Դուք ՀՀԿ-ի մեջքը կոտրեցիք. քաղաքացին` Հովիկ Աբրահամյանին
БЛОГԱյս օրերին ֆեյսբուք սոցիալական ցանցում ակտիվորեն շարունակվում է մտքերի փոխանակումը ընտրական պրոցեսների, Հաց բերողի մահվան և հասարակությանը հուզող այլ հարցերի շուրջ: Շարունակում ենք ներկայացնել քաղաքացիների մեկնաբանություններից առավել հետաքրքիրները:
Գոհար Օրդոյանը գրում է.
Հարգարժան Հովիկ Աբրահամյան, յուրաքանչյուր մարդ էլ կարող է մեկ օր հերոս դառնալ` անկախ անցած ճանապարհից: Հաց բերողը մեկ ակնթարթում դարձավ հերոս, մեծատառով մարդ: Իմ հասկացողությամբ դուք էլ մի այդպիսի հերոսություն արեցիք, երբ դեմ կանգնեցիք Ձեր համար անընդունելի երևույթներին: Ու ոչ ասեցիք այն միաբանությանը, ում ատում է մի ողջ ազգ ու ժողովուրդ:Աստվածաշնչում պարզ գրված է, որ ով համամիտ է մյուսի կատարած մեղքին ու չի հանդիմանում` ինքն արդեն նրա հետ հանցակից է: Իսկ ժողովրդի լեզվով ասեմ` դուք ՀՀԿ-ի մեջքը կոտրեցիք, ճիշտ է ժողովուրդը չի հասկանում այդքանը, բայց դա բացարձակ ճշմարտություն է: Մեկ անգամ դուք էիք ասում` ապրենք այնպես, որ ծերություններս հանգիստ լինի, համամիտ եմ Ձեր հետ: Դրա մեջ է կյանքը: Սողոմոն իմաստունն ասում է` ամեն ինչ տեսա և հասկացա, որ ամեն ինչ ունայն է: Ուղղակի մարդ պետք է հասկանա, որ պետք է կարողանա հանգիստ հոգին հասցնի Աստծո դատաստանին: Բոլորն էլ կանգնելու են Աստծո արդար որոշման առջև: Տերն օրհնի մեր ազգին` մեծից փոքր: