Երևանյան 6 վայր, ուր խորհուրդ են տալիս այցելել Քարդաշյանները. Vogue

ЛАЙФ 21 Сентябрь, 2015 16:54

Blog.1in.am- ը գրում է.

«Vogue» հայտնի ամսագիրը «Քարդաշյանների կողմից հաստատված ուղեցույց դեպի Հայաստանի մայրաքաղաք» խորագրով հոդվածում անդրադարձել է Քարդաշյանների հայաստանյան այցին ու «Քարդաշյանների հետ» հեռուստաշոուի նոր հայաստանյան այցելություններին նվիրված եթերաշրջանին։

Հոդվածը հիշեցնում է, որ մինչ այժմ մենք հասցրել ենք տեսնել Քիմ Քարդաշյան Ուեսթի ու Քլոյե Քարդաշյանի՝ Հայաստանի վարչապետ Հովիկ Աբրահամյանի հետ ունեցած հանդիպման լուսանկարները, Քիմի և հուզված ծեր կնոջ գրկախառնությունը, ով 3 օր շարունակ սպասել էր նրան հանդիպելու համար և որպես վերջնական կանգառ, երկրից դուրս փոքրիկ Նորթ Ուեսթի էպիկական կնունքի լուսանկարները Հիսուս Քրիստոսի ծննդավայրում ։
«Քարդաշյանների հետ» հեռուստաշոուն վերադառնում է հեռուստաէկրաններին, և հեռուստաշոուի դրվագները զարգանում են Քիմի, Նորթի և Քլոյեի առաջին ճամփորդության շուրջ դեպի իրենց նախնիների հայրենիք։

Այս տարվա ապրիլին նրանք այցելեցին Հայաստանի մայրաքաղաք Երևան, որտեղ նրանք շրջագայեցին իրենց բարեկամների հետ և իրենց հարգանքի տուրքը մատուցեցին Հայոց ցեղասպանության զոհերի հիշատակին։
Տեղի մշակույթին ու իրենց ժառանգությանը ծանոթանալուց հետո Քանյեն անսպասելիորեն անակնկալ անվճար բացօթյա համարգ տվեց, որի ընթացքում նա ցատկեց հսկայական ջրավազանի մեջ, որով էլ արեց շոուի փակումը։
«Vogue»-ը գրում է, որ այդ ջրավազանն ու մյուս վայրերը, որոնք մարդիկ կտեսնեն Քարդաշյանների շոույում ոչինչ են այն ամենի համեմատությամբ, ինչ իրակնում նրանք կտեսնեն, եթե ապագայում ճամփորդեն Երևան։ Ահա այն 6 վայրերը, որոնք հիշատակվում են «Քարդաշյանների հետ» հեռուստաշոույում և որոնք սովորական մահկանացուները նույնպես կարող են այցելել։

① Մայր Հայաստանի արձանը

Քլոյեն ու Քիմը իրենց մարմնի բարեմասնություններն ընդգծող մարմնագույն զգեստներով իրենց զարմուհիների հետ միասին լուսանկարվեցին Երևանի Հաղթանակաի զբոսայգում գտնվող այս գեղեցիկ հուշարձանի մոտ։ Մայր Հայաստանը երկրի մարմնավորումն է կնոջ տեսքով, որը փոխարինվեց 1962թ․ին հեռացված Ստալինի արձանով։ Այն խորհրդանշում է ուժի միջոցով ձեռք բերված խաղաղությունը։

② Մարիոթ Երևան

Երևանի լավագույն հյուրանոցներից մեկը՝ «Marriott»-ը, հպարտ կանգնած է իր հսկայական կամարաձև պատուհաններով ու վարդագույն-սպիտակ հայակական տուֆով կառուցված ճակատային մասի մեղմ վարդագույն երանգով։ Քաղաքի հենց սրտում՝ Հանրապետության հրապարակում գտնվող, կառավարական շենքերով , Ազգային պատկերասրահով ու Պատմության թանգարանով, կանաչապատ Շահումյանի զբոսայգով շրջապատված այս հյուրանոցում են կանգ առել իրենց ճամփորդության ընթացքում Քիմը, Քանյեն, Նորթն ու Քլոյեն։ Հյուրանոցից բացվում է հրապարակի, Արարատ լեռան գեղեցիկ տեսարանը։ Այստեղ կարելի է գտնել նաև 5 ռեստորաններ, մարզասրահ և սպա կենտրոն։

③ Պանդոկ Լիբանան

Շպարող արվեստագետ Մարիո Դեդիվանովիչը Instagram-ի իր էջում անհավանական համեղ տեսք ունեցող ուտեստների լուսանկար էր հրապարակել այս ռեստորանից, որտեղ այցելել էին Քլոյեն, Քիմը և նրանց երկու զարմուհիները։ Ճաշացանկը ներառում էր տապակած կարտոֆիլ, սպանախ և ֆատուշ։

④ Դոլմամա

Դոլմաման մեկ այլ ռեստորան էր, որն այցելեցին Քարդաշյանները և որը բավականին բարձր է գնահատվել այցելուների կողմից։ Այն հաճելի բակ ու արտասովոր իներիեր ունի, որն այն հրաշալի վայր է դարձնում՝ գինի համտեսելու ու տեղի երթևեկության անցուդարձին հետևելու համար։

⑤ Մեգերյան գորգեր

Մեգերյան գորգերի վաճառատեղին, որտեղ տեղացիները ընթրիքի երեկույթ կազմակերպեցին Քարդաշյանների համար, երկրի ամենահայտնի գորգագործության ընկերություններից մեկն է։ Այն աշխատում է 1917թ․ից ու բարդ նախշերով բրդյա գորգեր արտադրում:

⑥ Կարապի լիճ

Սա այն վայրն է, որտեղ տեղի ունեցավ Քայնեի հայտնի ցատկը։ Այն փոքրիկ արհեստական լիճ է, որը գտնվում է Երևանի կենտրոնում գտնվող օպերայի տարածքում։ Լիճն իր անունը ստացել է երկու կարապներից, որոնք ջրի վրա էին հաստատվել, սակայն ավելի ուշ անսպասելիորեն անհետացան՝ շփոթության մեջ թողնելով տեղացիներին։