Գիտականորեն ապացուցված 8 միջոց` հարաբերությունները կատարյալ դարձնելու համար

ЛАЙФ 7 Сентябрь, 2015 10:13

Շատերիս համար ռոմանտիկ հարաբերությունները հիմնական տեղ են զբաղեցնում մեր կյանքում: Եթե այդ հարաբերություններում ամեն ինչ կարգին է, ապա դրանք միշտական ուրախության աղբյուր են, իսկ եթե հարաբերություններում ամեն ինչ անկայուն է, դա մեծ ցավ է պատճառում մեզ:

Իրականում մեր երջանկությունը կախվածէ նրանից, թե ինչպես ինքներս մեզ կդրսևորենք այդ հարաբերություններում: Այս մասին գրում է cluber.com-ը և առաջարկում հետևել այս 8 կանոնին` հարաբերությունները կատարյալ դարձնելու համար:

1. Թարմ աչքով նայեք ձեր հարաբերություններին

Իրականում ոչ միշտ են ռոմանտիկ հարաբերությունները զգալի ջանքեր պահանջում: Թարմ աչքով նայեք ձեր հարաբերություններին: Արդյո՞ք ձեր զուգընկերն իրեն անփույթ չի պահում ձեր հետ շփվելիս, ուշադի՞ր է ձեր նկատմամբ, կարո՞ղ եք ձեզ ազատ ու բնական զգալ նրա կոքին գտնվելիս: Դուք միմյանց մեջ դրական կողմեր եք հայտնաբերում: Այս հարցերի շուրջ մտորելով` կարելի է հասկանալ, թե արդյո՞ք ցանկանում եք շարունակել նման հարաբերությունները:

2. Սկսեք ձեր սեփական երջանկությունից

Մարդկանց մեծամասնությունը չարաչար սխալվում է` կարծելով, որ հանդիպելով այն միակին, նրանք անմիջապես կերջանկանան: Իրականում հետազոտությունները ցույց են տվել, որ ամենաերջանիկ մարդիկ փորձում են հաճույք ստանալ ո՛չ միայն ռոմանտիկ հարաբերություններից, այլև` նախընտրում են զբաղվել այն ամենով, ինչ իրենց դուր է գալիս: Եթե ապրեք ձեր բնական կյանքով, դա թույլ կտա հարաբերություններում միայն լավն ու դրականը տեսնել:

3. Արտասովոր քայլեր կատարեք զուգենկերոջ հետ միասին

Մարդ ամեն ինչին հարմարվում է: Այս ասացվածքը ցույց է տալիս մարդու իրական էությունը: Այն, ինչ հետաքրքիր ու սպասված է առաջին ժամադրության ժամանակ, կարող է ձանձրալի թվալ համատեղ կյանքի երրորդ տարում: Հետազոտությունը ցույց է տվել, որ զույգերն, ովքեր մշտապես ներգրավված են ինչ-որ հետաքրքրաշարժ գործերում, ավելի մեծ ընտանեկան բավարարվածություն են զգում: Բացի այդ, նորանոր գործողությունները նպաստում են ուղեղի այն հատվածների ակտիվացմանը, որոնք պատասխանատու են ուրախության հորմոնի արտադրման համար:

4. Սովորեք ձեր զուգընկերոջ սիրո լեզուն

Ոսկե կանոնի փոխարեն նախընտրեք Պլատինե կանոնը` «Վարվիր մյուսների հետ այնպես, ինչպես իրենք կցանկանային, որ վարվեիր»:

5. Խուսափեք «ապոկալիպսիսի 4 հեծյալներից»

Ի՞նչ է դա. հոգեբաններն առանձնացրել են վարքի 4 տեսակ, որոնք կործանարար են հարաբերությունների համար` քննադատություն, արհամարhանք, պաշտպանություն և ընդդիմություն:

6. Ուշադրություն զարգացրեք

Կենտրոնացեք ներկայիս հարաբերությունների, ներկա պահի վրա և հաճույք ստացեք իրական զգացողություններից:

7. Առավելագույնս ուշադիր եղեք լավ նորությունների նկատմամբ

Հետազոտությունը ցույց է տվել, որ այն, թե ինչպես ենք արձագանքում մեր զուգընկերոջ համար լավ նորությանը, կարող է կա՛մ օգնել մտերմությանը, կա՛մ խանգարել: Ակտիվություն և հետքրքրվածություն ցուցաբերեք, երբ նա կիսվում է ձեզ հետ իր հաջողություններով: Դա կամրապնդի ձեր կապը:

8. Հպվեք միմյանց ամեն օր

Մեր ծննդյան առաջին իսկ պահից մեզ անընդհատ ինչ-որ մեկը հպվում է: Հպվելու գործառույթը կապված է անվտանգության, վստահության և աջակցության զգացողության հետ: Մարդիկ, ովքեր ավելի շատ են ֆիզիկական աջակցություն ստանում զուգընկերոջից, ավելի երջանիկ են հարաբերություններում: