոտանու սիրելիների համար անկրկնելի մենյու է կազմված՝ նրբահամ ճաշատեսակներով, իսկ իբրև աղանդեր առաջարկվում է պաղպաղակ, ձկան կաշվից պատրաստված թխվածքաբլիթներ և այլն: Կենդանիների համար նախատեսված են հատուկ շամպուններ, յուղեր և հոտավետ սփրեյներ:  

 

Նկարիչներ և գրքեր. Andaz Fifth Avenue, Նյու-Յորք

համար այս հյուրանոցն իսկական դրախտ է: Այստեղ կարելի է տեսնել, թե ինչպես են աշխատում նկարիչները: Հյուրանոցը նաև համագործակցում է նյույորքյան գրադարանի հետ, որ գտնվում է հենց փողոցի դիմաց, որ ընթերցողներին է ներկայացնում ավելի քան 700 գիրք:  

Բույրերի գծով աշխատակից. Rosewood Hotel Georgia, Վանկուվեր

Այս հյուրանոցում շքեղ հանգիստն ապահովված է՝ փափուկ կահույքից մինչև … բույրերի գծով խորհրդատու՝ հանգստացողների համար: Իրականում, հյուրանոցում կա նաև բույրերի գծով գլխավոր, ով օգնում է հանգստացողներին ընտրել և գնել իրենց համապատասխան օծանելիք՝ բազմաթիվ էլիտար բույրերից:  

Թեյ մատուցող, Lanesborough, St. Regis Hotel, Լոնդոն

Անգլիացիները խիստ լուրջ են վերաբերվում թեյախմության արարողությանը, սակայն Lanesborough հյուրանոցը թեյի սովորական տերևները կատարելության է հասցրել՝ հյուրերին անգամ թեյ մատուցող առաջարկելով: Հետճաշյա ժամանակ նա յուրաքանչյուր այցելուի համար կընտրի համապատասխան թեյատեսակ՝ պատմելով դրա առավելությունների մասին:  

Օճառի խորհրդատու: Viceroy Riviera Maya, Մեքսիկա

Այս հյուրանոցը հետաքրքիր մտահղացմամբ կարողացավ գրավել այցելուներին: Այս ծառայությունն իրապես յուրահատուկ է, քանի որ խորհրդատուն առաջարկում է հյուրանոցի բնակիչներին ծանոթանալ մայաների բաղադրատոմսերով պատրաստված բնական օճառի բազմաթիվ տեսակների հետ: Օճառից կարելի է օգտվել հյուրանոցում եղած ժամանակ, սակայն այն կարող եք նաև իբրև հուշանվեր տանել: Օճառի տեսակները բազմազան են՝ դեղձի ու լիմոնի բույրերից, մինչև շոկոլադաբույր: