Հարսանեկան 10 անսովոր սովորույթներ

LIFE 30 August, 2015 20:15

ՆԻԳԵՐԻԱ Ամբողջ աշխարհում ընդունված կնոջ կազմվածքի 90-60-90 մոդելը այս երկրի համար չէ: Ավելին, եթե հարսնացուն համապատասխանում է կամ մոտ է այս ցուցանիշին, փեսացուն իրավունք ունի նրան հետ ուղարկելու հայրական տուն, որտեղ պետք է նրան մի լավ կերակրեն և գիրացնեն: Այս խայտառակությունից խուսափելու համար նիգերիացիներն ունեն նախահարսանեկան մի սովորույթ. Հարսանիքից ամիսներ առաջ նրանք ապագա հարսնացուին առանձին բնակատեղի են հատկացնում, որտեղ ինչպես հարկն է նրան կերակրում են հիմնականում ածխաջրերով հարուստ մթերքով: Արդյուքնում թմբլիկ հարսնացուն դառնում է յուրաքանչյուր նիգերիացի տղամարդու երազանքը:

ՀՅՈՒՍԻՍԱՅԻՆ ԱՖՐԻԿԱ Այստեղ ամուսնանալու ցանկությունը միայն բավարար չէ տղամարդկանց համար: Նրանք պետք է վաստակեն այդ իրավունքը շատ հետաքրքիր մի մրցույթում. լավագույն փեսացուի հավակնորդները պետք է առյուծի ձայն հանեն: Ով ավելի բնական և ազդեցիկ դա անի, նա էլ կամուսնանա:

ՔԵՆԻԱ Քենիայի տղամարդկանց համար փորձությունը սկսվում է ամուսնանալուց հետո: Նորաստեղծ ընտանիքում ամուսինը պետք է մեկ ամիս շարունակ կնոջ հանդերձանք կրի, որպեսզի հասկանա գեղեցիկ սեռին բաժին հասած պարտականությունների ծանրությունը:

ՀՆԴԿԱՍՏԱՆ Այս երկրում կարգ է՝ կրտսեր եղբայրն իրավուք ունի ամուսնանալ միայն ավագ եղբորից հետո: Եթե ինչ-ինչ խնդիրների պատճառով ավագ եղբոր ամուսնություը ոչ մի կերպ չի ստացվում, հնարամիտ հնդիկները ունեն նաև, այսպես ասած, §պահեստային» ավանդույթ. ամուսնություն ծառի հետ: Ընտանիքի ավագ որդին ստիպված է լինում ամուսնանալ ծառի հետ: Հարսանիքից անմիջապես հետո ծառը կտրում և վառում են: Արդյունքում նորապսակը մնում է մենակ, բայց ճանապարհ է բացվում կրտսեր եղբոր համար:

ՀՈՒՆԱՍՏԱՆ Հունական հարսանիքի ամենատարածված ավանդույթը փողով պարն է: Պարի ընթացքում հյուրերը պետք է նորապսակների հագուստին փող ամրացնեն: Մեկ այլ ավանդության համաձայն, հարսանիքի ընթացքում հարսն ամեն կերպ պետք է փորձի կանգնել փեսայի ոտքին, իսկ նա իր հերթին պետք է խուսափի դրանից: Հաղթողին էլ բաժին է հասնում ընտանիքի ղեկը:

ՌՈՒԱՆԴԱ Դաժան մի սովորույթով աչքի է ընկնում Ռուանդան: Հարսանիքից հետո մի քանի օր շարունակ գիշերը հարսնացուները անմխիթար ծեծի են ենթարկում իրենց ամուսիններին, իսկ առավոտյան գնում իրենց հայրական տուն հանգստանալու: Այս երկրում համոզված են, որ սա կնոջ միջից դուրս է հանում ագրեսիան, ինչպես նաև նորաստեղծ ընտանիքը այլևս երբեք չի վիճում:

ՅԱՎԱ կղզում ընդունված ձևականություններից բացի, հարսն ու փեսան պետք է տեղի ղեկավարությանը տան 25 առնետի պոչ: Ամուսնալուծության դեպքում վճարը ավելանում է՝ 25-ից հասնելով 40 առնետի պոչի:

ՉԻՆԱՍՏԱՆ Ամուսնությունը Չինաստանում լացով են դիմավորում: Հարսանիքից մեկ ամիս առաջ, երբ արևը մայրր է մտնում, ապագա հարսնացուն սկսում է լացել, տասն օր հետո նրան միանում է մայրը, իսկ հարսանիքին նախորդող գիշերը` ընկերուհիները: Ավանդույթի համաձայն` սա ամրություն և երջանկություն է բերում ընտանիքին:

ԳԵՐՄԱՆԻԱ Հարսանիքից հետո հարսը մի խումբ մարդկանց հետ կոտրում է տան սպասքը, իսկ փեսան ստիպված է լինում ամբողջը հավաքել: Վերջում էլ հարսը ստուգում է՝ արդյո՞ք ամեն ինչ մաքուր է արված: Սա արվում է նրանց ընտանիքի ամրության համար: Որպեսզի ընտանիքը հարուստ լինի, հարսանիքին փեսայի գրպանը մի բուռ ցորեն են լցնում:

ՄԵԾ ԲՐԻՏԱՆԻԱ Այստեղ հարսը պետք է հնազանդությունն ապացուցելու համար ցույց տա իր ուժը: Նա պետք է բարձրացնի եկեղեցու սունդուկի ծանր կափարիչը: Սրանով հարսի պարտավորությոևնները հարսանիքի ժամանակ չեն ավարտվում: Անգլիացի հարսնացուն հարսանիքի ժամանակ պետք է պարտադիր կրի հին, նոր, պարտքով վերցրած և կապույտ իրեր: Սա համապատասխանաբար խորհրդանշում է հետագա երջանկություն, ամուր հիմք, երկարակեցություն և հնազանդություն: