«Ես ժամացույցի մեխանիզմի նման եմ ապրում, ռոմանտիկան տեղ չունի իմ կյանքում». Վարուժան Բաբաջանյան

Exclusive

Past.am-ը շարունակում է քաղաքական գործիչներին կտրել ընտրական թոհուբոհից ու փորձել նրանց ուրիշ կողմից բացահայտել՝ բլից հարցերի միջոցով:

Այս անգամ մեր թիրախում ԱԺ ընտրություններին «Ծառուկյան» դաշինքի Տավուշի մարզի ռեյտինգային թեկնածու Վարուժան Բաբաջանյանն է:

 

 

- Ձեր օրն սկսվում է...

- Սուրճով:

- Ո՞վ կամ ի՞նչն է Ձեր ոգեշնչման աղբյուրը:

- Ծեր եմ արդեն՝ նման հարցի պատասխանելու համար:

- Գեղեցիկը Ձեզ համար...

- Կյանքն է: Որ ապրում ենք, արդեն գեղեցիկ է:

- Ու՞մ եք դիմում, երբ հուսահատ եք:

- Աստծուն:

- Կյանքում երբեք չեք ների...

- Դավաճանությունը:

- Ձեր ամենամեծ հիասթափությունը...

- Շատ-շատ են:

- Մի բան, որի համար շատ եք ափսոսել...

- Ափսոսել եմ, երևի, կորցրած ժամանակիս համար:

- Ձեր կյանքի ամենառոմանտիկ հանդիպումը...

- Ես ժամացույցի մեխանիզմի նման եմ ապրում, ռոմանտիկան տեղ չունի իմ կյանքում:

- Երբ բարկացած եք...

- Ես զուսպ մարդ եմ, չեմ բարկանում:

- Ձեզ հասկանալու համար դիմացինը պետք է...

- Մակարդակ ունենա:

- Եթե լինեիք ամենազոր...

- Ես իմ զորությունից չեմ դժգոհում:

- Հայրենիքը Ձեզ համար...

- Բառերով չեմ ասի:

- Ձեր կյանքի ամենամեծ ձեռքբերումը...

- Իմ ընկերները:

- Ամենաշատը երազում եք...

- Երազանքներիս փուլն անցել է արդեն:

- Երբեք չեք փորձի...

- Թմրանյութ:

- Աշխարհի լավագույն վայրը Ձեզ համար...

- Նոյեմբերյան:

- Միշտ վախեցել եք...

- Դժվարանում եմ պատասխանել:

- Մարդ, ով փոխել է Ձեզ...

- Մարդ չէ, մարդիկ՝ իմ ընտանիքը:

- Տանել չեք կարողանում, երբ...

- Շատ են խոսում:

- Մի բառով բնորոշեք ինքներդ Ձեզ:

- Չէ էլի: ))

- Տարվա ո՞ր եղանակի հետ եք Ձեզ ասոցացնում:

- Գարնան:

- Իր, որ միշտ Ձեզ հետ է...

- Բջջային հեռախոսս:

- Երջանկության՝ Ձեր բանաձևը:

- Դեռ չեմ գտել:

- Առանց ինչի՞ չեք կարող ապրել...

- Աշխատանքի:

- Ամենակարևորը կյանքում…

- Առողջությունն է:

- Վերջին անգամ ե՞րբ եք արտասվել:

- Ինձ մոտ հաճախ են լինում այդպիսի պահեր:

- Այս պահին կուզենայիք...

- Խաղաղություն լիներ:

- Ձեր գերագույն նպատակն այս կյանքում...

- Ինձ թվում է՝ ես նպատակներիս հասած մարդ եմ, նոր նպատակ դեռ չեմ ձևակերպել:

- Ուրիշ ի՞նչ հարցի կցանկանայիք պատասխանել, որը չհնչեց:

- Հենց այս հարցին:

- Եվ վերջում...

- Ցտեսություն: ))

 

Մարիամ Նալբանդյան