Ереван, 21.Ноябрь.2026,
00
:
00
ВАЖНО

Չեմ ուզում, որ ընտրյալս իմ ոլորտից լինի, ի վերջո տանից մեկը պետք է գումար աշխատի. Թամարա Գևորգյան

ЛАЙФ

Life.panorama.am-ը գրում է

21-ամյա դերասանուհի Թամարա Գեւորգյանի համար «Փոխնակ մայրը» հեռուստասերիալը առաջին փորձն է: Կարճ ժամանակ է, ինչ հեռուստասերիալը հեռարձակվում է, սակայն երիտասարդ դերասանուհին արդեն հասցրել է ընդունվել ու սիրվել հեռուստադիտողի կողմից:

Life.panorama.am-ը մասնագիտության ընտրության, անելիքների ու անձնական կյանքի մասին խոսել է Թամարայի հետ.

«Իմ դերասանական ուղին սկսվել է Թատրոնի եւ կինոյի պետական ինստիտուտից, որտեղ չորս տարի ուսանել եմ հրաշալի վարպետ Նիկոլայ Ծատուրյանի արվեստանոցում: Հենց նա է իմ մեջ արթնացրել այս մասնագիտության նկատմամբ վերաբերմունքը: Ինչպես շատերը գիտեն` Ն. Ծատուրյանը դեմ է, նույնիսկ արգելում է իր ուսանողներին ուսման ընթացքում աշխատել. Նրա տված մեծ դպրոցի արդյունքում ես իմ մասնագիտությամբ սկսեցի ճիշտ ժամանակին աշխատել»,- պատմեց Թամարան ու հավելեց, որ «Փոխնակ մայրը» հեռուստասերիալում նկարահանվելու առաջարկը ստացել է ինստիտուտն ավարտելուց երեք շաբաթ անց:

Հետաքրքրվելով, թե Նիկոլայ Ծատուրյանը ի՞նչ կարծիք ունի սերիալում իր ուսանողուհու խաղի վերաբերյալ, դերասանուհին պատմեց.

«Ն. Ծատուրյանը այն մարդկանցից է, ով եթե լռում է, ուրեմն արդեն լավ է, ուրեմն քեզ աշխարհի երջանիկը կարող ես համարել այդ պահին: Ինձ առհասարակ յուրաքանչյուր հարցի շուրջ է հետաքրքիր պարոն Ծատուրյանի կարծիքը, իսկ երբ սերիալի մի քանի սերիաներ արդեն եթերում էին, գնացի վարպետիս տուն` լսելու խաղիս վերաբերյալ իր տեսակետը, քանի որ գիտեի սերիալների նկատմամբ նրա վերաբերմունքը: Նա լուռ նայեց ու ասաց` «Ամենակարեւորը դատարկ չես»: Հավատացեք, ինձ դա էլ բավարար էր: Այսքան տարիների ընթացքում նա միայն մեկ անգամ է ինձ գովաբանել, երբ չորրորդ կուրսում ինձ ասաց` «Դու դարձար դերասանուհի», դրանից հետո ես իսկապես ինձ երջանիկ համարեցի»:

Մեր հարցին, թե մինչեւ այս ասպարեզ մուտք գործելը Թամարան հենց այսպիսի՞ն էր պատկերացնում ոլորտը, թե այնուամենայնիվ, իրականության հետ որոշ բախումներ ունեցե՞լ է, պատասխանեց.

«Այնպես չէ, որ ես հատուկ պատկերացումներ ունեի ու հիմա էլ հիասթափված եմ: Առհասարակ երազկոտ չեմ, ամեն բան ընդունում եմ այնպես, ինչպես կա, ես գիտեի` ուր եմ գնում ու չէի էլ սպասում, թե իմ առաջ կարմիր գորգեր են փռելու: Իհարկե, յուրաքանչյուր դերասան էլ իր մասնագիտության նկատմամբ մեծ պատկերացումներ ունի, սակայն ամեն երիտասարդ դերասան աշխատանքի խնդիր ունի ու շատ բաներ անում է հենց դրա համար: Ինչեւէ, մեծամիտ թող չհնչի, բայց, կարծում եմ, իրենից ինչ-որ բան ներկայացնող դերասանը յուրաքանչյուր նախագծի մեջ կկարողանա գտնել այն ամենը, ինչը կծառայեցնի իրեն ու իր կերպարին, արդյունքում էլ տվյալ գործն իրեն հաճելի կդառնա: Բախումներ կամ հիասթափություններ չունեմ, միայն թատրոնի պակաս ունեմ»:

Դերասանուհին ամեն բան անում է, որպեսզի թատրոնի բացը լրացնի.

«Չորս տարի բեմում լինելուց հետո, երբ վարպետի միջոցով ծանոթանում ես իրականության հետ, դժվար է հեռու լինել դրանից: Հիմա թատրոնի քաղց ունեմ, սակայն դա արդեն փորձում եմ լրացնել: Միայն սկզբում էի վախենում, որ սերիալում նկարահանվելով, ժամանակս չի բավականացնի թատրոնում աշխատելու հետ, սակայն հիմա հասկանում եմ, որ կարող ես համատեղել: Փակագծեր չեմ բացի, բայց կարծում եմ` թատերասաեր հասարակությունը ինձ շուտով նաեւ բեմում կտեսնի, արդեն համագործակցում եմ հրաշալի ռեժիսորի հետ, ըստ իս` թատրոնից երկար բացակայությունս իր օգուտն էլ կունենա»:

Անդրադառնալով «Փոխնակ մայրը» հեռուստասերիալում իր կերպարին` դերասանուհին նշեց.

«Կերպարս` Կիկին, ունի դերասանի համար ամենակարեւորը` նրանից կարող ես օրգանիկ մարդ սարքել, այլ ոչ թե ուղղակի կերպար կերտել: Նա մի քիչ գլամուրային, մի քիչ նախանձ աղջիկ է, սակայն նա այդպիսին է ոչ թե նրա համար, որ չար է, այլ ուղղակի շատ բաներ չի հասկանում: Կիկին որպես բացասական կերպար է ընկալվում հեռուստադիտողի կողմից, սակայն նա ինձ համար այնքան էլ բացասական չէ։ Ամեն դեպքում, ես սիրում եմ բացասական հերոսների մարմնավորել, քանի որ նրանց գույներն ավելի շատ են, թեեւ արդեն իսկ բախվել եմ մեր երկրում մեծ տարածում ունեցող խնդրին, երբ մարդիկ քեզ կերպարիդ հետ են նույնացնում: Չգիտեմ` հետագայում սցենարիստը ինչպես կզարգացնի կերպարս, բայց ես հաճախ եմ նրա հետ զրուցում, որպեսզի ճիշտ համագործակցություն լինի»:

Վերջում հետաքրքրվելով, թե դերասանուհին միայնա՞կ է, թե նրա սիրտն արդեն զբաղված է, Թամարան նշեց.

«Հիմա անձնականս այնքան բարձիթողի վիճակում է, որ մեծամտություն կլինի այդ մասին խոսելը: Ես միայնակ եմ, ինչպես ասում են` սիրտս ազատ է»:

Ի դեպ` Թամարան չի ցանկանում, որ ապագայում ընտրյալն իր ոլորտից լինի.

«Չեմ ուզում, որ ընտրյալս իմ ոլորտից լինի, ի վերջո տանից մեկը պետք է գումար աշխատի»,- կատակելով ավարտեց դերասանուհին:

Հեղինակ` Անուշիկ Մելքոնյան

Когда вся Армения была одной командой. Никита Симонян и «Арарат-73»Ucom и Impact Hub Yerevan подвели итоги третьего этапа программы по развитию зелёного предпринимательстваIDBank представит концепцию единой экосистемы на DigiTec 2026Без 102-й базы Армении конец. Аршак КарапетянЧто будет, если выведут 102-ю базу? Аршак Карапетян Европейский курс Армении между обещаниями и обязательствами При поддержке Ucom в Ереване прошли ежегодные соревнования по гонкам дронов «Mini Whoop Drone Racing Armenia 2026»Аршака Карапетян отвечает на комментарии IDBank представил цифровую платформу Rate.Trading на выставке Toon Expo.Invest 2026Rate.Trading: Крупные сделки с цифровыми инструментами управления валютными рискамиЗакрытие карабахского вопроса ставит под угрозу само существование Армении. Аршак КарапетянФонд VIVA стал бенефициаром инициативы «Сила одного драма» в ноябреСпециальные предложения по ипотечному кредитованию: IDBank на Toon Expo. Invest 2026Ни одна власть в Армении не пришла демократическим путем․ Аршак КарапетянIDBank на региональном форуме СБА: от решений для путешествий до бизнес-возможностей Скидка 35% на указанные карты IDBank в честь 35-летия Предварительное одобрение бизнес-кредита за 5 минут — какие возмоности для МСБ представил Юнибанк в Гюмри?На основании Декларации о независимости Армения стала независимым государством. Аршак Карапетян Центр обслуживания Ucom в Арташате открылся по новому адресу Демократическим путём эту власть менять невозможно. Аршак КарапетянРодина надеется на военных. Эту власть надо наказать. Аршак КарапетянПоздравление лидера движения «Всеармянский фронт» по случаю Дня разведчикаUcom и Республиканский союз работодателей Армении подписали меморандум о сотрудничестве Оформи карту Visa Digital от Юнибанка для покупок и переводов Ucom — генеральный спонсор 21-й Международной олимпиады по микроэлектронике IDBank и Idram провели курс по финансовой грамотности для юных шахматистовUcom поддерживает Silicon Mountains 2026, содействуя развитию инноваций и технологий IDBank впервые выпустил купонные бессрочные облигацииКак были чмошниками , так и осталисьКак только я стану главой Армении, ультимативная форма обращений Азербайджана прекратится через часСейчас Армения находится в большей зависимости, чем когда-либоК сожалению, как руководитель военной разведки я мог только фиксировать эти фактыТо что Азербайджан унижает, это вина нашего политического руководстваТо что Азербайджан унижает, это вина нашего политического руководстваIDBank поддержал реконструкцию Спандарянского канала: подписана памятная табличка, посвящённая проектуIDBank и Idram представили ряд экологических инициатив на COP17Как были чмошниками, так и остались. Аршак КарапетянUcom поделилась опытом участия бизнеса в сохранении природы в Синей зоне COP17«Вот скриншот, деньги переведены»: IDBank предупреждает о мошенничестве с поддельными платежамиКак конфликт подводит биоразнообразие к критической чертеПервые шаги в карьере вместе с IDBank: стартовал 16-й поток программы IDreamЦифровая архитектура устойчивого будущего: статья IDBank в журнале Regional PostКак вы думаете, где будет Армения?Нам ещё долго придется стоять в очереди, чтобы вступить в ЕСRate.Trading. Новая цифровая культура обмена валюты Цифровое будущее и устойчивое развитие: председатель правления IDBank в интервью ForbesНа COP17 представили книгу «Тайная тропа Овазадзора», изданную при поддержке Ucom Ucom раскрыла роль технологий в сохранении природы на COP17Следующие два месяца могут стать судьбоносными для Армении. Аршак Карапетян«Житель Степанавана своим голосом покажет, что все попытки обмануть его с помощью видеозаписей обречены на провал»: партия «Сильная Армения»