«Աստղային պատերազմներ». հայկական շոուբիզնեսի ամենաաղմկոտ վեճերը (ֆոտոշարք)

Հայկական շոուբիզնեսում, թեկուզ ոչ հաճախ, կրքերը բորբոքովում են և սկանդալներից հնարավոր չի լինում խուսափել:

Past.am-ը ձեր ուշադրությանն է ներկայացնում հայկական շոուբիզնեսի բոլոր ժամանակների «ամենաարյունոտ» աստղային պատերազմները:

 

Եվա Ռիվաս VS  Նադեժդա Սարգսյան

Երկու արտիստներ միջեւ վեճ առաջացավ այն բանից հետ, երբ Եվա Ռիվասը բավականին կտրուկ արտահայտվեց Քիմ Քարդաշյանի՝ Հայաստան կատարած այցին եւ նրա դեմ «ծնկի եկած շներին»։ Երգչուհու այս գրառումը զայրացրել էր Նադեժդա Սարգսյանին, ով իր ֆեյսբուքյան էջում պատասխան գրառում էր արել եւ գրել՝ «շունը դու ես»։

Եվա Ռիվաս VS էմմի

Այս 2 երգչուհիների միջև հակամարտություն, որպես այդպիսին,  չի եղել։ Պարզապես 2009 թվականին էմմին վստահ էր, որ նա է ներկայացնելու Հայաստանը «Եվրատեսիլ» մրցույթում, սակայն անսպասելիորեն ասպարեզ մտավ Ռիվասն ու արդյունքում հենց նա մեկնեց մրցույթ։

Վահան Խաչատրյան VS Դիանա Շատվերյան

Ամեն ինչ սկսվեց այն ժամանակ, երբ Վահան Խաչատրյանը սկանդալային գրառում արեց ֆեյսբուքյան էջում. «Խոսքս ուղղում եմ այն անձանց, ովքեր կարծում են, որ կարելի է անամոթաբար կրկնօրինակել կոլեգաների աշխատանքը, խայտառակ վատ որակով և առանց վատ զգալու հրապարակել ինտերնետում: Ամոթ է»:

Փաստորեն, Վահանի մեկնաբանությունը հասցեագրված էր Դիանա Շատվերյանին, ով ևս մեկնաբանությամբ պատասխանեց Վահանին, որի արդյունքում խայտառակ եղան երկուսն էլ:

Դիանան տեղադրեց մի լուսանկար, որտեղ պատկերված էր իրենց երկուսի մոդելավորած զգեստներին շատ նման մի զգեստ, և այսպես գրեց. «Կարո՞ղ եք գուշակել, թե ում հեղինակած զգեստն է լուսանկարում: Առաջ անցնելով՝ նշեմ, որ ամաչկոտ հայ նկարիչ-մոդելավորող, ընդհանրապես հայտնի համաշխարհային բրենդներից չկրկնօրինակող Վահան Խաչատրյանի գլուխգործոցն է»:

Լիլիթ Հովհաննիսյան VS Անի Ավդալյան

Շատերին էր հայտնի, որ Լիլիթ Հովհաննիսյանը համագործակցում էր վարսահարդար Անի Ավդալյանի հետ: Բայց եկավ մի շրջան, որ երգչուհին և հայտնի վարսահարդարը սկսեցին էլ չհամագործակցել: Պատճառն այն էր, որ Անին հրապարակել էլ էր իր աշխատանքների կրկնօրինակումների լուսանկարները, որոնցում գերակշռում էր Լիլիթ Հովհաննիսյանի լուսանկարները:

Անին այս ամենը պարզաբանեց այսպես. «Ուզում եմ ասել, որ այդտեղ թյուրիմացություն է եղել. ես Լիլիթ Հովհաննիսյանի անունը նույնիսկ չեմ էլ տվել, պարզապես հրապարակել եմ կրկնօրինակված սանրվածքներով լուսանկարներ»: Ինչևէ, այս ամենից հետո Լիլիթը և Անին սկսեցին այլևս չհամագործակցել, Լիլիթն էլ սկսեց օգտվել մեկ ուրիշ վարսահարդարի ծառայություններց:

Սոֆի Մխեյան VS Սոնա Շահգելդյան

Այս երկու երգչուհիների ընդհարման պատճառը դարձավ Սոնայի մորաքույրը, ով Սոֆիի նկարի տակ գրել էր «ֆու»։ Սոֆին էլ տարածել էր դա համացանցում՝ գրելով. «Շահգելդյանները զաժիգայուտ»։ Կայքերից մեկի հետ զրույցում Սոնան պատասխանել էր Սոֆիին՝ ասելով. «Ես միշտ եմ զաժիգայուտ անում»։

Սոֆի Մեխյան VS Քրիստինե Պեպելյան

Երկու երգչուհիները տարիներ առաջ մտերիմ ընկերուհիներ էին, սակայն ամեն ինչ ավարտվեց միանգամից։ Ամսագրերից մեկին տված հարցազրույցում Քրիստինեն ասել էր, որ համացանցում իրեն վիրավորական մեկնաբանություններ են գրել, որոնք, պարզվել է, արվել են Սոֆիի համակարգչից։

Միշո VS ՀՏ Հայկո

Հայկական առաջին ռեփ խմբի՝ «Հայ տղերքի» փլուզման եւ երկու ռեփերների ընդհարման պատճառը նրանք այդպես էլ գաղտնի պահեցին։ Հայհոյախառը երգեր միմյանց «նվիրելուց» հետո, սակայն, ռեփերները հաշտվեցին, ավելին՝ միասին նկարահանվեցին հայկական կինոկատակերգություններից մեկում:

Անի Քրիստի VS Աննա Խաչատրյան

Այս երկու երգչուհիների գժտության պատճառը տարիներ առաջ դարձավ «Կարոտ» երգը։ Նրանցից ամեն մեկը պնդում էր, որ դա իր երգն եւ միայն ինքը կարող է կատարել, սակայն արդյունքում երգը երկուսի կատարմամբ էլ շարունակում է հնչել։

Անահիտ Սիմոնյան VS Անի Քոչար

Երբ Անի Քոչարի ամսագրի կայքը գործում էր, դրանում մի հոդված տպագրվեց՝ Անահիտ Սիմոնյանի հին լուսանկարներով։ Երգչուհուն սա դուր չեկավ, եւ նա, մեղադրելով Անիին ֆոտոշոփ օգատգործելու մեջ, հայտարարեց՝ «Անի Քոչար, դու անասուն ես»։ Անիի պատասխան գրառումը չուշացավ։ 

Միհրան Ծառուկյան VS Մերի Մակարյան

Ըստ տարածված լուրերի՝ Միհրանը պահանջել էր, որ Մերի Մակարյանն իր հետ չնկարահանվի «Ֆուլ հաուս» նախագծում: Վերջինս էլ դրանից նեղացել էր և հաղորդումներից մեկի ժամանակ էլ արտասվել՝ չկարողանալով թաքցնել հուզմունքը:

Արմեն Պետրոսյանը, ով նախագծի պրոդյուսերն է, իր տված հրացազրույցներից մեկում այսպես էր մեկնաբանել ստեղծված իրավիճակը. «Ծանոթանալով գործի բնույթին՝ բնականաբար, մենք չէինք կարող ամեն ինչ այդպես թողել: Եթե այստեղ կար կոնֆլիկտ, որի ժամանակը և կոպիտ ասած հավեսը մենք չունեինք, որոշում կայացվեց, որ տվայլ նախագծում իր մասնակցությունը պետք է շարունակի Միհրան Ծառուկյանը»:

Արմինկա VS Ջուս

Արդեն երկար ժամանակ է՝ Ջուսը և Արմինկան այլևս չեն շփվում իրար հետ, մինչդեռ ժամանակին մտերիմ ընկերուհիներ էին: Տարաձայնության պատճառը հետևյալն էր. նրանց կոլեգաներից մեկն Արմինկային պատմել է, թե այն ժամանակ, երբ Արմինկան Հայաստանից բացակայում էր, Ջուսն այսպես է արտահայտվել. «Եթե իմ գրած երգը չլիներ, Արմինկան աստղ չէր դառնա»:

Երբ Արմինկային հասել են այս լուրերը, նա խզել է հարաբերությունները վաղեմի ընկերուհու հետ՝ առանց պարզաբանում պահանջելու, միայն նշել է, որ այդ աղջիկն իր համար դատարկ է: Վրդովված Ջուսը նախկին ընկերուհուն տեղը դնելու համար ասել է. «Եթե Արմինկան գնահատեր մեր ընկերությունը, երբեք նման բաների չէր հավատա: Ես ահավոր վիրավորված եմ, ներել եմ նրան, բայց չեմ ուզում նրա հետ շփվել: Արմինկան ինձ ասել է՝ ինձնից հեռու մնա, իմ անունը մի շոշափի»:

Հայկո VS Մկո 

Հայկո և Մկոյի մասին արդեն շատ է խոսվել և կխոսվեր, եթե վերջապես պարզաբանում չլիներ: Վերջիվերջո, ի՞նչ կատարվեց, ինչո՞ւ հանրության կողմից սիրված դերասանները, ովքեր տասնհինգ տարի աշխատել են միասին, այլևս չեն համագործակցում: Վարկածները շատ են, ասում էին, թե պատճառը եղել է այն, որ Մկոն հեռացել է Հայկոյից, քանի որ նա իշխանության դեմ հանդես եկավ, և դա նրան վախեցրեց, մյուս վարկածն այն էր, որ Հայկոն ցանկություն էր հայտնել տեղափոխվել ԱՄՆ առանց գործընկերոջը տեղյակ պահելու:

Վերջապես Մկոն խոսեց և ամեն ինչ իր տեղը դրեց. «Դա մեր անձնական հարաբերություններն են, միան մենք կարող ենք այդ մասին խոսել, ուրիշ ոչ ոք: Նույնիսկ մեզանից որևէ մեկն իրավունք չունի այդ մասին բարձրաձայնել: Անկեղծ կլինեմ և կասեմ, որ մենք մոտ երկու տարի գրեթե չենք շփվել, ես այդ ընթացքում Հայկին չեմ տեսել: Մենք միասին բարդ ժամանակահատված ենք անցել, կիսել են բարդ օրեր, ծրագրեր ենք իրագործել, բայց այժմ միասին անելիք չունենք, տարբեր ենք ոճային առումով, ընկերական հայացքներով: Դա ցույց տվեց կյանքը: Հասկանում եմ, որ հեռուստադիտողը մեզ կարոտում է, բայց մենք էլ պարտավոր չենք ամբողջ կյանքը միասին անցկանցնել: Ի սրտե ցանկանում եմ Հայկին հաջողություն, և թող միշտ հաջողված նախագծեր անի, ու թող նաև ինձ մոտ ամեն ինչ հաջող լինի»: