Նորաձևության 10 սխալ, որոնք ձեզ հաղորդում են անլուրջ տեսք

Երբևիցե մտածե՞լ եք այն մասին, որ սխալ ընտրված կերպարը ձեզ կարող է անհեթեթ տեսք հաղորդել շրջապատողների շրջանում:

Ներկայացնում ենք արհեստավարժ ոճաբանների մի քանի խորհուրդ, որոնք ի ցույց կդնեն նորաձևության ձեր հավանական սխալները և ձեզ կօգնեն ցանկացած ժամանակ ու վայրում ունենալ գեղեցիկ, առաքինի տեսք:

Ինչպե՞ս չունենալ թեթևամիտ, անլուջ տեսք: Շատ կանայք հաճախ ձգտում են ունենալ բարձր մտավոր ունակություններով գործարար լեդիի արտաքին: Աշխատանքը, կարևոր հանդիպումներն ու այլ միջոցառումները պարզապես պարտադրում են ոչ միայն գեղեցկուհի լինել, այլև` խելացի: Ցանկանո՞ւմ եք խելացի երևալ, ուրեմն փորձեք խուսափել ներկայացվող նորաձևության 10 սխալից:

1. Չափից դուրս բացեցված մազեր

Չափից դուրս բացեցված մազերը, ի հեճուկս համատարած նորաձև «շիկահերացման», ձեզ կարող են հաղորդել անլուրջ կնոջ տեսք, հատկապես, եթե դուք ի ծնե թխահեր եք: Այդպիսի տեսքը ստիպում է մտածել, որ դուք այնքան էլ խելացի չեք, որպեսզի ճիշտ համադրեք ձեր մազերի ու մաշկի գույները:

2. Չափից դուրս վառ դիմահարդարում

Երեկոյան վառ դիմահարդարումը` ցերեկային ժամերին կանանց ամենատարածված նորաձև սխալներից է, ովքեր չեն հասկանում, որ դեմքի վրա կոսմետիկայի մեծ քանակությունը ոչ միայն անհեթեթ է, այլև վանում է տղամարդկանց: Հիմք և թեթև դիմափոշի՝ ահա թե ինչ է ձեզ հարկավոր հրաշալի տեսք ունենալու համար:

3. Կոշիկի կրունկը` 7 սանտիմետրից բարձր

Գոյություն ունեն որոշակի կոշիկներ աշխատանքի, գործնական հանդիպումների կամ հարցազրույցների համար: Եվ դա բոլորովին էլ այն կոշիկները չեն, որոնք նախատեսված են ակումբային երեկոների համար: Կարճացնելով կրունկի բարձրությունը դուք շրջապատողների աչքին ավելի խելացի կերևաք:

4. Եղունգների արվեստ

Ձեզ զգում եք որպես սկսնակ Պիկասո՞: Եթե նույնիսկ այդպես է, ապա եղունգների վրա չէ, որ պետք է ցուցադրեք ձեր ստեղծագործական նկրտումները: Արհեստավարժ, յուրահատուկ մատնահարդարումը գեղեցիկ է, սակայն, եթե դուք ուզում եք բարձր մտավոր կարողություններով անձի տպավորություն թողնել, ապա եղունգները ներկեք միաերանգ:

5. Կիսաշրջազգեստ-շորտեր

Դա կիսաշրջազգե՞ստ է, թե շորտե՞ր: Ի՞նչ է: Կիսաշրջազգեստ-շորտերով կնոջը շատ դժվար է լուրջ ընդունել: Խուսափեք այդ հագուստից, եթե ցանկանում եք աշխատավայրում ընկալվեք որպես լուրջ մասնագետ: Որպեսզի խուսափեք նորաձև սխալներից և լրջամիտ տեսք ունենաք, կրեք սովորական կիսաշրջազգեստ, սակայն ոչ շատ կարճ:

6. Ռետրո հագուստ

Նորձևությունը փոփոխվում է ամեն օր: Ինչպես հայտնի է` ամենայն նորը լավ մոռացված հինն է: Այդուհանդերձ այդ պնդումը չի նշանակում, որ խորը անցյալից վերցված իրերը կատարյալ կդիտվեն ձեզ վրա: Եթե անգամ ինչ-որ տարրեր վերադառնում են, դրանք ամեն դեպքում այլ տեսք ունեն, քան նախկինում: Հավատացեք` տատիկի զգեստապահարանում փնտրտուքների փոխարեն ավելի լավ է ձեզ համար ինչ-որ նոր բան գնեք:

7. Չափից ավելի արտահայտված բույր

Եթե ձեր ետևից տարածվի թեթև, հազիվ որսվող սեզոնային օծանելիքի բույրը, ապա դա հրաշալի է: Սակայն, երբ դուք օգտագործում եք չափից ավելի բուրավետ հեղուկ, դա ընկալվում է որպես ոչ գործնական և անպատեհ, քանի որ ձեր ծանր հոտով դուք անհարմարություն եք ստեղծում այլ մարդկանց համար: Չէ՞ որ դուք չեք ցանկանում, որ բոլորը փոխչեն ձեզ հետ հանդիպելիս: Օծանելիքն օգտագործեք որպես թեթև շեշտադրում, այնպես, որ այն չդառնա ձեզնից հետո մնացած առաջին ու վերջին տպավորությունը:

8. Ստվերների ճչացող գույներ

Չափից դուրս վառ կոպերի ստվերները շրջապատողների աչքում հեշտորեն կգցեն ձեր մտավոր մակարդակը, քանի որ նույնպես համարվում են լրջագույն նորաձևության սխալ: Եթե երեկոյան վառ պարահանդեսի համար ծիածանագույն, երկնագույն կամ կանաչ ստվերները լիովին ընդունելի տարբերակ են, ապա համաժաղովի դահլիճի համար բոլորովին անհարիր են:

9. Անփոփոխ դիմահարդարում

Անփոփխ դիմահարդարումը շատ ռիսկային է: Չէ՞ որ գործնականում դժվար է կռահել, թե տարիքի հետ ինչ փոփոխություններ կկրի ձեր դեմքը, և դրա ո՞ր հատվածները կկախվեն կամ կկնճռոտվեն: Ցանկանում եք լիքը շրթունքնե՞ր: Օգտագործեք շուրթերի համար նախատեսված մատիտ կամ այլ ժամանակավոր լուծում:

10. Շատ մեծ պայուսակ

Կանացի որոշ պայուսակներ այնքան մեծ են լինում, որ չնայած իրենց ողջ պաթոսին, բավականին ոչ գործնական տեսք ունեն: Հրաշալի է, եթե պայուսակում տեղավորվում է ձեր տանը եղած ողջ կոսմետիկան: Սակայն, եթե դուք գործնական կին եք կամ ձգտում եք դառնալ այդպիսին, ձեզ համար փնտրեք սրան այլընտրանքային չափ: