Թբիլիսիում բացվում Է հայ լուսանկարիչ Գերման Ավագյանի ցուցահանդեսը

Թբիլիսիի Black and White պատկերասրահում փետրվարի 3-ին բացվում Է ծնունդով Վրաստանից, հայ հայտնի լուսանկարիչ եւ ֆոտոլրագրող Գերման Ավագյանի «Թբիլիսիի դեմքերը» ցուցահանդեսը: «Թբիլիսիի դեմքերը» ֆոտոնախագիծը Վրաստանի բնակիչների՝ վրացիների, հայերի, ադրբեջանցիների, թուրքերի, ռուսների, ուկրաինացիների, լեհերի, հույների, հրեաների եւ այլ ազգությունների մարդկանց սեւ-սպիտակ դիմանկարներն են, տեղեկացնում Է «Արմենպրես»-ը՝ հղում անելով Sputnik-ին:   

Լուսանկարչի խոսքով՝ այս նախագծի արժեքն իր համար Վրաստանի մայրաքաղաքում բնակվող տարբեր ազգությունների ներկայացուցիչների եւ նրանց մշակույթների հետ հաղորդակցվելու բացառիկ հնարավորությունն Է:   

Ցուցադրանքը կտեւի երեք օր: Մուտքն ազատ Է: 

Գերման Ավագյանն աշխատել Է ինչպես ազատ ֆոտոլրագրող, այնպես Էլ «Զինվոր», «Ռեսպուբլիկա Արմենիա» եւ Takoma Voice (ԱՄՆ, Մերիլենդի նահանգ) թերթերի ֆոտոթղթակից: 2000 թվականին Գերման Ավագյանը «Տարվա լավագույն լուսանկարիչ» Է ճանաչվել «Համայնապատկեր» (Լոս Անջելես, ԱՄՆ) ամերիկա-հայկական հանդեսի կողմից: 

Լուսանկարչի ձեռքբերումների թվում են «Մամուլում նվաճումների համար» պարգեւը «Վերսուս» ստուդիայից եւ Բաց հասարակության ինստիտուտից (Երեւան, Հայաստան, 2001), «Հիսուն ագռավ» Վավերագրական լուսանկարչության միջազգային հիմնադրամի (հիմնել Է Mother Jones հանդեսը, Սան Ֆրանցիսկո, ԱՄՆ, 2002) մրցույթի դափնեկրի անունը եւ Երեւանի մամուլի ակումբի մրցանակը («Մահաբեր խաղալիքներ» լուսանկարների շարքի համար, 2005 թվական):