Հասարակություն – Կառավարություն գործընկերության ևս մեկ դրսևորում
БЛОГՄիքայել Գրիգորյանը ֆեյսբուքյան իր էջում գրում է.
Վարչապետի այն հայտարարությունից հետո, որ հասարակությունը պետք է լինի Կառավարության գործընկերը անցել է մոտ 2 ամիս: Այս ժամանակահատվածում այդ գործընկերության արդյունավետության ապահովման համար բազմաթիվ նախաձռնություններ են ստեղծվել: Օրինակ՝ “Հետադարձ կապ Կառավարության ոլորտային պատասխանատուների հետ”:
Այսօր տեղի ունեցած Կառավարության հերթական նիստի ընթացքում վարչապետը նշել է, որ ստեղծվում է Ռազմավարական նախաձեռնությունների կենտրոն: Կենտրոնը լինելու է կառավարությանը կից մարմին և գործելու է հանրային-մասնավոր գործընկերության ձևաչափով: Սա արդեն կարելի է համարել հասարակության հետ համագործակցության ֆիքսված հարթակ: Կենտրոնի հիմնական գործառույթն է լինելու Հայաստանի Հանրապետության կառավարության համար երկարաժամկետ ռազմավարության և տարբեր գերակա ուղղություններով երկարաժամկետ և կարճաժամկետ բարեփոխումների հայեցակարգերի և փաթեթների մշակումը՝ մասնավոր հատվածի հետ սերտ համագործակցության միջոցով: Մասնավոր հատվածը այս պարագայում կարող է այնպիսի խորհուրդներ տալ, որոնք կնպաստեն կառավարման արդյունավետության բարելավմանը:
Տարիների ընթացքում տարբեր պետական մարմինների կողմից խորհրդատուների օգնությամբ, կամ սեփական ուժերով մշակվել, այնուհետև ՀՀ կառավարության կողմից հավանության են արժանացել կառավարման ոլորտներին վերաբերող տարբեր ռազմավարություններ և բարեփոխումների հայեցակարգեր: Առկա են այնպիսի հայեցակարգեր, որոնք իրավական տեսանկյունից գործող են համարվում, բայց փաստացի աշխատանքներ չեն իրականացվում դրանք իրագործելու համար, քանի որ դրանք չեն համապատասխանում ժամանակի հրամայականին կամ մեր ունեցած ռեսուրսներին: Այդպիսի հայեցակարգերի նպատակահարմարությունը պետք է վերանայել:
Ռազմավարական նախաձեռնությունների կենտրոնի պես կառույցների անհրաժեշտությունն այսօր կա և այն ստեղծվում է ճիշտ ժամանակին: