Աշխարհի տաս ամենաանվտանգ քաղաքները

Economist պարբերականը հրատարակել է աշխարհի ամենաանվտանգ քաղաքների վարկանիշը: Ցուցակի առաջին հորիզոնականը զբաղեցնում է Տոկիոն:
Ճապոնիայի մայրաքաղաքին հետևում է Սինգապուրը և մեկ այլ  ճապոնական քաղաք՝ Օսական: Economist’s Safe Index 2015-ի ցուցանիշը իր մեջ ներառում է ոչ միայն քրեածին իրավիճակը, այլ անվտանգության ավելի լայն հասկացություն:

Ահա այն հիմնական գործոնները, որոնցով գնահատվել են աշխարհի հիսուն քաղաքները.

Տեղեկատվական անվտանգություն –  Այստեղ գնահատվում է կիբերանվտանգությունը, անձնական տվյալների գողության հաճախականությունը և տեղեկատվական անվտանգության հետ կապված այլ գործոններ:

Առողջության անվտանգություն – այստեղ հաշվի են առնվում բնակիչների կյանքի միջին տևողությունը, ինչպես նաև հիվանդանոցային մահճակալների հարաբերակցությունը  քաղաքի բնակչության թվին:

Ենթակառուցվածքներ – այստեղ գնահատվում են այնպիսի գործոններ, ինչպիսիք են ճանապարհների որակը և տարերային աղետներից մահացածների քանակը:

Անձնական անվտանգություն – այստեղ գնահատվում են ավանդական գործոնները, օրինակ քրեածին իրավիճակը, ոստիկանության աշխատանքը, հանցագործությունների քանակը:

Economist-ի վարկանիշը հետազոտել է աշխարհի հիսուն քաղաք (այստեղ ներկայացված են 10-ը ): Նյու-Յորքը և Լոս Անջելեսը տեղեկատվական անվտանգությամբ առաջին տեղում են: Ցյուրիխը՝ առողջության և ենթակառուցվածքների անվտանգությամբ:
Այսպիսով ստորև ներկայացված են աշխարհի տաս ամենաանվտանգ քաղաքները:

Տոկիո
Մոտ 13,3 միլիոն բնակչությամբ Տոկիոն համարվում է աշխարհի ամենախիտ բնակեցված և միայժամանակ ամենաանվտանգ քաղաքը: Բացի այդ, քաղաքը առաջատար է տեղեկատվական և անձնական անվտանգության ցուցանիշներով, չնայած բնակչության մեծ թվին և երկրաշարժների հաճախությանը:

Սինգապուր
Սինգապուրը ունի անձնական անվտանգության բարձր գործակից, հանցագործությունների մակարդակը այստեղ բավական ցածր է:
Ինչպես նշվում է ВВС 2013 թվականի հաշվետվության մեջ, Սինգապուրում ցանկացած տեսակի հանցագործության համար , ներառյալ մանր խախտումները, նախատեսված պատիժը բավական կոշտ է ինչը անկասկած իր ազդեցությունն ունի քաղաքում հանցագործությունների ցածր մակարդակի վրա: Նույն հաշվետվության մեջ ВВС-ն նշում է նաև, որ Սինգապուրը աշխարհում երկրորդն է մարդասպանությունների ցածր մակարդակով:
ևվ քանի որ բռնությամբ հանցագործությունների մակարդակը այստեղ շատ ցածր է, ոստիկանությունը կենտրոնացած է կիբերանվտանգության ապահովման վրա:

Օսակա
2,6 միլիոն բնակչությամբ ճապոնական Օսակա քաղաքը թվով երկրորդն է անձնական անվտանգության ցուցանիշներով և վեցերորդը՝ առողջության անվտանգությամբ:  Ինչպես և Տոկիոն, Օսական բավական հարուստ քաղաք է և գրավում է երկրորդ տեղը ՀՆԱ-ով: Սակայն Օսակայի տեղեկատվական անվտանգությունը Տոկիո քաղաքից ավելի ցածր է:

Ստոկհոլմ
Շվեդիայի մայրաքաղաքի բնակչությունը կազմում է ինը հարյուր հազար մարդ և գրավում է յոթերորդ տեղը տեղեկատվական և տասներորդը առողջության անվտանգությամբ: Սա միակ ոչ ասիական քաղաքն է, որը անձնական անվտանգության մակարդակով առաջին հնգյակի մեջ է:

Ամստերդամ
820 հազար բնակչությամբ այս քաղաքը հայտնի է մարիխուանայի օրինական վաճառքով, սակայն դրա հետ մեկտեղ նա կարող է հպարտանալ հիանալի ենթակառուցվածքներով, ինչի շնորհիվ Ամստերդամը համարվում է աշխարհի ամենաանվտանգ քաղաքներից մեկը: Քաղաքում հեծանվային տրանսպորտի օգտագործման մասսայականացման շնորհիվ, Ամստերդամը օդի աղտոտվածության և ճանապարհատրանսպորտային պատահարների շատ ցածր մակարդակ ունի:
Բացի այդ Ամստերդամը անձնական անվտանգության բարձր ցուցանիշ ունեցող տասնյակի մեջ է:

Սիդնեյ

4,5 միլիոն բնակչությամբ ավստրալիական այս քաղաքը ենթակառուցվածքի և անձնական անվտանգության բարձր ցուցանիշներ ունեցող քաղաքների տասնյակի մեջ է: Բայց և այնպես Սիդնեյը զիջում է այնպիսի ցուցանիշներով, ինչպիսիք են տեղեկատվական և առողջության անվտանգությունը: Բացի այդ Ավստրալիայում կիբերհանցագործությունների մակարդակը աշխարհում ամենաբարձրներից է:

Համաձայն Daily Telegraph պարբերականի ավստրալացիները աշխարհում ամենահաճախն են ինտերնետ մեքենայությունների և անձնական տվյալների գողության զոհեր դառնում:

Ցյուրիխ
Ցյուրիխը աշխարհի ամենաթանկ տրանսպորտային ցանցով քաղաքներից է:
Ցյուրիխն ունի առողջության, տեղեկատվական և ենթակառուցվածքի անվտանգության բարձր ցուցանիշներ: Քաղաքային բյուջեի շահույթները թույլ են տալիս անընդհատ ներդրումներ անել և թարմացնել քաղաքային տրանսպորտային համակարգը:

Տորոնտո
Տորոնտոն Կանադայի ամենաբնակեցված քաղաքն է: Բացի այդ Տորոնտոն ամենալավ քաղաքներից մեկն է ապրելու, բիզնես վարելու, դեմոկրատիայի, սննդի անվտանգության  և բնակարանների գների տեսանկյունից: Քաղաքը նաև գտնվում է առաջին տասնյակի մեջ ենթակառուցվածքի և անձնական անվտանգության ցուցանիշներով:

Մելբուրն
4 միլիոն բնակչությամբ քաղաքը հետազոտությանը մասնակից հիսուն քաղաքների մեջ գրավում է երկրորդ տեղը ենթակառուցվածքի անվտանգության ցուցանիշով:
Պատահական չե որ Մելբուրնում կյանքի միջին սպասվող տևողությունը ամենաբարձրերից մեկն է՝  86 տարի: Մելբուրնուը համարվում է վեցերորդը կյանքի որակով, որտեղ հաշվի են առնվում անվտանգության և բնակարանների արժեքների գործոնները: Բացի այդ նա գրավում է երկրորդ տեղը անձնական անվտանգության ցուցանիշով:

Նյու Յորք
Նյու Յորքը ԱՄՆ միակ քաղաքն է, որը ամենաանվտանգ քաղաքների տասնյակի մեջ է: Այն գրավում է երկրորդ տեղը առողջության անվտանգության ցուցանիշով և երորդը՝ տեղեկատվական անվտանգությամբ: Այս առումով քաղաքը երկար ճանապարհ է անցել, սկսած 1990 թվականից, երբ ամեն օր միջինում վեց սպանություն էր տեղի ունենում:
Այդուհանդերձ քաղաքը մինչ այժմ բախվում է տեռորիզմի և կիբերպատերազմների վտանգների հետ, ինչը կարող է լուրջ վնաս հասցնել քաղաքի ենթակառուցվածքներին: