NEWS.am STYLE- ը գրում է.

«Նորից անձրեւ, մշուշ, ամպ» -գրում էր ամենաառոմանտիկ հայ բանաստեղծ Վահան Տերյանը, ում ամենասիրելի եղանակը, անկասկած, աշունն էր:

Շատերի մոտ աշունն ասոցացվում է քամիների ու անձրեւների հետ,մյուսներն էլ տերյանական ռոմանտիզմ ու կյանքը նորովի սկսելու ցանկություն են ապրում: Միանշանակ է` աշունը տարվա ամենասպասված եղանակն է: Ահա մի քանի պատճառ, թե ինչու է պետք սիրել այն:

1. Ցուրտ եղանակ

Այս տարի մեր Հանրապետությունում աննախադեպ շոգ ամռանից հետո բոլորը երազում էին աշնան գալու մասին: Այո, փոքր-ինչ ցուրտ եղանակը ամռան տապից հետո առավել քան ցանկալի է:

2. Դեղնած տերեւներ

Աշնանը աննկարագրելի գեղեցիկ գույներ է ստանում բնությունը: Իզուր չէ, որ շատ մարդիկ նախընտրում են տարվա այս եղանակին կազմակերպել արշավներ դեպի բնության գիրկը` հիանալու գույների աներեւակայելի խաղով:

3.Մատչելի հանգիստ

Խոսեցինք արշավների մասին, չենք կարող չնշել նաեւ այն, որ աշունը համարվում է  թավշյա սեզոն, երբ հանգստավայրերում բավականին մատչելի գներ են` համեմատած ամռան հետ: Մի կողմից զով եւ ռոմանտիկ եղանակը, մյուս կողմից` մատչելի գները հանգստավայրերում, ստիպում են մարդկանց սրտատրոփ սպասել սեզոնի մեկնարկին:

4. Ոճային հագուստ

Գլխարկ, շարֆ, ձեռնոցներ, երկարաճիտ կոշիկներ... կանացի զգեստապահարանի այս էլեգանտ աքսեսուարներն անհրաժեշտ են դառնում հենց աշնանից սկսած եւ էլ ավելի ընդգծում կանացիությունը:

5. Քաղցարահամ մրգեր

Դե, իսկ մրգերի սիրահարները կգնահատեն աշունը սեզոնային քաղցրահամ մրգերի համար: