Ներդրումների հայթայթման երկրորդ ֆրոնտը
БЛОГԱրմեն Վարդանյանը ֆեյսբուքյան իր էջում գրում է.
Հայաստանի տնտեսության աշխուժացման հիմնական գործոններից մեկը ներդրումային ծրագրերն են: Վերջին ժամանակներում խոսվում է 3.2 մլրդ դոլարի ներդրումային ծրագրերի մասին: Դրանք ուղղված են լինելու մարզերի համաչափ զարգացմանը, տնտեսության առանձին ճյուղերի առաջխաղացմանը և այլն:
Ներդրումների մասին խոսակցությունների ֆոնին օրերս տեղի է ունենում «Հայաստանի ներդրողների ակումբ» ոչ հրապարակային պայմանագրային ներդրումային ֆոնդի գործունեության պաշտոնական մեկնարկը: Կարելի էր կարծել, թե այսքան ժամանակ շրջանառվող 3.2 մլրդ դոլարի ներդրումների գործընթացի մի մասը հենց այս ակումբի ստեղծումն էր:
Բայց, վարչապետի խոսքով, ակումբի միջոցով իրականացվելու են ներդրումներ, որոնք կապ չունեն նախապես հայտարարված 3.2 մլրդ-ի հետ: Ակումբը լինելու է լրացուցիչ «օգնող ձեռք» ներդրումներ բերելու գործում: Կարապետյանը նշել է .«Այդ 3.2 մլրդ ԱՄՆ դոլարի մեջ այս ակումբը կարո՞ղ է մասնակից դառնալ, թե՞ ոչ, ակումբի խնդիրն է: Բայց մենք ակնկալում ենք, որ ակումբի մուտքով 3.2 մլրդ ԱՄՆ դոլարից բացի կլինեն այլ ներդրումներ ևս»: