Հանրահայտ ընկերությունը թողարկել է Ալեքսանդր Հարությունյանի ստեղծագործությունների ամբողջական հավաքածուն

Դասական երաժշտության առաջատար Naxos Grand Piano ձայնագրման ընկերությունը առաջին անգամ թողարկել է Ալեքսանդր Հարությունյանի դաշնամուրային ստեղծագործությունների ամբողջական հավաքածուն: Ստեղծագործությունները հնչում են ՀՀ վաստակավոր արտիստ դաշնակահար Հայկ Մելիքյանի կատարմամբ: Այստեղ ներառված են նաև համաշխարհային պրեմիերաներ և հայտնի ստեղծագործություններ, որոնց թվում՝ «Երեք երաժշտակաÕ ¶ պատկեր» և «Վեց տրամադրություն» շարքերը, Պոլիֆոնիկ սոնատը, պրելյուդները, մանրանվագները և այլն:

«Արմենպրես»-ի հաղորդմամբ` ձայներիզն առաջիկայում վաճառքի կհանվի աշխարհի հայտնի երաժշտական խանութներում, իսկ փետրվարից` նաև Հայաստանում:

Naxos grand piano-ն արդեն երկրորդ անգամ է անդրադառնում «Հայկական հնգյակ»-ին՝ 2014թ. թողարկելով Հայկ Մելիքյանի սոլո-ալբոմը՝ նվիրված Առնո Բաբաջանյանի ամբողջական դաշնամուրային մենանվագ ստեղծագործություններին, որը մեծ արձագանք առաջացրեց թե՛ համաշխարհային երաժշտական քննադատների, թե՛ դասական երաժշտության սիրահարների շրջանում:

Ալեքսանդր Հարությունյանը (սեպտեմբերի  23, 1920, Երևան - մարտի  28, 2012, Երևան), խորհրդային և հայ կոմպոզիտոր ևդաշնակահար է, Երևանի պետական կոնսերվատորիայի պրոֆեսոր (1977), աշխարհահռչակ հատկապես իր Շեփորի կոնցերտով, որը«Նյու Յորք Թայմսը» նկարագրել է որպես հնչեղ:

Հարությունյանի ստեղծագործության մեջ առանձնանում են կոնցերտները. գրել է 13 կոնցերտ տարբեր գործիքների (դաշնամուր, գալարափող, տուբա, տրոմբոն, ֆլեյտա և այլն) համար։ Լավագույն գործերից են նաև Սիմֆոնիան, Սիմֆոնիետը, Թեման ևվարիացիաները, Պոեմը, Սյուիտը, «Քարավան» պիեսը, գործիքային սոնատները< i> և այլն։ Գրել է նաև խմբերգեր, երգեր։ 1988-ինկոմպոզիտորն ստեղծել է հանրահայտ Ջութակի կոնցերտը՝ նվիրված Սպիտակի երկրաշարժին։

Նրա ստեղծագործություններին բնորոշ են մեղեդայնությունը, ճկուն և յուրահատուկ ռիթմը, ազգային վառ կոլորիտը, կառուցվածքիհստակությունը, ինքնատիպ արտահայտչամիջոցները։ 

Naxos Records-ը ձայնագրման պիտակ է, որը մասնագիտանում է դասական երաժշտության բնագավառում: Այն նաև ներառում է ազատ ժանրեր, այդ թվում՝ չինական երաժշտություն, ջազ, համաշխարհային երաժշտություն եւ վաղ ռոք ն ռոլ: Ընկերությունը հիմնվել է 1987 թ. Կլաուս Հեյմանի կողմից:

Naxos-ը աշխարհի խոշորագույն անկախ դասական պիտակներից է` երկու խոշորագույն վաճառքի դասական պիտակներից մեկը: Այն նաեւ հանդիսանում է աշխարհում խոշորագույն դիստրիբյուտորների անկախ դասական պիտակ: