Պետության սլաքը՝ մարզերի զարգացման ուղղությամբ
БЛОГՄարինա Ներսեսյանը ֆեյսբուքյան իր էջում գրում է.
Տարածքային համաչափ զարգացումը Հայաստանի համար կարևոր նշանակություն ունեցող խնդիրներից է: Երկրկի բնակչության և ենթակառուցվածքների գերակշռող մասը կենտրոնացած է մայրաքաղաք Երևանում, այն դեպքում երբ շատ ու շատ համայքների անուշադրության են մատնվում, բազմաթիվ գյուղեր դատարկվում են: Համայնքների զարգացումը համալիր մոտեցում է պահանջում, ինչը իր հերթին ենթադրում է լրացուցիչ ռեսուրսներ ուղղել համայնքների կարիքների համար:
Եթե պետությունը իր առջև խնդիր է դրել տարածքային համաչափ զարգացումը դարձնել իր քաղաքականության գլխավոր ուղղություներից մեկը, ապա պետք է կազմի և առաջնորդվի մարզերի զարգացման ծրագրով: Վարչապետ Կարեն Կարապետյանը հանձնարարական է տվել մարզպետներին, որ նրանցից յուրաքանչյուրը պետք է կազմի իր մարզի զարգացման ծրագիրը: Ընդ որում ծրագիրը կազմելիս նրանք հատուկ ուշադրություն պետք է դարձնեն լրացուցիչ աշխատատեղերի ստեղծմանը, կրթական և մասնագիտական ծրագրերի իրականացմանը: