Սիրված ու գնահատված կին լինելու դեպքում կլինես նա սիրված մամա, կհաջողես կարիերայիում ու կունենաս երջանկություն. Մերի Ներսիսյան

Life.panorama.am-ը գրում է.

«Արդեն 30 եմ, բայց պատկերացրեք, որ ցավոտ չի». Հաղորդավարուհի Մերի Ներսիսյանն երեկ այս մեկնաբանությամբ է մեկնարկել ծննդյան 30-ամյակը: Life.panorama.am-ը, շնորհավորելով ու ջերմ բարեմաղթանքներ հղելով հաղորդավարուհուն, նրա հետ խոսել է տարիքային առանձնահատկության ու նոր տասնամյակում սպասվող անելիքների մասին:

«Կարծում եմ` բոլորիս համար էլ առաջին մեծ համարվող տարեթիվը 30-նն է ու երեւի դրանից ելնելով էլ միշտ վախով ենք սպասում 30-ին. հենց այդ գիտակցմամբ, նաեւ զգացմունքային ու կատակային ֆոնի վրա նման գրառում արեցի ֆեյսբուքյան էջում, բայց պետք է փաստեմ, որ իսկապես 30-ը ոչինչ չի փոխում, նույն մարդն ես ու կարեւորը ներքին տարիքդ եւ հոգեվիճակդ է: Եթե ներսում երիտասարդ ես, թեթեւ, դրական, ոչ մի տարիք քեզ փոխել չի կարողանա»,- ժպիտով նշեց Մերին:

30 տարեկանում Մերին ոչ միայն մեծ հաջողություններ է գրանցել աշխատանքում, այլեւ կյանքի համար ամենակարեւոր ընտրությունն է կայացրել ու երկու երեխա ունեցել: Հարցին, թե ի՞նչ է ցանկանում երրորդ տասնամյակում իրականացնել, օրվա հերոսուհին առանձնացրեց.

«Կարծում եմ` մարդիկ 40-ից հետո են երեխաների հաջողություններով կյանքը վայելում, իսկ 30-ի սահմաններում դեռեւս իրենք իրենց համար են ապրում: Շատ կցանկանամ, որ առաջիկա տասը տարին ամուսնուս հետ հնարավորինս շատ ճանապարհորդենք, կցանկանամ լրացնել ամենն, ինչ չեմ հասցրել անել նախորդ տասնամյակում: Ուզում եմ 30-ում ավելի նոր գաղափարներ ու ծրագրեր իրականացնել: 30-ում յուրաքանչյուր հարցի ուրիշ կերպ ես վերաբերվում` ավելի ես արժեւորում ունեցածդ, առանձնացնում գերկարեւոր արժեքները. ուզում եմ ավելի ակտիվորեն զբաղվել հասարակական գործունեությամբ, որպեսզի ոչինչ իմ կողմից անտարբերության չմատնվի, պետք է ամեն բան անեմ` մարդկանց օգնելու համար»:

Մերին, ով վերջերս կրկին դուստր ունեցավ, պատրաստվում է նորից մայրանալ.

«Երեխաներ ունենալը տարիքի հետ չեմ կապում, այդ երեւույթը տարիք չի ճանաչում, բայց անպայման մոտ ապագայում նախատեսում եմ երրրորդ երեխայի ծնունդը, քանի որ ես ու Գոռը դա շատ ենք ուզում», - նշեց նա:

Մեզ հետ զրույցում Մերի Ներսիսյանը նկատեց, որ երազանքերը երբեք չեն փոխվում, դրանք միշտ նույն բովանդակությունն ունեն.

«Ես ինձ ինչ հիշում եմ` ծննդյանս տորթի մոմերը փչելիս նույն երազանքն եմ պահել, որ մտերիմներս առողջ լինեն: Այսօր էլ նույն երազանքն եմ մտապահելու, քանի որ ուղղակի կամաչեմ Աստծուն նյութական հարցերի մասին խնդրել: Ի տարբերություն երազանքների` նպատակներս հաճախ են փոխվում, բայց դրանց մասին անգամ ինքս ինձ հետ չեմ խոսում, պարզապես ենթագիտակցական մակարդակում մտածում եմ ու քայլ առ քայլ հասնում դրանց»,- հավելեց նա:

Իսկ վերջում Մերին շեշտեց` կյանքի ամենամեծ ձեռքբերումը ամուսինն է.

«Կնոջ կյանքում ամենակարեւորը ճիշտ ընտրությունն է. Ձեռքբերումս հենց իմ ընտրությունն է` ամուսինս, ընդ որում, չեմ նշի երեխաներիս, քանի որ ճիշտ ընտրություն կատարելու դեպքում մնացյալ ամեն բան փողկապակցված օղակների նման հարթ կատարվում են: Սիրված ու գնահատված կին լինելու դեպքում կլինես նաեւ սիրված մամա, կհաջողես կարիերայիում ու կունենաս ամենակարեւորը` երջանկություն»,- ավարտեց հոբելյարը:

Հեղինակ` Անուշիկ Մելքոնյան