ՀՀ-ՌԴ առևտրաշրջանառության աճ՝ 13 տոկոսով
БЛОГՄանե Զաքարյանը ֆեյսբուքյան իր էջում գրում է.
Ռուսաստանի տնտեսական շուկայում տեղի ունեցող փոփոխություններն ու տատանումները հաճախ իրենց ազդեցությունն են թողնում Հայաստանի տնտեսության վրա: Սրա պատճառներից մեկն այն է, որ ՌԴ-ն հանդիսանում է մեր խոշոր առևտրային գործընկերը:
Այս մասին վկայում են Ազգային վիճակագրական ծառայության հրապարակած տվյալները, որոնց համաձայն, այս տարվա առաջին տաս ամիսներին Հայաստանի և ՌԴ-ի միջև առևտրի շրջանառությունը կազմել է 1 միլիարդ 76.81 միլիոն դոլար: Եթե համեմատենք այս ցուցանիշը մեկ տարի առաջ նույն ժամանահատվածում արձանագրված արդյունքների հետ, ապա կփաստենք, որ 2016-ին առևտրաշրջանառությունը երկու երկրների միջև աճել է 13 տոկոսով:
Առհասարակ այս տարվա առաջին տաս ամիսների արդյունքնում Ռուսաստանը, որպես Հայաստանի խոշոր առևտրային գործընկեր երկիր, ապահովել է մեր երկրի արտաքին առևտրի 26.5%-ը: Հաշվի առնելով, որ մի շարք միջազգային ֆինանսական կազմակերպություններ կանխատեսումներով ՌԴ տնտեսությունը որոշակիորեն կարգավորվելու է հաջորդ տարի, ապա կարելի է ակնկալել,որ առևտրաշրջանառության դրական միտումը կունենա շարունակական բնույթ: