Ինչպես ֆեյսբուքցիներն արձագանքեցին ՀՀ դպրոցներում ցեղասպանություն դասավանդելու լուրին

Blognews.am-ը գրում է.

ԱՄՆ Կալիֆոռնիայի համալսարանի դասախոս, Հայոց ցեղասպանությանը եւ Հայ դատին նվիրված դասագրքերի հեղինակ Ռուբինա Փիրումյանը ստեղծել է «Հայոց ցեղասպանության դասավանդումը պատմվածքների, հեքիաթների, զրույցների, բանաստեղծությունների, փաստական նյութերի միջոցով» ուսուցչի համար ձեռնարկ, որը դպրոցների ուսուցիչների մասնակցությամբ քննարկվեց ԿԳ նախարարությունում՝ մարտի 1-ին: 

Այս լուրից հետո Ֆեյսբուքում սկսվեցի թեմայի շուրջ թեժ քննարկումները. օգտատերերի մեծ մասը դեմ արտահայտվեց նման որոշմանը, ավելի փոքր մասը՝ կողմ: Թեմային վերաբերվող գրառումները հիմնականում հումորային բնույթ էին կրում:

BlogNews.am-ը հավաքել է և Ձեզ է ներկայացնում այդ գրառումներից ամենաուշագրավները:

Միքայել Յալանուզյան

Ցեղասպանության փոխարեն դպրոցում պետք է անցնել Արցախյան շարժման և Հայաստանի անկախության պատմություն։ Որ 3-4-րդ կուրսի երեխեքը կլոր աչքերով չնայեն մեր երեսին ու հարցնեն՝ էդ ո՞նց եղավ, որ Ղարաբաղը հայտնվեց Ադրբեջանի մեջ։ Կամ՝ Լաչինի միջանցքի տեղն իմանան։ Կամ չհարցնեն՝ ռուսական բանակն ինչ էր անում 92-ին Ադրբեջանում ու ինչու էր հարձակվում Ղարաբաղի վրա։ ՈՒ կարող եմ տասնյակ ուրիշ օրինակներ բերել։

ՀԳ. Պատրաստ եմ մասնակցել ծրագիր կազմելուն և մնացած աշխատանքներին։

 

Սամվել Մարտիրոսյան

Կարդացի նոր, որ դպրոցներում որպես առանձին առարկա ցեղասպանություն է դասավանդվելու: Կարծում եմ որ սխալ որոշում է.
ա. պատմության առարկան առանց այն էլ այդ հարցը լուծում է
բ. ինձ թվում է, մենք չունենք խնդիր ավելացնելու այս թեմայի մասին երեխաներին իրազեկումը: Մենք ունենք հակառակ խնդիր
գ. Միքայել Յալանուզյանը ճիշտ ասում. դրա տեղը ավելի նորմալ դասավանդեք Արցախյան շարժման ու պատերազմի պատմությունը: Այսօր դպրոցներում դա ամենավատ եւ ամենաքիչ դասավանդվող թեման է:

Գայանե Խաչատրյան

Ցեղասպանությունը դպրոցներում դասավանդելու թեմայով: 
Էս նորությունից հետո վերջնական համոզվեցի, որ բոլոր նորմալ ազգերը ապրում են, իսկ հայերը՝ վերապրում: 
Սա էն շարքից ա, որ բոլոր նորմալ մարդիկ առավոտ գործի են գնում, մենք՝ յոլլա:

Խփեք՝ չտանջվենք, էլի ...

 

Մկրտիչ Խաչատրյան

Ցեղասպանությունից բացի մեկ էլ պիտի առանձին «Հենրիխ Մխիթարյան» առարկա դասավանդվի դպրոցներում...էսօր աշխարհին էտ 2 բանն ենք կարում ասենք:

 

Գագիկ Մամուլյան

Ով հիվանդ լինի դասի չկարենա գա, մազապուրծ ա՞ լինելու ցեղասպից...

Ցեղասպանության դասից որ երեխեքը փախնեն, Հալեպ, ԱՄՆ, Ֆրանսիա բան ե՞ն փախնելու:

 

Լուսինե Մանուկյան

Դպրոցներում Հայոց Ցեղասպանություն են դասավանդելու...
Ինձ թվում է` Ռուբեն Վարդանյանը սա իմանալով` հոնգուր-հոնգուր լաց է լինում։ Մարդն ամեն տարի միլիոն դոլար է ծախսում, որ լացկանի հոգեվիճակն ու պիտակը վերացնի, բայց... քավ լիցի, լացելուց ավելի կարևոր բան ախր չունենք անելու։

 

Արման Գասպարյան

Ցեղասպանությունը դպրոցներում դասավանդելու թեմայով մի բան հիշեցի։
2006թ, ապրիլի 24-ի երեկոն է, մենք` լրագրողներով, ծանր աշխատանքային օրից հետո իջնում ենք Ծիծեռնակաբերդի պուրակով: Մարդկանց հոսքը զգալիորեն նվազել է, 20-30 մետրը մեկ մի քանի մարդ, ուշացած, բարձրանում են հուշարձանի մոտ:
Դիմացներովս զույգ է բարձրանում: Տղան` նիհար, բարձրահասակ, արեւային ակնոցներով (մութն ընկնում է արդեն), «Աբիբաս» սպառծիվկայով, «սանր» չոլկով: Աղջիկը` էլի նիհար, բայց ընդգծված կլորություններով, էլի արեւային ակնոցներով, ծամոնը բերանը: Տղան իրա ամբողջ քաշով ընկելա աղջկա ուսին` աջ ձեռքով (աջ ձեռքին էլ մի հատ մեխակ, աղջկա ձեռքը չկա), ձախով էլ էն ժամանակ նոր-նոր տարածված բջջայինով է խոսում:
- Հաաաաաա, ապեեեեեեեեեե: Ի՞նշ կաաաաաա:........Հա, աբե, հընգերոհուս հետ եմ: Մի հատ հելնըմ ենք ծիծո, գանք քաղաք:

Արթուր Ավանեսով

Տեսնես ցեղասպանության ժամին գործնական պրակտիկա անելու էն, թե չէ՞:

Արաքս մամուլյան

Ցեղասպանություն առարկա

Դաս 1.Առաջին օգնությունը ցեղասպանության դեպքում

Դաս 2.Ցեղասպանության նախանշանները

Դաս 3. Ի՞նչ անել, երբ վերը նշված դասերը չսովորելու հետևանքով արդեն ցեղասպանվում ես

Դաս 4. գործնական աշխատանք

Չէ, ձեռ չեմ առնում, բարկությունս եմ արտահայտում

Կոնստանտին Տեր-նակալյան

Սա, հարգելի՛ տիկնայք և պարոնայք, իրոք վերջն է։ Բերեք միանգամից ինքնանվաստացումը հայտարարենք ազգային արժեք ու որեսզի երեխեքը ավելի լավ սերտեն ինքնանվաստացման բոլոր 50 երանգները, էդ դասին ֆիզիկական ու հոգեբանական բռնություն պետք է կիրառել նրանց նկատմամբ։

#ՑեղասպանությունըՖետիշՄիՍարքեք

Նիկոլայ Թորոսյան

Վասպուրիկ, հլը օրագիրդ բեր… Շախմատ՝ 5, տրնգի՝5, քոչարի՝ 5, երգ՝ 5, եկեղեցի՝5, ցեղասպանություն՝ 5, ֆիզիկա՝ 2.. ո՞նց 2^ գժվել են արա, ո՞նց ա կարելի ոսկե մեդալի գնացող էրեխուն ինչ-որ փախած ֆիզիկայից 2 դնել… Գասպար, Գասպար, լսում ե՞ս։ Վաղը 100 դոլար կտաս, գնամ էդ Գրետա Գառնիկովնային տամ, էրեխուս մեդալի վրա քար ա քցում, истеричка, чтоб ей пусто было!

Լևոն Սարդարյան

Հիմա ո?նց ա լինելու: "Ցեղասպանություն" առարկայից 2 ստացող երեխեքն ազգի դավաճան են հռչակվելու?

Պետրոս Ղազարյան

Փոխադարձ վիրավորանքները դնելով մի կողմ ՝այդքան էլ չեմ հասկանում ինչ է նշանակում Ցեղասպանության առարկա դասավանդել դպրոցում։ 
Ցեղասպանության մասին անցնում են դպրոցում հայոց պատմության շրջանակներում։Գիտելիքները խորացնելու համար կա համալսարան և ակադեմիա ,երբ երեխաները կհասունանան։
Հետևաբար ուսուցիչների համար նախատեսվող ձեռնարկը ինչին է ծառայելու։Որ ուսուցիչները մի քանի բան ավել իմանան ու մեկ դասաժամ ավել անեն։Է թող անեն։ 
Իսկականից չեմ հասկանում ինչու են իրար բզկտում։

Արսեն Սուլթանյան

Լավ, հասկացանք, որ ցեղասպանություն դասավանդելը մեղմ ասած աբսուրդա։ Բայց ֆեյսբուքահայություն ջան, ուրիշ տժժալու թեմա չկա՞, անպայմանա՞ սրա վրա սենց հումորներ անել ու երևակայությունը հասցնել հումորային զուգահեռների։