Ի՞նչ են պատմում շուրթերը կնոջ բնավորության մասին

Որոշ հոգեբաններ գտնում են, որ շրթունքի ձևը նույնպես կապ ունի մարդու բնավորության հետ: Եվ այսպես եկեք տեսնենք այս կամ այն տիպի շրթունքներ ունեցողներին ինչպիսի՞ բնավորության գծեր է բնորոշ: 

Լիքը, լայն շրթունքներ-Ազարտային անձնավորություն: Եթե նրան ինչ-որ բան դուր է եկել՝ նա անհապաղ ցանկանում է ստանալ դա և ամենևին կարևոր չէ թե ինչի մասին է գնում խոսքը: Ազատամիտ է և էներգիայով լեցուն: Նա չի սպասում բնության կողմից նվիրատվության, այլ գերադասում է վերցնել այն ինչ իրեն անհրաժեշտ է: Նրա կարգախոսն է. «Հիմա կամ երբեք»: Նրա համար շատ կարևոր է ազատությունը և անկախությունը: Նա հարգանքով է մոտենում անձնական տարածքին և նույնը սպասում է իր սիրելիից: Տղամարդը, որի հետ նա կուզենա անցկացնել իր մնացած կյանքը պետք է լինի պատասխանատու և ճակատագրական որոշումներ կայացնող:

Լիքը, բայց ոչ մեծ շուրթեր-Ռոմանտիկ անձնավորություն: Այս աղջկա մոտ առաջին տեղում էմոցիաներն են, այլ ոչ թե սառը հաշվարկը: Նրա կյանքը ամբողջովին բաղկացած է վերելքներից և վայրէջքներից: Զարմանալի չէ, որ նա շատերին դուրեկան է, քանի որ նա կարողանում է մարդկանց հասկանալ և լինել նրանց կողքին դժվար պահերին: Սակայն մեդալը ունի նաև հակառակ երեսը՝ ռոմանտիկ անձնավորությունը գերադասում է շատ չխորանալ լուրջ պրոբլեմների մեջ, այլ ուղղակի աչք փակել դրանց վրա՝ խաբելով ինքն իրեն: Նրա իդեալական տղամարդու պատկերացումները ամսագրերի նկարազարդումների և սիրավեպերի տղամարդկանց մի հետաքրքիր միքս է:

Վերևի շրթունքը մեծ է ներքևինից-Հրամայող  անձնավորություն:Կայացած անձնավորություն, ով գործին մոտենում է ամենայն պատասխանատվությամբ և անպայման այն ավարտին է հասցնում: Որպես կանոն գիտի թե ինչ է ուզում: Նրա կարգախոսն է. «Ամեն ինչ կամ ոչինչ»: Նա չի սիրում մարդկանց, որոնք կարող են ինչ-որ մի նախաձեռնություն կիսատ թողնել: Նշանակետին նա կարողանում է հասնել իր բարձր ինքնագնահատականի հաշվին: Այս աղջիկը տիրապետում է լիդերին բնորոշ մի շարք հատկությունների, որի մեջ անպայման մտնում է նաև խարիզման: Նրա երազանքների ասպետը պետք է լինի նույնքան ամբիցիոզ, որքան ինքն է և այդ տղամարդը պետք է նրան միշտ «նախապատրաստի» նոր բարձունքների գրավման:

Ներքևի շրթունքը մեծ է վերևինից-Խորհրդավոր անձնավորություն: Նա միշտ ուշադրության կենտրոնում է, որովհետև առանձնանում է ամբոխից: Տղամարդիկ նրա հետևից միշտ հետաքրքրությամբ են նայում, իսկ կանայք ՝ նախանձոտ և չարացած հայացքով: Այսպիսի աղջիկը ավելի շատ կգերադասի հագնել կարտոֆիլի համար նախատեսված պարկ, քան թե նորաձև, բայց շաբլոն զգեստ: Նրա ցանկությունը  զգալու սեփական անհատականությունը՝ անսահման մեծ է: Դա ընգծվում է և շարժուձևում և հագուկապում: Նա հստակ գիտի, որ իրեն անհրաժեշտ է յուրահատուկ տղամարդ, թեկուզ և նրա փնտրտուքների վրա կարող է բավական ժամանակ ծախսվել: Խորհրդավոր անձնավորությունը  երկրպագուների պակաս երբևէ չի զգում, բայց նրան ավելի շատ հետաքրքրում են նրանք, ովքեր առաջին հայացքին չեն գերվել իր հմայքով:

Նեղ, լայն շուրթեր-Ռեալիստ անձնավորություն:  Ռեալիստ աղջիկը սիրում է ամեն ինչ նախորոք պլանավորել: Նա պրակտիկ է ամեն ինչում և նույնիսկ սիրահարվելուց չի շտապում հագնել վարդագույն ակնոցներ: Այսպիսի աղջիկը սիրում է կայունություն և հաճույք է ստանում նրանից, որ ամեն ինչ իր կյանքում կանխատեսելի է: Նրա երազանքների տղամարդը կարող է հանգիստ զերծ մնալ ռոմանտիկ անակնկալների և նախաձեռնությունների կազմակերպումից: Նրա տղամարդը ընդամենը մեկ հստակ բնավորություն պետք է ունենա՝ պետք է լինի վստահելի:

Նեղ փոքրիկ շրթունքներ-Բախտախնդիր անձնավորություն: Նա ֆիզիկապես չի կարող երկար նստել մեկ տեղում: Իր արձակուրդը նա կծախսի որպեսզի կերակրի փղերին կամ գրավի Կիլիմանջարոյի բարձրունքները: Դրանից պակաս գլոբալ և ստանդարտ նախագծերը նրան չեն հետաքրքրում: Նա խելագարվում է արկածների և ադրենալինի համար: Բախտախնդրուհին այնքան վստահ է իր վրա, որ շատ հաճախ այնպիսի գործեր է վերցնում իր ուսերին, որոնցից շատերը գերադասում են հրաժարվել: Նա իսկական մարտիկ է և այնքան ուժեղ և հզոր կամային հատկություններով օժտված կին, որ շատ տղամարդիկ ուղղակի խուսափում են նրանից: Նրա սրտի ասպետ կարող են դառնալ ոչ բոլոր տղամարդիկ: Նրա սիրելին պետք է օժտված լինի այն բոլոր հատկություններով՝ ինչ ինքը: