9 արտահայտություններ, որ երբեք չպետք է ասեք ուրիշներին

Մարդկային հարաբերությունները նման են մաքուր թղթի՝ եթե այն մեկ անգամ վնասես, այլևս չես կարողանա այն իր սկզբնական տեսքին բերել: Ուստի պետք է ամեն ինչ ասելուց առաջ լուրջ մտածել: Առաջին հայացքից անմեղ թվացող արտահայտությունը կարող է վիրավորել ձեր դիմացինին: Ահա 9 արտահայտություններ, որ չպետք է ասեք ձեր դիմացինին:

1. «Դա իմ գործը չէ», «Ինձ չեն վճարում դրա համար»

Սրանք աշխատանքից հրաժարվելու ամենատարածված արտահայտություններն են: 99% դեպքերում դրանք կզայրացնեն ձեր ղեկավարներին և նրանք կհասկանան, որ դուք անտարբեր եք ձեր աշխատանքի նկատմամբ: Հետևաբար՝ ավելի լավ կլինի ասել. «Ես շատ գործեր ունեմ անելու այսօր: Ո՞րը պետք է առաջինն անեմ»:

2. «Ես քեզ հետ խոսելու ժամանակ չունեմ», «Ես զբաղված եմ»

Նման պատասխանները խոսում են ձեր դաստիարակության մասին: Շատ ավելի ճիշտ կլինի ասել. «Կներես, բայց ես շտապ հանդիպում ունեմ և պետք է գնամ: Արի այդ հարցը հեռախոսով քննարկենք մի ուրիշ անգամ» կամ «Արի այդ հարցը մեկ ժամ անց քննարկենք: Ես հիմա մի կարևոր գործ ունեմ անելու»:

3. «Սա շատ հիմար կթվա, սակայն...»

Նախադասությունը նման կերպ սկսելով՝ դուք արդեն իսկ կորցնում եք ձեր վստահությունը և ձեր ասելիքի ծանրակշռությունը:

4. «Առանց վիրավորանքի, բայց...»

Սա կարծես նախազգուշացում լինի, որ այն ամենը ինչ դուք հիմա կասեք, տհաճ է լինելու: Այսպես դուք նախապես ասում եք, որ դուք վիրավորելու եք նրան կամ ոչ հաճելի բան եք ասելու: Հենց, որ զգում եք, որ ցանկանում եք ասել այդ արտահայտությունը, զսպեք ինքներդ ձեզ և փոխեք թեման:

5. «Դու գիրացել ես» կամ «Դու նիհարել ես»

Մարդու քաշը և արտաքին տեսքը կարող է շատ նուրբ թեմա լինել շատերի համար: Շատերի համար դժվար է ընդունել իրենց մարմնի հետ կատարվող փոփոխությունները, հետևաբար նման մեկնաբանությունները նույնիսկ կատակի կամ կոմպլիմենտի նման օգտագործվելով՝ կարող եք փչացնել մարդու տրամադրությունը և վատ հարաբերություններ ստեղծել: Ավելի լավ կլինի ուղղակի ասել. «Դու հրաշալի տեսք ունես»:

6. «Հրաշալի տեսք ունես քո տարիքի համեմատ»

Այս արտահյտությունը մարդկանց կրկին ու կրկին հիշեցնում է իրենց տարիքի մասին, և սա ավելի շատ հնչում է որպես՝ «Համեմատած այլ ծեր մարդկանց հետ՝ դու լավ տեսք ունես»: Ուրեմն՝ կրկին ավելի լավ է ասել. «Դու հրաշալի տեսք ունես»:

7. «Դու սովորականի նման ես», «Չտարբերվող»

Փորձեք մարդկանց չպիտակավորել: Նման արտահայտությունները կարող են կոնֆլիկտների պատճառ դառնալ: Ուստի՝ ավելի լավ է ասել. «Գիտե՞ս՝ ինձ այդքան էլ դուր չի գալիս, որ դու ափսեները նորից թողել ես լվացարանի մեջ: Ինչպե՞ս խուսափենք նման իրավիճակներից»: Քանի որ այս դեպքում դուք ձեր խոսքի մեջ ներառում եք նաև ձեզ, դուք ուշադրությունը ուղղում եք ձեր զգացմունքների և ոչ թե ձեր դիմացինի վատը լինելու վրա: Սա կօգնի ձեր դիմացինին ավելի հեշտությամբ հասկանալ իր սխալը և փորձել անել ամեն ինչ, որպեսզի դուք գոհ լինեք:

8. «Եթե դու ինձ իսկապես սիրեիր, դու...»

Այս արտահայտությունով դուք ոչ միայն վարպետորեն կառավարում եք մարդու էմոցիաները, այլ նաև նրան հասկացնում եք, որ ձեզ դուր չի գալիս նրա պահվաքը: Սա դժվար թե լավ հարաբերությունների հիմք դառնա: Ավելի լավ է ասել. «Ես ինձ ավելի լավ կզգամ, եթե մենք...» : Ամենակարևորը բացատրեք, թե ինչը ձեզ դուր չի գալիս և հետո առաջարկեք լուծումը:

9. «Դու չափից շատ լավն ես նրա համար», «Ուրախ եմ, որ ազատվեցիր նրանից»

Նույնիսկ եթե ցանկանում եք մխիթարել ձեր ընկերոջը իր ընկերուհուց կամ ընկերոջից բաժանվելուց հետո, այս արտահայտությունն ասելով՝ ձեր ընկերը կարող է սա ընկալել որպես իր վատ ճաշակի կամ էլ հարաբերություններում դժվարություններ ունենալու շեշտում: Դրա փոխարեն ուղղակի ասեք. «Դու կորցնելու ոչինչ չունես»: Սա ավելի լավ կընդունվի ձեր ընկերոջ կողմից և դուք ավելի լավ կկարողանաք ցույց տալ ձեր հոգատարությունը:

Նյութը հրապարակման պատրաստեց Past.am-ը: