Oրվա համեղ բաղադրատոմս . Պատրաստում ենք «Միկադո».բաղադրատոմս

ЛАЙФ 31 Декабрь, 2016 13:20

Անհրաժեշտ բաղադրիչները`

Խմորի համար՝

6 ձվի դեղնուց

6 ճաշի գդալ շաքարավազ

200 գրամ կարագ

450-500 գրամ թթվասեր

2 թեյի գդալ սոդա

5-6 բաժակ ալյուր

5 գդալ կակաո

Կրեմի համար`

400 գրամ կարագ

3 տուփ եռացրած խտացրած կաթ

1 տուփ խտացրած կաթ

200 գրամ սեւ շոկոլադ՝ 70-80%-անոց

50 գրամ շոկոլադ՝ զարդարելու համար

Պատրաստման եղանակը`

Առաջին հերթին հարկավոր է թթվասերի մեջ լցնել սոդան, խառնել եւ թողնել մեկ ժամ: Նկատի ունենալով, որ սոդայի ազդեցության տակ թթվասերը բարձրանալու է, մեծ ամանի մեջ լցրեք, որ չթափվի: Մինչ սոդան եւ թթվասերը մեկ ժամ հանգստանում են, կարելի է պատրաստել կրեմը:

400 գրամ փափուկ կարագը լավ հարեք, հերթով ավելացրեք խտացրած կաթերը՝ եփած եւ չեփած: Բաղադրատոմսով նախատեսված է 4 տուփ եփած խտացրած կաթ, բայց ես առաջարկում եմ մեկը փոխարինել չեփածով, որպեսզի ավելի փափուկ լինի կրեմը: Նաեւ առաջարկում եմ այս կրեմին վերջում ավելացնել հալեցրած շոկոլադ՝ երկու տուփ, թեեւ բաղադրատոմսով նախատեսվում է կակաո: Շոկոլադը եւ փափկություն է հաղորդում կրեմին, եւ շատ ավելի համեղ է դարձնում այն: Հալեցնել կարող եք ինչպես միկրոալիքային վառարանում, այնպես էլ «ջրային բաղնիքի» վրա՝ խորը եւ ջերմակայուն ամանի մեջ լցրեք շոկոլադը եւ դրեք կաթսայի վրա, որի մեջ ջուր է եռում: Հիշեք, որ չպետք է շոկոլադով ամանի հատակը ջրի մեջ լինի, այլ գոլորշին պետք է հալեցնի շոկոլադը:

Կրեմը պատրաստելուց հետո անցնում ենք խմորին:

200 գրամ փափուկ կարագը լավ հարում ենք 6 ճաշի գդալ շաքարավազով, ապա հատ-հատ ավելացնում ձվի դեղնուցները: Ապա ավելացնում ենք մեկ ժամ սոդայի հետ փրփրած եւ հանգստացած սոդան:

Քիչ-քիչ ավելացնում ենք ալյուրը: Եթե ձեզ թվա, որ ալյուրը քիչ է, կարող եք էլի ավելացնել, պետք է դառնա փափուկ, բայց ձեռքերին չկպչող խմոր: Բաժանեք 6-8 մասի:

Գրտնակեք շատ բարակ եւ դրեք ջեռոցի թավայի վրա՝ թավան շուռ տված վիճակում: Կարող եք գրտնակել միանգամից ջեռոցի թավայի վրա՝ շուռ տված վիճակում:

Թողեք սառչեն խմորի շերտերը, եւ միավորեք դրանք կրեմով: Վրան շոկոլադ քերեք:

Թողեք ամենաքիչը մեկ օր՝ մինչեւ կրեմը ամբողջությամբ ներծծվի, նոր մատուցեք: Սա այն խմորեղեններից է, որ 2-3 օր հետո ավելի համեղ է լինում:

Բարի ախորժակ: