10 ամենաազդեցիկ նկարներն ըստ TIME ամսագրի

ЛАЙФ 25 Сентябрь, 2015 14:08

Լուսանկարչական սարքը զարմանալի եւ յուրահատուկ իր է, այն հմուտ եւ ոչ անտարբեր մարդու ձեռքում հայտնվելով կարող է ցնցող ու ազդեցիկ լուսանկարներ ստեղծել, որոնք կստիպեն մի պահ մտածել աշխարհի առջեւ ծառացած մարտահրավերների մասին: Համառորեն առաջ շարժվող տեխնոլոգիաների պայմաններում լուսանկարի դերը զգալիորեն աճում է: Հիմա այն որեւէ դեպք ֆիքսելուց բացի նաեւ մեկնաբանում է: Լուսանկարները հնարավորություն են տալիս պարզորոշ տեսնել, թե ինչ է կատարվում աշխարհի մյուս ծայրում: TIME ամսագիրը վերջերս հրապարակեց իր վարկածով այն 10 լուսանկարները, որոնք ցնցեցին աշխարհը անցնող 2014-ին:

Էբոլա
Դենիել Բերեուլակ, Լիբերիա, սեպտեմբեր 2014

Լուսանկարում Էբոլայի համաճարակի դեմ պայքարողները հոսպիտալացնում են վարակակիր տղային:

Կալիֆոռնիայի երաշտը
Թոմաս վան Օտրիվ VII, Կալիֆոռնիա, նոյեմբեր 2014

Լուսանկարում Կալիֆոռնիայի ցամաքած լճերից մեկն է: Անգործ մնացած նավակների լուսանկարը ներկայացնում է երաշտն իր ամբողջ գունապնակով:

Փախստականների նավակը
Մասիմո Սեսինի, Միջերկրական ծով, հունիս 2014

Լուսանկարն արված է Միջերկրական ծովի վրայից: Նավակում փախստականներ են Մերձավոր Արեւելքից եւ Աֆրիկայից:

Կարկուտ Նովոսիբիրսկի լողափում
Նիկիտա Դուդնիկ, Ռուսաստան, հուլիս 2014

Հուլիսյան կիզիչ մի օր Նովոսիբիրսկի լողափերից մեկում հանգստացողները հանկարծակիի եկան տեղացած ուժեղ կարկուտից:

Կիեւ
Ռոս ՄաքԴոնել, Ուկրաինա, հունվար 2014

Ավտոբուսի ապակու հետեւից արված լուսանկարն արտացոլում է մերօրյա Ուկրաինայում ստեղծված վիճակը:

Ուկրաինայում խոցված «Բոինգը»
Ժերոմ Սեսինի, Ուկրաինա, հուլիս 2014

Հուլիսին պատերազմական Ուկրաինայում արված լուսանկարը ցնցեց աշխարհը: Բոինգի խոցման հետաքննությունը, ի դեպ, ընթանում է մինչև օրս:

Աստղային սելֆի
Էլեն Դեգեներես, «Օսկարի» մրցանակաբաշխություն, մարտ 2014

«Օսկարի» մրցանակաբաշխության հաղորդավարի կողմից արված սելֆին վայրկյանների ընթացքում տարածվեց համացանցով մեկ:

Իրաք
Մոսես Սաման, Իրաք, օգոստոս 2014

Լուսանկարը ներկայացնում է Իրաքի եզդիների եւ «Իսլամական պետություն» խմբավորման միջեւ ծավալված պայքարը:

Գազա
Թայլեր Հիքս, Գազա, հուլիս 2014

Պաղեստստինում որոտացած պայթյուններից մեկից հետո արված լուսանկարն արտացոլում է պատերազմի կենտրոնում հայտնված մարդկանց ցավն ու տառապանքը:

Ֆերգյուսոն
Ուիթնի Քյուրթիս, Ֆերգյուսոն (ԱՄՆ), օգոստոս 2014

Հենց Ֆերգյուսոնից (Միսսուրի, ԱՄՆ) ամբողջ երկրում տարածվեցին համաժողովրդական բողոքի ցույցերը: Այնտեղ ոստիկանը առանց հիմքի սպանել էր խաղալիք ատրճանակով զինված սեւամորթ մի դեռահասի:

Աղբյուրը` Imyerevan.com