Ի՞նչ հագուստով պետք է դիմավորեն Նոր տարին հորոսկոպի տարբեր նշանները

Աստղագուշակները խորհուրդ են տալիս կարմիր Կարմիր աքաղաղի տարին դիմավորել վառ գույներով՝ կարմիր, դեղին, նարնջագույն և դրանց երանգներով։

Սակայն սա չի նշանակում, որ բոլոր նշանները պետք է կուրորեն հետևեն այս խորհրդին։

Ահա առաջարկներ հորոսկոպի յուրաքանչյուր նշանի համար։

Եվ միշտ հիշեք. աստղերը հուշում են, բայց չեն պարտադրում։

Խոյ

Այս կրակային նշանի ներկայացուցիչներին աստղերը խորհուրդ են տալիս Ամանորը դիմավորել կարմիր հագուստով։ Այս գույնը ձեր կողմ կգրավի հաջողություն և դրականապես կտրամադրի տարվա հովանավորին՝ Աքլորին։ Ցանկալի է, որ զգեստը լինի փակ և երկար։ Եթե չեք ցանկանում կրել զգեստ, ապա կարող եք միատոն կարմիր բլուզը համադրել դասական շալվարի հետ։ Հարկավոր է ընտրել մինիմալիստական ոճի աքսեսուարներ։ Նուրբ վզնոցը կամ ապարանջանը բավական է։

Ցուլ

Ցլերն այս տարի ազատված են գունավոր և փայլփլուն հագուստ հագնելու և տոնածառի տեսք ունենալու բեռից։ 2017-ի հովանավորը դեմ չի լինի, եթե դուք հագնեք ինչ-որ սպիտակ բան, օրինակ՝ վերկաշապիկ կամ անգամ սպիտակ կիսաշրջազգեստ։ Սակայն հիշեք, Ամանորին դուք պարտադիր պետք է կրեք մեծ և պսպղուն աքսեսուարներ՝ ականջօղեր, ապարանջան, մատանիներ։ Սանրվածքի հարցում առանձնապես չարչարվել հարկավոր չէ, կարող եք պարզապես ուղղել ձեր մազերը։

Երկվորյակներ

Գերակտիվ Երկվորյակներին խորհուրդ է տրվում ինչ-որ հարմարավետ բան հագնել։ Օրինակ՝ բլուզ+կիսաշրջազգեստ, վերնաշապիկ+ջինսեր կամ տաբատ։ Ինչ վերաբերում է գույներին, ապա կարող եք ընտրել կապույտ, մուգ կարմիր և անգամ վառ դեղին հագուստ։ Իսկ հասարակ տեսք չունենալու համար կարող եք ավելացնել ինչ-որ վառ դետալ, օրինակ՝ գեղեցիկ վզնոց, կամ էլ ներկել ձեր շուրթերը կարմիր գույնի։ Մի՛ վախեցեք էքսպերիմենտներ անել. 2017-ի հովանավորը կգնահատի ձեր փորձերը։

Խեցգետին

Խեցգետինները այս Ամանորին պետք է փայլեն այս բառերի ուղիղ իմաստով։ Շքեղ երեկոյան զգեստը՝ մուգ կապույտ, մուգ կարմիր կամ էլ ոսկեգույն գույնի, հենց այն է, ինչ ձեզ հարկավոր է։ Ջինսերի և գործած բլուզների մասին անհրաժեշտ է մոռանալ։ Խոշոր ականջօղեր, կոլյե կամ էլ օրիգինալ մատնահարդարում. այս ամենը շատ տեղին կլինեն։

Առյուծ

Թագավորական Առյուծներին այս տարի աստղերը խորհուրդ են տալիս նախապատվությունը տալ ավելի զուսպ հագուստներին և աքսեսուարներին։ Գլխավոր կարգախոսը՝ «ամեն ինչ չափի մեջ է գեղեցիկ»։ Գունային գամմայի մեջ առանձնապես սահմանափակումներ չկան՝ կարմիր, մուգ կապույտ, արծաթագույն, մուգ կանաչ։ Իսկ այ շպարը կարող է լինել վառ և աչքի ընկնող։ Խորհուրդ է տրվում ընդգծել շուրթերն ու աչքերը։ Միայն թե հարկավոր է զգույշ լինել և չափը չանցնել, հակառակ դեպքում կշարժեք 2017-ի հովանավորի զայրույթը։ Սանրվածքի հարցում խորհուրդ է տրվում նախապատվությունը տալ ծավալուն լոկոններին։

Կույս

Նուրբ և ռոմանտիկ Կույսերին Նոր տարին թույլատրվում է դիմավորել բաց և նուրբ գունային երանգներով։ Իսկ աքսեսուարները պետք է լինեն վառ և աչքի ընկնող։ Աքաղաղին հաճոյացնելու համար շպարը և մատնահարդարումը պետք է լինեն նուրբ և քնքուշ։ Իսկ այ սանրվածքի հարցում կարող եք զարկ տալ ձեր երևակայությանը։

Կշեռք

Մշտապես տատանվող կշեռքներին խորհուրդ է տրվում Նոր տարին դիմավորել նուրբ գունային գամմայով՝ բաց կապույտ, մարմնագույն, բաց մանուշակագույն, բաց վարդագույն։ Աքսեսուարները հարկավոր է ընտրել նույն ոճի և գույների մեջ։ Կարող եք ամբողջացնել ձեր կերպարը նորաոճ կլատչով։

Կարիճ

Կարիճներին լայն հնարավորություններ է ընձեռվում կրեատիվ մոտեցում ցուցաբերելու համար։ Եթե ձեր կերպարի մեջ լինի ինչ-որ յուրահատուկ և անսպասելի դետալ, ապա 2017-ի հովանվորը պարզապես հիացած կլինի։ Փետուրներով մազակալ, մեծ մատանի. մտածեք, ընտրեք, կարևորը ոչ մի կերպ ձեզ մի՛ սահմանափակեք։ Աքլորը կգնահատի ձեր համարձակությունը։ Արեք այն, ինչ երբեք չեք արել։ Վարսահարդարման հարցում խորհուրդ է տրվում մի քանի մազափունջ վառ գույնի ներկել։

Աղեղնավոր

Աղեղնավորներին Ամանորին ամեն ինչ թույլատրելի է։ Փորձեք տպավորություն գործել. կիսաթափանցիկ շրջազգեստ կամ կիսաշրջազգեստ, կաշվե շալվար, վառ բլուզ, անգամ ճղած ջինսեր։ Աքսեսուարների հարցում նույնպես սահմանափակումներ չկան, սակայն աստղերը խորհուրդ են տալիս ընտրել մեկ վառ դետալ։ Կոշիկները պետք է լինեն հարմարավետ, որպեսզի կարողանաք անկաշկանդ պարել ողջ գիշեր։

Այծեղջյուր

Զուսպ Այծեղջյուրներին խորհուրդ է տրվում անել վառ շպար՝ սլաքներ, ստվերաներկեր, փայլեր։ Իսկ այ հագուստը պետք է լինի հանգիստ գունային գամմայի մեջ։ Հավերժական և դասական փոքրիկ սև զգեստը հիանալի ընտրություն կլինի։ Մեծ ուշադրություն դարձրեք աքսեսուարներին։ Ընտրեք մեկ մատանի կամ էլ գեղեցիկ և աչքի ընկնող ապարանջան։

Ջրհոս

Ջրհոսներին աստղերը խորհուրդ են տալիս ընտրել ինչ-որ էլեգանտ բան՝ ժանյակավոր բլուզ, զգեստ կամ կիսաշրջազգեստ։ Արժե կրել նուրբ վզնոց։ Մատնահարդարումը կարող է լինել վառ՝ կարմիր, գինեգույն, մանուշակագույն, գունավոր ֆրենչ։ Մազերը կարելի է հավաքել, պոչ կապել կամ հյուսել։

Ձկներ

Ձկներին խորհուրդ է տրվում նախապատվությունը տալ փայլփլուն կտորներին։ Աքսեսուարները պետք է լինեն զուսպ, որպեսզի տեսքը վուլգար չլինի։ Փորձեք գայթակղիչ սանրվածք անել. 2017-ի հովանավորը գոհ կլինի։