ԶԼՄ-ներին հայտնի է դարձել Թրամփի կողմից Սիրիայում ԻՊ-ի դեմ պայքարի մեթոդների հնարավոր վերանայման մասին

 ԱՄՆ-ի նախագահ Դոնալդ  Թրամփը Սիրիայի նկատմամբ Վաշինգտոնի քաղաքականության վերանայման շրջանակներում կարող Է որոշել ավելի ակտիվորեն մասնակցել ԻՊ ահաբեկչական խմբավորման դեմ պայքարին՝ դրա համար մերձենալով Թուրքիայի հետ: Այդ մասին, ինչպես տեղեկացնում Է «Արմենպրես»-ը, փետրվարի 23-ին գրում Է The Washington Post թերթը՝ վկայակոչելով սեփական աղբյուրներ:

Հրատարակությունը պարզաբանում Է, որ ամերիկյան նախկին վարչակազմն անուղղակի կերպով փորձում Էր Սիրիայում հասնել  Բաշար Ասադի ռեժիմի տապալման, սակայն հիմնական ուշադրությունը հատկացնում Էր ԻՊ-ի դեմ գործողություններին, մասնավորապես, ահաբեկիչների հիմնական հենարանի՝ Ռաքա քաղաքի գրավմանը: 

Թերթի տեղեկատվության համաձայն, Թրամփի վարչակազմում «հնարավոր Է՝ մտածում են ավելի մեծաքանակ ցամաքային ուժեր օգտագործել (ԻՊ-ի դեմ պայքարելու համար), որպեսզի արագացվի պատերազմի ընթացքը»: «Բացի այդ, Վաշինգտոնը կարող Է վերանայել քուրդ աշխարհազորայիներին աջակցելու վերաբերյալ Օբամայի վարչակազմի որոշումը, որոնք ԱՄՆ-ի գլխավոր օգնականներն Էին ահաբեկիչների վրա հարձակման գործում: Դրա փոխարեն ԱՄՆ-ը կարող Է Ռաքան գրավելու պլան կազմել Թուրքիայի հետ ավելի սերտ կոորդինացմամբ, որը կտրուկ դեմ Է քրդական ռազմականացված կազմավորումների օգտաործմանը»,-գրում Է թերթը: 

The Washington Post-ը հիշեցնում Է, որ Թրամփը քանիցս քննադատել Է այսպես կոչված «չափավոր սիրիական ընդդիմության» մարտիկներին զենք տրամադրելու Բարաք Օբամայի որոշումը: Բացի այդ, հրատարակության կարծիքով, Թրամփը, դատելով ըստ ամենայնի, Օբամայից ավելի քիչ առարկություններ ունի իշխանության գլուխ Ասադի հետագա գտնելու դեմ: 

Ինչպես հաղորդվել Է, ԱՄՆ-ը այս տարի ավելի վաղ արդեն նվազեցրել Է աջակցությունը սիրիացի ընդդիմադիրներին: Այսպես, մի շարք ԶԼՄ-ների տեղեկացմամբ՝ Կենտրոնական հետախուզական վարչությունը սառեցրել Է ընդդիմադիր Սիրիական ազատ բանակի աջակցման ծրագիրը: Օգնությունը ներառում Էր աշխատավարձերի վճարման գումարներ, ինչպես նաեւ մարտիկների ուսուցում, զինամթերքի, մասնավորապես, հակատանկային հրթիռների մատակարարումը, հաղորդել Է «Ինտերֆաքս»-ը: