Գյումրիում պարգևատրումով և համերգով են նշել ՀՀ զինված ուժերի կազմավորման 25-ամյակը

Հայկական բանակի կազմավորման 25-րդ տարեդարձի առթիվ ՀՀ Շիրակի մարզպետարանի, Գյումրու քաղաքապետարանի և ՀՀ պաշտպանության նախարարության Շիրակի կայազորի համատեղ ուժերով Գյումրու Վարդան Աճեմյանի անվան պետական դրամատիկական թատրոնում հունվարի 29-ին  տեղի ունեցավ տոնական միջոցառում:

Նախ ներկաները 1 րոպե լռությամբ հարգեցին հանուն հայրենիքի ապրիլին իրենց կյանքը զոհած հերոսների հիշատակը:

«Արմենպրես»-ի հաղորդմամբ` տոնի առթիվ բոլորին շնորհավորեցին Շիրակի թեմի առաջնորդ Միքայել սրբազանը, Շիրակի մարզպետ Հովսեփ Սիմոնյանը  և Գյումրու քաղաքապետ Սամվել Բալասանյանը:

Շիրակի մարզպետի որոշմամբ՝ Հայոց բանակի 25-րդ տարեդարձի առթիվ Շիրակի մարզի տարածքում տեղակայված ՀՀ պաշտպանության  նախարարության N զորամասերի լավագույն  զինծառայողները արժանացան  Շիրակի մարզպետի պատվոգրերին ու հուշանվերներին:  Զորամասերը պատվոգրեր և անվանական ժամացույցների  արժանացան նաև  Գյումրու քաղաքապետ Սամվել Բալասանյանի կողմից:

«Հայաստանը երբեք նման մարտունակ բանակ չի ունեցել: Այն այսօր տարածաշրջանում ամենաբարձր վարկանիշնունի: Սա մեր բոլորի հաղթանակն է: Պետք է կարողանանք հիշել այն անցած ճանապարհը և բոլոր նրանց, ովքերկանգնած էին Հայոց բանակի ստեղծման ակունքերիում»,- իր խոսքում նշե ց Գյումրու քաղաքապետ ՍամվելԲալասանյանը:

Տոնի խորհրդով պայմանավորված՝ շնորհավորանքեր և պատվոգրեր էր պատրաստել նաև ՀՀ ՊՆ Շիրակի կայազորը: Անբասիր ծառայության համար  ՀՀ ԶՈՒ «Անդրանիկ Օզանյան», «Անբասիր ծառայության համար» առաջին, երկրորդ և երրորդ աստիճանի մեդալներով պարգևատրվեցին մի շարք զինվորականներ:

Գյումրիում տեղակայված 102-րդ ռազմաբազայի հրամանատարության կողմից Հայոց բանակին տոնի առթիվ շնորհավորեց նաև Գյումրիում տեղակայված ՌԴ 102-րդ ռազմակայանի հրամանատար Վլադիմիր Ելկանովը: «Հայոց բանակի կազմավորման 25 տարիները ցույց տվեցին, որ այն կայացած է: ՌԴ և ՀՀ զինված ուժերը միշտ համագործակցության լավ եզրեր են գտել: Այսօր էլ, շնորհավորելով Հայոց բանակին՝  մաղթում  եմ խաղաղություն»,- նշեց 102-րդ ռազմակայանի հրամանատարը:

Օրվա խորհրդով պայմանավորված՝ «Երկրապահ» կամավորականների միության պատվոգրերով պարգևատրվեցին ապրիլյան պատերազմում զոհված զինվորների ծնողները:

Միջոցառման պաշտոնական մասի ավարտից հետո տեղի ունեցավ տոնական համերգ Շիրակի մարզպետարանի և Գյումրու քաղաքապետարանի համույթների մասնացությամբ:  Այս անգամ նաև բեմականացված ներկայացում էին պատրաստել Գյումրու կայազորի զինվորները։

Արմենուհի Մխոյան