Մարդիկ, որոնք փրկվել են մահացու վնասվածքներից հետո (լուսանկարներ)

Մարդկային մարմինը շատ ավելի ամուր և ուժեղ է, քան թվում է: mirfactov.com-ը պատմում է մարդկանց մասին, ովքեր, կարողացել են ողջ մնալ ամենատարօրինակ և բարդ իրավիճակներում:

Ներքին գլխատում

Շենոն Մալոյը հիվանդանոց է գնացել սարսափելի ավտովթարից հետո: Մեքենայի դուռը գործնականում փակվել է նրա պարանոցի վրա: Բժիշկները պարզել են, որ դուռը կտրել է գլխուղեղը ողնուղեղին կապող բառացիորեն յուրաքանչյուր կապ և ջիլ: Հսկայական քանակությամբ վիրահատությունների արդյունքում Մալոյը կարողացել է ոչ միայն ողջ մնալ, այլև խուսափել պարալիզացվելուց: Խախտվել է Մալոյի խոսքը, նրա ձախ աչքը չի տեսնում:

Երկաթե թոքեր

Դիանա Օդելլը մոտ 60 տարի միացված է մնացել արհեստական շնչառության սարքին: Չնայած 3 տարեկանում պոլիոմելիտի պատճառով ողնաշարի դեֆորմացիային՝ Դիանան կարողացել է հագեցած ու լիարժեք կյանքով ապրել: Կինը ավարտել է համալսարանը և նույնիսկ գիրք է գրել, բայց 2008 թ. մեքենայի սնուցումը խափանվել է:

Գլխուղեղի լուրջ վնասվածք

Ֆիննեաս Գեյջն առաջին մարդկանցից մեկն է, որին վիրաբույժները լիարժեք նեյրովիրաբուժական վիրահատություն են արել: Նա պայթեցնող է աշխատել հանքում և չի հաշվարկել լարի այրման ժամանակը: Պայթուցիկը պայթել է Ֆիննեասից 20 մ հեռու, պողպատե ձողը մտել է Ֆիննեասի գլխի մեջ: Վիրաբույժները Ֆիննեասի ուղեղից 30 դեֆորմացված բեկոր են հանել: Կես տարի հետո Գեյջը վերադարձել է նորմալ կյանքի՝ չնայած տառապել է հաճախակի գլխացավերից:

Մասնիկների արագացուցիչ

1978 թ. սովետական գիտնական Անատոլի Պետրովիչ Բուգորսկին ընկել է աշխատող մասնիկների արագացուցիչի տակ: Հետո Բուգորսկին այդ զգացողությունները նկարագրել է որպես բռնկում՝ հազար արևից ավելի վառ, որը հանկարծ բռնկվում է նրա գլխում: Գիտնականը ոչ մի ցավ չի զգացել: Եվ դա՝ չնայած լիցքավորված պրոտոնների ճառագայթը նրա ուղեղի կողքով անցել է լույսի արագությամբ: Բուգորսկու դեմքի ձախ կողմը կաթվածահար է եղել, բայց միայն այդքանը:

Մեկ ժամ ջրի տակ մնացածը

1986 թ. ձմռանը երկամյա Միշել Ֆանկը խաղալիս է եղել սառած առվի մեջ: Սառույցը ճաքել է, փոքրիկը սուզվել է ջրի մեջ: Մեկուկես ժամ հետո երեխային հանել են առանց կյանքի նշանների: Բժիշկը նրան սրտի մերսում է արել, արյունը տաքացել է, օրգանը սկսել է գործել: Միշելն ուշքի է եկել, և նույնիսկ նրա ուղեղը չի տուժել:

Կիսով չափ կտրված

2006 թ. երկաթուղային աշխատող Թրուման Դանքանին հարվածել է գնացքը: Բժիշկները կարել են Դանքանի մարմնի գրեթե կեսը: Նա կորցրել է աջ ձեռքը և ոտքը, բայց իրանը 23 վիրահատությունից հետո հաջողվել է փրկել:

Անդամահատված վերջույթի զգայնության վերականգնում

Դանիացի Դեննիս Աաբո Սորենսենը ձեռքը կորցրել է 2003 թ.: 2014 թ. բժիշկներին հաջողվել է էլեկտրոդների համակարգ ստեղծել, որոնք միացրել են Սորենսենի ուսի նյարդային վերջույթներին: Արդյուքնում Դեննիսը կարողանում է ոչ միայն պրոթեզն օգտագործել որպես իր մարմնի մաս, այլև առարկաները զգալ ձեռքերի մեջ:

Շրջված սիրտ

2014 թ. վթարի ենթարկված իտալացի մոտոցիկլավարի սիրտը սկսել է ընդհատումներով և սովորականից ավելի դանդաղ աշխատել: Բժիշկները պարզել են, որ տղայի սիրտը 90 աստիճանով դեպի աջ է շրջվել: Բժիշկներին հաջողվել է կարգավորել փոփոխությունները:

Կես գլխով մարդ

2010 թ. համացանցը ցնցել է Կառլոս Ռոդրիգեսի լուսանկարը, որը սարսափելի վթարի է ենթարկվել՝ դուրս թռչելով ավտոմեքենայի ճակատային ապակու կողքով: Այնուամենայնիվ, ժամանակակից նեյրովիրաբուժությունը և նեյրոպլաստիկան փրկել են նրան: