Հայաստանից Google Play-ում վերջին երեք ամիսներին Facebook Messenger-ը ներբեռնումների թվով զբաղեցնում է 2-րդ հորիզոնականը
БЛОГՌուբեն Խաչատրյանը ֆեյսբուքյան իր էջում գրում է.
Հայաստանում Messenger-ների ներբեռնումները գնալով մեծանում են: Պատահական չէ, որ Հայաստանից Google Play-ում վերջին երեք ամիսներին Facebook Messenger-ը ներբեռնումների թվով զբաղեցնում է 2-րդ հորիզոնականը:
Հետաքրքրական է, որ Facebook Messenger-ը ներբեռնումների ցուցանիշով գերազանցում է անգամ Facebook հավելվածին: Միևնույն ժամանակ ինքն իր համեմատ աճել է նաև WhatsApp Messenger-ի ցուցանիշները. Այն այս պահին զբաղեցնում է 6-րդ հորիզոնականը:
Այս տվյալներն ամենևին չեն նշանակում, որ Messenger-ից ավելի շատ են օգտվում քան Facebook հավելվածից: Սա ավելի շատ խոսում է Messenger-ների պահանջարկի մեծացման մասին և դրա մասսայականացման մասին: Ցուցանիշները կարող են պայմանավորաված լինել նաև այն հանգամանքով, որ վերջին շրջանում օգտատերերը սկսել են շատ օգտագործել Messenger-ների հավելվածները: Նույն պատկերը նաև App Store-ի դեպքում է, ասյինքն առաջատար դիրքերը Facebook Messenger-ինն է:
Բայց հարևան Ադրբեջանում պատկերն առավել քան հետաքրքրիր է: Այստեղ առաջատարը WhatsApp Messenger-ն է: Այն դեկտեմբերի 21-ի դրությամբ զբաղեցնում է առաջին հորիզոնականը: Ինչ վերաբերվում է Facebook Messenger-ին և Facebook -ի հավելվածին՝ դրանք զբաղեցնում են համապատասխանաբար 3-րդ և 4-րդ հորիզոնականները: Փաստորեն այս ցուցանիշից կարելի է ենթադրել, որ Ադրբեջանում այս պահին սկսում են առավել շատ օգաժտագործել WhatsApp Messenger-ը: Համենայնդեպս այս հավելվածն այս պահին Ադրբեջանում մասսայականացման փուլում է: Դժվար է ասել, թե տենդենցը ինչքան կպահպանվի, սակայն դրա՝ առաջատար լինելու հանգամանքը խոսում է ադրբեջանցիների՝ հավելվածի հանդեպ ուշադրության մասին: Սա ասում եմ հաշվի առնելով նաև այն հանգամանքը, որ WhatsApp Messenger-ը վերջին 3 ամիսներին մշտապես գլխավորել է հավելվածների 10-յակը Google Play-ում: Բացի այս Էփ սթորում նույնպես այն գերազանցում է Facebook -ին և Facebook Messenger-ին: