20 ֆիլմեր, որոնք կստիպեն Ձեզ արտասվել

Ֆիլմերը լավն են համարվում այնքանով, որքանով կարողանում են մարդկանց հուզել: Մարդիկ շատ հաճախ ունենում են այն նույն զգացմունքները, որոնք այդ պահին զգում են դերասանները` հաճախ նրանց հետ վերապրելով լավ և վատ պահերը: Ստորև ներկայացնում ենք 20 ամենահուզիչ ֆիլմերը:

1. Շերբուրյան անձրևանոցները/ The Umbrellas of Cherbourg

 

Ֆիլմի հիմքում անձրևանոցներ վաճառող Ժենեվյեվայի և ավտոմեխանիկ Գիի սիրային պատմությունն է: Նրանց բաժանում է պատերազմը: Ֆիլմը ժամանակին Կաննի կինոփառատոնում արժանացել է «Պալմայի ոսկե ճյուղի»: Այսօր էլ այս ֆիլմը կարելի է դիտել արցունքոտ աչքերով, իսկ կոմպոզիտոր Միշել Լեգրանի անկրկնելի երաժշտությունը դարձել է բոլոր սիրահարների թալիսմանը:

2. Այլմոլորակայինը/ E.T. the Extra-Terrestrial

 

Ֆիլմի ռեժիսոր Սթիվեն Սփիլբերգը ամբողջ աշխարհին ստիպեց հավատալ, որ ոչ միայն կարելի է ընկերանալ այլմոլորակայինի հետ, ով նման է առանց պատյանի կրիայի, իսկ դեմքով`  Ալբերտ Էյնշտեյնին, այլև փրկել նրան դաժան մարդկանցից:

3. Սոֆիի ընտրությունը/ Sophie's Choice

 

Ֆիլմի առաջին կադրերն արդեն իսկ հուզիչ են: Մի կնոջ կյանքի պատմություն, ով նացիստական ճամբարում կորցրել է ամուսնուն ու երեխաներին և այժմ փորձում է ուժ գտնել, որպեսզի ապրի հետպատերազմյան բարեկեցիկ Ամերիկայում: Դերասանուհի Մերիլ Սթրիփին անհնար է չհավատալ, այդ պատճառով նա արժանացել է «Օսկար»-ի գլխավոր դերի համար:

4. Մահացած պոետների հասարակությունը/ Dead Poets Society

 

Ջոն Քիթինգը, ում մարմնավորում է Ռոբին Ուիլյամսը, սպիտակ ագռավ է խստաբարո ուսուցիչների մեջ: Նա անկառավարելի է և ամբողջովին անտեսում է կրթական ծրագիրը: Իր աշակերտներին Քիթինգը հայտնում է Մահացած Պոետների Հասարակության գաղտնիքը, որն ամբողջովին փոխում է նրանց կյանքը: Ֆիլմը դիտելուց հետո Դուք էլ ուրիշ մարդ կդառնաք:

5. Արթնացում/ Awakenings

 

Ամաչկոտ բժիշկ և գիտնական Մալքոլմ Սեյերը (Ռոբին Ուիլյամս) օգտագործում է էքսպերիմենտալ դեղամիջոցներ, որպեսզի «արթնացնի» հազվադեպ հիվանդության անշարժացած զոհերին: Լեոնարդն առաջին հիվանդն էր, ով ստացավ այդ չփորձարկված բուժումը… Ֆիլմը դիտելուց հետո Դուք նորովի կնայեք աշխարհին և կսովորեք գնահատել կյանքի փոքրիկ ուրախությունները:

6. Իմ կյանքը/My Life

Հաջողակ գործարար Բոբ Ջոնսը (Մայքլ Կիտոն) իմանում է, որ կմահանա քաղցկեղից, չապրելով նույնիսկ 40 տարի: Բայց նա դեռ ունի վերջին հույսը` հասցնել տեսախցիկով նկարել իր կյանքի, ընտանիքի մասին պատմությունը և խորհուրդներ տա իր ապագա երեխային: Իրոք հուզիչ պատմություն այն մասին, որ աշխարհի ամենաթանկ բաները ամենևին էլ իրեր չեն:

7. Ֆիլադելֆիա/ Philadelphia

 

Երիտասարդ իրավաբան Էնդրյու Բեկետին հեռացնում են աշխատանքից` «Վայլտ Վիվեր» իրավաբանական ընկերությունից, առանց իրական պատճառը հայտնելու. մենեջերները պարզել են, որ նա ՁԻԱՀ-ով հիվանդ հոմոսեքսուալ է:

8. Շինդլերի ցուցակը/ Schindler's List

Սթիվեն Սփիլբերգի 1993 թվականին նկարահանած դրաման` գերմանացի բիզնեսմեն և գերմանական նացիոնալ-սոցիալիստական աշխատավորական կուսակցության անդամ Օսկար Շինդլերի մասին, ով Երկրորդ Համաշխարհայինի ժամանակ իր հնարամտությամբ կարողանում է ցեղասպանությունից փրկել հարյուր հազարավոր հրեաների: Ֆիլմը 7 անվանակարգերում արժանացել է «Օսկար»-ի:

9. Կանաչ մղոն/ The Green Mile

 

Սթիվեն Քինգի համանուն վեպի հիման վրա նկարահանված դրամա է։ Ֆիլմը պատմում է բանտարկյալ Ջոն Կոֆֆիի մասին, ում դատապարտել են մահապատժի: Ֆիլմը ներկայացվել է Օսկարի (4 անվանակարգում) և Ոսկե Գլոբուսի, ստացել է 3 Սատուրն կինոմրցանակ։

10. Մթության մեջ պարողը/ Dancer in the Dark

 

Բավականին անսովոր ֆիլմ, որի գլխավոր դերը կատարել է հանրահայտ երգչուհի Բյորքը: Ցնցող ու ողբերգական այս ֆիլմը պատմում է գրեթե կույր չեխ գաղթական կնոջ մասին, ով ապրում է հանուն իր երեխայի: Բյորքի կատարմամբ հիանալի երգերը ֆիլմը վերածում են կինոարվեստի իսկական գլուխգործոցի:

11. Հիշողության օրագիրը/ The Notebook

 

Հետաքրքիր սիրային պատմություն: Ծերունին`ծերանոցում,օրագրի միջից տատիկին կարդում է մի սիրային պատմության մասին, որը իրականում տեղի է ունեցել նրանց հետ, տարիներ առաջ: Ֆիլմը ստիպում է վերապրել նույն զգացմունքները, որոնք այդ պահին զգում են դերասանները:

12. Կախարդական աշխարհը/ Finding Neverland

 

 Գրող Մետյու Բարրին չի ենթարկվում պահպանողական Լոնդոնի օրենքներին: Նա ընկերանում է միայնակ այրի կնոջ հետ և դառնում նրա 4 որդիների խորթ հայրը: Նոր ընտանիքը նրան ներշնչանք է հաղորդում, և այդպես ծնվում է մի գեղեցիկ հեքիաթ` մեծանալ չցանկացող երեխաների մասին:

13. Ռուանդա հյուրանոցը/ Hotel Rwanda

 

Ֆիլմը 1994թ-ին Ռուանդայում տեղի ունեցած ցեղասպանության մասին է: Ֆիլմի գլխավոր հերոս Փոլը, ով հեղինակավոր հյուրանոցի կառավարիչ է, ամեն ինչ անում է` մարդկանց փրկելու համար: Դա նրան հաջողվում է. նա մահից փրկում է 1268 հոգու: 

14. Սապատավոր լեռը/ Brokeback Mountain

 

Գեյ-դրամա, որը պատմում է 2 հոմոսեքսուալիստ կովբոյների սիրո մասին: Տարբեր կերպ կարելի է մոտենալ ֆիլմի թեմային: Այնուամենայնիվ ֆիլմն արժանացել է 3 մրցանակի` ռեժիսորի (Էնգ Լի), երաժշտության և ադապտացված սցենարի համար (Լարի ՄակՄարտրի եւ Դայանա Օսանա):

15. Հատուցում/ Atonement

 

Ֆիլմը երկու քույրերի մասին է: Նրանցից մեկն ունի շատ վառ երևակայություն, պիեսներ է գրում, մյուսը` սիրահարվել է տան սպասուհու տղային: Նրանց աշխարհը քանդվում է դեպքերի ողբերգական զարգացման պատճառով: Այն ֆիլմերից է, որոնք կարևորում են մարդկային ներողամտությունը:

16. Հ.Գ. Ես քեզ սիրում եմ/ P.S. I Love You

Նրանք ստեղծված են միմյանց համար, պետք է ապրեն երջանիկ և հնարավոր է մահանան նույն օրը: Բայց ճակատագրի հեգնանքով աղջիկը դառնում է այրի: Անգամ մահից հետո ամուսինը կնոջը միայնակ չի թողնում: Նա հետմահու գրում է 7 հաղորդագրություն  կնոջը, որոնցից յուրաքանչյուրը վերջանում է «Հ.Գ. Ես քեզ սիրում եմ» տողով…

17. Գծավոր գիշերազգեստով տղան/ The Boy in the Striped Pyjamas

 

Իրադարձությունները տեղի են ունենում 2-րդ Համաշխարհային պատերազմի ժամանակ. հրեաների համակենտրոնացման ճամբարի գերմանացի պարետի որդին ընկերանում է համակենտրոնացման ճամբարից մի հրեա երեխայի հետ, ինչն էլ շատ ծանր ավարտ է ունենում:

18. Խատիկո` ամենահավատարիմ շունը/ Hachi: A Dog's Tale

 

Պրոֆեսոր Պարկեր Ուիլսոնը երկաթուղային կայարանում մի լքված շուն է գտնում և տանում տուն՝ վերադարձնելու մտադրությամբ, սակայն շան ետևից ոչ ոք չի գալիս, և Պարկերը պահում է շանը: Տարիներ անց, երբ տերը մահանում է, շունը չի հեռանում այն կայարանից, որտեղից վերջին անգամ նրան աշխատանքի է ճանապարհել:

19. Վալենտինկա/Blue Valentine

 

Ֆիլմում նկարագրվում է ժամանակակից ամուսնական զույգի ողբերգական պատմությունը:

20. Անձրևի մարդը/ Rain Man

 

Եսասեր երիտասարդ Չառլի Բեբբիտն անսպասելի իմանում է, որ իր հանգուցյալ միլիոնատեր հայրը, ժառանգությունը թողել է ոչ թե իրեն, այլ աուտիզմով հիվանդ եղբորը՝ Ռեյմոնդին։ Ռեյմոնդն ապրում է հոգեբուժանարում և նրա գոյության մասին Չառլին նույնիսկ չգիտեր։ Զայրացած Չառլին որոշում է Ռեյմոնդին վերցնել հիվանդանոցից իր մոտ և բնակվել նրա հետ մինչև ժառանգության կեսը կհասնի իրեն։