«Արցունքներս դեռ թարմ են». Սոֆի Մխեյան

Exclusive

Past.am-ի բլից հարցերի թիրախում այս անգամ սիրված երգչուհի Սոֆի Մխեյանն է:

 

 

- Ձեր օրն սկսվում է...

- Ընտանիքիս՝ «Բարի լույս և հաճելի օր» մաղթելով:

- Ո՞վ կամ ի՞նչն է Ձեր ոգեշնչման աղբյուրը:

- Յուրաքանչյուր առիթի անսպասելի ու ոչ ստանդարտ յուրաքանչյուր բան կամ անձ կարող է ինձ համար ոգեշնչման աղբյուր դառնալ:

- Գեղեցիկը Ձեզ համար...

- Ամեն ինչի մեջ ես եմ փորձում գտնել այն գեղեցիկը, որը ոչ միշտ է տեսանելի:

- Ու՞մ եք դիմում, երբ հուսահատ եք:

- Իսկական ընկերներիս:

- Կյանքում երբեք չեք ների...

- Սուտը և դավաճանությունը:

- Ձեր ամենամեծ հիասթափությունը...

- Չեմ բացի փակագծերը:

- Մի բան, որի համար շատ եք ափսոսել...

- Ապարդյուն վատնած ժամանակս:

- Ձեր կյանքի ամենառոմանտիկ հանդիպումը...

- Գաղտնիք է:

- Երբ բարկացած եք...

- Ասում են` ավելի հմայիչ եմ:

- Ձեզ հասկանալու համար դիմացինը պետք է...

- Իրական Սոֆիին ճանաչի:

- Ընտանի կենդանի ունե՞ք:

- Ոչ:

- Եթե լինեիք ամենազոր...

- Այնպես կանեի, որ յուրաքանչյուր հայ զինվոր ողջ-առողջ վերադառնա տուն:

- Հայրենիքը Ձեզ համար...

- Սուրբ տուն:

- Ձեր կյանքի ամենամեծ ձեռքբերումը...

- Ամեն ձեռքբերում տվյալ պահին եղել է ամենամեծը:

- Ամենաշատը երազում եք...

- Հասկացող երկրորդ կես ունենալ:

- Երբեք չեք փորձի...

- Ուրիշի դժբախտության վրա երջանկությունս կառուցել:

- Աշխարհի լավագույն վայրը Ձեզ համար...

- Մեր տունը:

- Միշտ վախեցել եք...

- Երգելիս խոսքերը մոռանալուց:

- Մարդ, ով փոխել է Ձեզ...

- Ընկերուհիս:

- Տանել չեք կարողանում, երբ...

- Նայում են աչքերիս ու ստում:

- Մի բառով բնորոշեք ինքներդ Ձեզ:

- Սոֆի:

- Տարվա ո՞ր եղանակի հետ եք Ձեզ ասոցացնում:

- Ես կարող եմ ձմռան նման սառը լինել, գարնան նման` անկառավարելի, աշնան նման՝ հաճելի և ամառվա նման՝ սպասված:

- Իր, որ միշտ Ձեզ հետ է...

- Ակնոցս:

- Երջանկության՝ Ձեր բանաձևը...

- Չամաչել սեփական արարքներից:

- Առանց ինչի՞ չեք կարող ապրել:

- Անկեղծ մարդկային հարաբերությունների:

- Ամենակարևորը՝ կյանքում…

- Սիրված լինել ու սիրել:

- Վերջին անգամ ե՞րբ եք արտասվել:

- Արցունքներս դեռ թարմ են:

- Այս պահին կուզենայիք...

- Լոգանք ընդունել ու քնել:

- Ձեր գերագույն նպատակն այս կյանքում...

- Բոլոր գերագույն նպատակներիս 100 տոկոսանոց կատարումը:

- Ուրիշ ի՞նչ հարցի կցանկանայիք պատասխանել, որը չհնչեց:

- Ավելի սուր ու քննադատող:

- Եվ վերջում...

- Ամառվա գալուստին մնաց երեք ամսից քիչ ժամանակ ))

 

Մարիամ Նալբանդյան