Ձմեռային արձակուրդը չի երկարաձգվի
БЛОГԱյս պահին ձմեռային արձակուրդը երկարաձգելու որևէ հիմք կամ պատճառ չկա: Այս մասին ֆեյսբուքյան իր էջում գրել է ԿԳՆ մամուլի խոսնակ Լուսինե Մարգարյանը:
"Հունվարի 9-ից՝ նորից դեպի հարազատ կրթօջախներ
Սիրելի աշակերտներ, ծնողներ, ուսուցիչներ,
հուսով եմ Ամանորի և Սուրբ Ծննդյան տոների կապակցությամբ հասցրեցիք ոչ միայն մի լավ հանգստանալ, այլ նույնիսկ կարոտել հարազատ կրթօջախներին: Ուսումնական այս կիսամյակում բոլորիդ մաղթելով հաջողություններ՝ ուզում եմ հիշեցնել, որ 3-12-րդ դասարանների աշակերտների դասերը կսկսվեն հունվարի 9-ին, իսկ առաջին և երկրորդ դասարանցիների դասերը` հունվարի 23-ին:
Ձմեռային արձակուրդը տրամադրվում է "Հանրակրթական հիմնական ընդհանուր, մասնագիտացված և հատուկ պետական ծրագրեր իրականացնող ուսումնական հաստատությունների 2016-2017 ուսումնական տարվա օրինակելի ուսումնական պլանների" համաձայն:
Այս պահին ձմեռային արձակուրդը երկարաձգելու որևէ հիմք կամ պատճառ չկա":