Գեղարքունիքի մարզի Կալավան համայնքը ներկայացրեց իր զբոսաշրջության զարգացման ծրագրերը «Արկածային զբոսաշրջության» համաշխարհային համաժողովում

 Գեղարքունիքի մարզի  Կալավան գյուղի երիտասարդական նախաձեռնող խմբի կողմից 2014 թվականին սկզբնավորած գյուղական տուրիզմը մեծ հետաքրքրություն առաջացրեց ինչպես Հայաստանում, այնպես էլ նրա սահմաններից դուրս:

Ինչպես «Արմենպրես»-ին տեղեկացրեց Կալավանում գործող «Թայմ Լենդ» հիմնադրամի տնօրեն ՌոբերտՂուկասյանը, Կալավան այցելողների թիվը տարեցտարի ավելանում է, ինչը եւ առավել հայտնի է դարձնում լեռնային գյուղի հրապույրները նաեւ արտասահմանյան երկրներում: «Կալավանը ներկայացրեց իր ծրագրերը «Արկածային զբոսաշրջության» համաշխարհային համաժողովում, որը տեղի ունեցավ այս տարվա սեպտեմբերին, Ալյասկայի Անքորիջ քաղաքում: Համաժողովի 3 հիմնական ելույթներից մեկը հենց Կալավանի մասին էր, որի ընթացքում մեր կողմից ներկայացվեցին Կալավանում զարգացող էկոտուրիզմը եւ հետագա ծրագրերը: Համաժողովի ընթացքում ձեռք բերվեցին մի շարք պայմանավորվածություններ տարբեր երկրների տուրօպերատորների հետ: Հաջորդ տարիներին սպասվում է զբոսաշրջիկների նոր եւ ավելի մեծ հոսք, ինչին, ներկա ենթակառուցվածքներով, գյուղը պատրաստ չէ: Ուստի ուղիներ ենք փնտրում՝ աջակցելու բնակիչներին իրենց տներում հյուրատնային պայմաններ ստեղծելու համար»,-ներկայացրեց Ռոբերտ Ղուկասյան ը:

Քանի որ գյուղական տուրիզմի զարգացումն ուղղակիորեն կապված է էկոլոգիապես մաքուր սննդի հետ, հետեւաբար, Կալավանում կարեւորում են նաեւ անցումը օրգանական գյուղատնտեսությանը: Եվրոպական Միության կողմից ֆինանսավորվող «ՕԳԱՆ» (Օրգանական գյուղատնտեսության աջակցության նախաձեռնություն) ծրագրի շրջանակում հավանություն ստացած 18 ծրագրից մեկն այժմ իրականացվում է Կալավան գյուղում: «Ավանդական գյուղատնտեսության պայմաններում Կալավանում անհնար է զարգացնել գյուղատնտեսությունը, քանի որ սպառման շուկան գտնվում է գյուղից բավական հեռու եւ արտա դրանքի տեղափոխման ծախսը արդեն իսկ բարձրացնում է ինքնարժեքը՝ դուրս մղելով այն մրցակցությունից: Վստահ ենք, որ օրգանական գյուղատնտեսության զարգացման պայմաններում այս խնդիրները կստանան իրենց լուծումները: Հույս ունենք, որ մոտ ապագայում հնարավոր կլինի ամբողջ գյուղի անցումը օրգանական գյուղատնտեսությանը: Նախատեսում ենք տեղում պայմաններ ստեղծել արտադրանքի երկրորդային մշակման եւ փաթեթավորման համար, ինչպես նաեւ՝ հիմնել օրգանական ապրանքների խանութ մոտակա քաղաքներից մեկում, որտեղ կվաճառվեն միայն Կալավանում եւ հարակից գյուղերում օրգանակաÕ ¶ հավաստագրում ունեցող հողերից ստացված բերքը»,-շարունակեց Ռոբերտ Ղուկասյանը: Կալավանի բնակչությունը եւս հավատով է լցված զբոսաշրջային ծրագրերի իրականացման հանդեպ՝ նրանցում տեսնելով գյուղի զարգացման հեռանկարներն ու հնարավորությունները:

«Մենք այստեղ չենք ծնվել, բայց այստեղ են ծնվել մեր երեխաներն ու թոռնիկները, եւ այդ հանգամանքը մեզ բոլորիս պարտավորեցնում է՝ համախմբվել եւ միասնական ուժերով զարգացնել մեր գյուղը»,-ասաց Կալավան գյուղի բնակիչ Սուրեն Ստեփանյանը: