Time-ը հրապարակել է մոլորակի ամենաազդեցիկ մարդկանց վարկանիշային աղյուսակը

People.am- ը գրում է.

Ռուսաստանի նախագահ Վլադիմիր Պուտինը գլխավորել է  Time հեղինակավոր ամերիկյան ամսագրի ընթերցողների վարկածով մոլորակի ամենաազդեցիկ մարդկանց վարկանիշային աղյուսակը։ Այդ մասին հայտնել են պարբերականի ներկայացուցիչները։

Քվեարկությունն ավարտվել է անցած ուրբաթ, բայց պաշտոնական արդյունքները հայտարարվել են միայն հիմա։ Ամսագրի խմբագրության ընտրությունը հայտնի կդառնա ապրիլի  16-ին։ Ռուսաստանի ղեկավարը հավաքել է ձայների  6,95%-ը։ Time շաբաթաթերթը հրատարակվում է   1923թվականից։ Ամենազդեցիկ մարդկանց վարկանիշային աղյուսակը ներկայացվում է  1999 թվականից։  2014 թվականի նոյեմբերին Պուտինը երկրորդ անգամ անընդմեջ գլխավորել է աշխարհի ամենաազդեցիկ մարդկանց ցանկը՝ ըստ մեկ այլ ամերիկյան հայտնի ամսագրի՝ Forbes-ի։

Time-ի ընթերցողների վարկանիշային աղյուսակի թոփ-10-ը ունի հետևյալ տեսքը․

1. ՌԴ նախագահ Վլադիմիր Պուտին-6,95%

2․ Հարավկորեացի երգչուհի Լի Չէ Ռին, ով հանդես է գալիս CL անունով  2NE1 փոփ խմբի կազմում- 6,9%

3․Երգչուհի Լեդի Գագա-2,6%

4․ Երգչուհի Ռիհաննա- 1,9%

5․ Երգչուհի Թեյլոր Սվիֆթ– 1,8%

6․Դերասանուհի Էմմա Ուաթսոն-1,8%

7․ Դալայ Լամա-1,7%

8․Իրավապաշտպան Մալալա Յուսուֆզաի-1,6%

9. Երգչուհի Բեյոնսե-1,5%

10․ Հռոմի պապ Ֆրանցիսկոս-1,5%