Հայտնի են սոցիոլոգիական հարցման առաջին արդյունքները․ լուսանկարներ

Ավետիս Մինասյանը ֆեյսբուքյան իր էջում գրում է․

ՀՀ նոր սահամանադրության համաձայն, առաջիկա խորհրդարանական ընտրությունները պետության գլխավոր և միակ համապետական քաղաքական ընտրություններն են լինելու: 
Այս ընտրությունները տարբերվելու են նախորդ համապետական ընտրություններից նաև իրենց բարդությմաբ, որոնք պայմանավորված են լինելու երկրի սոցիալ-տնտեսական ծանր վիճակով: 6մլրդ դոլլարի հասնող արտաքին պարտքը, եռանիշ թվերի հասնող արտագաղթը, աղքատությունը (պաշտոնական թվերով՝ բնակչության 29.8%-ը) ազգաբնակչությանը հուզող ամենակարևոր խնդիրներն են և՝ այս առումով, ժողովուրդը այս ընտրություններին իր վստահության քվեն հեշտությամբ չի տալու այս կամ այն ուժին: Մի կողմից ժողովրդի վստահության քվե ստանալն է դժվար լինելու, մյուս կողմից՝ ժողովրդի վստահության քվե ստացած քաղաքական ուժը, որն էլ դա լինի, մեծ պատասխանատվություն է կրելու իր ուսերին, քանզի վերոնշյալ խնդիրները օր առաջ պահանջում են իրենց լուծումը, առանց որոնց լուծման ուղղակի անհնար կլինի առաջ շարժվել:
Չնայած նրան, որ ընթացիկ տարվա ապրիլի 2-ին կայանալիք ընտրությունների քարոզարշավը մեկնարկելու է մարտի 5-ին, սակայն հասարակությունը որոշ չափով արդեն կողմնորոշվել է թե ընտրություններին խորհրդարան մուտք գործելու հայտ ներկայացրած ինը ուժերից ում է տալու իր վստահության քվեն: 
Հեղինակավոր սոցոլոգիական կենտրոններից մեկի կողմից իրականացված հարցումների արդյունքներն ավելի քան խոսուն են և՝ այդ առումով, կարծեք թե արդեն պարզ է դառնում, թե ՀՀ քաղաքացիները որ ուժերին և ռեյտինգային որ թեկնածուներին է համակրում, ովքեր են համարվում առաջիկա ընտրությունների առաջատարը: 
Հարցման բազմատեսակ հարցերի մեջ կարելի է առանձնացնել դրանցից, թերևս, ամենակարևորները. <Նշեք երեք քաղաքական գործչի ովքեր ավելի մեծ ներդրում են արել տնտեսության զարգացման մեջ>, <Նշեք երեք քաղաքական գործչի, ով ըստ Ձեզ աջակցում է անապահովներին>, <Եթե մասնակցեք ընտրություններին ապա ո՞ր քաղաքական ուժի օգտին կքվեարկեք>, <Այնուամենայնիվ, եթե լինեին նախագահական ընտրություններ, ում օգտին կքվեարկեիք>, և հակառակը՝ <որ քաղաքական ուժի օգտին չէիք քվեարկի ընտրություններին>, <ում օգտին չէիք քվեարկի, եթե այնուամենային լինեին նախագահական ընտրություններ>:
Հարցման մասնակիցների 56.3 տոկոսը պատասխանել էր, որ անապահովներին աջակցում է միայն Գագիկ Ծառուկյանը, 36.7 տոկոսի կարծիքով Գագիկ Ծառուկյանը ամենամեծ ներդրումն է կատարել տնտեսության զարգացման մեջ, 47.5 տոկոսը ընտրություններին պատրաստակամություն է հայտնել իր վստահության քվեն տալու <Ծառուկյան> դաշինքին, իսկ հարցին՝ այնուամենայնիվ եթե նախագահական ընտրություններ լինեին ում օգտին կքվեարկեիք, մասնակիցների 30.3 տոկոսը տվել է Գագիկ Ծառուկյանի անունը:
Հարցման դրված հարցերի հերթականությունը երևի թե պատահական չեն ընտրված և հարցման առաջին երկու հարցերի պատասխաններն են, որ կանխորոշում են մնացյալ հարցերի պատասխանները: Այսինքն ժողովուրդը լավ է գիտակցում թե ով է ամենամեծ ներդրումները կատարել Հայաստանի զարգացման բարդ, բայց պատվաբեր գործում, ժողովուրդը լավ գիտի, թե ով է անընդհատ կանգնած անապահովների կողքին և աջակցում վերջիններիս, այդ իսկ պատճառով էլ՝ մնացյալ հարցերին ի պատասխան հարցման մասնակիցները Գագիկ Ծառուկյանի և նրա առաջնորդած «Ծառուկյան» դաշինքի օգտին են արտահայտվել՝ ևս մեկ անգամ փաստելով, որ Հայաստանի և իրենց իսկ առջև ծառացած խնդիրների լուծումը կապում են հենց Ծառուկյան գործչի և նրա ղեկավարած ուժի հետ: