Լիբանանում ապրիլյան պատերազմի զոհերին նվիրված հիշատակի արարողություն է տեղի ունեցել

 Բուրջ Համուդի Հակոբ Տեր-մելքոնյան սրահում մարտի 29-ին տեղի է ունեցել «Միշտ Արցախի հետ» խորագիրn ունեցող հիշատակի հանդիսություն` նվիրված 2016 թվականի ապրիլյան քառօրյա պատերազմում նահատակված հերոսների հիշատակին: Այս մասին հայտնում է Լիբանանում «Արմենպրես»-ի թղթակիցը: Ներկայացնում ենք հոդվածն ամբողջությամբ:

«Հայ Յեղափոխական Դաշնակցութեան քարոզչական մարմինի նախաձեռնութեամբ, Չորեքշաբթի,  29 Մարտ 2017-ի երեկոյեան,  Պուրճ Համուտի Յակոբ Տէր Մելքոնեան  սրահին մէջ  տեղի ունեցաւ «Մ՛իշտ Արցախի հետ» խորագիրը կրող  ժողովրդային յիշատակի հանդիսութիւն` 2016 ապրիլեան քառօրեայ պատերազմին նահատակուած հերոսներուն նուիրուած, ներկայութեամբ հայ երեք համայնքապետերուն, հայ քաղաքական կուսակցութիւններու ներկայացուցիչներու եւ պետական գործիչներու:

Նախքան սոյն  հանդիսութիւնը,  հայ երեք համայնքապետերու նախագահութեամբ Պուրճ Համուտի Նահատակաց յուշակոթողին դիմաց հոգեհանգստեան պաշտօն կատարուեցաւ ապրիլեան քառօրեայ պատերազմին նահատակուած հերոսներու յիշատակին, որմէ ետք ՀՅԴ Բիւրոյի անդամ Բենիամին Պչաքճեան, նահատակ Նորայր Հաջեանի հայր Միքայէլ Հաջեան եւ ՀՅԴ Լիբանանի Կեդրոնական կոմիտէի ներկայացուցիչ Յակոբ Բագրատունի ծաղկեպսակ զետեղեցին Նահատակաց յուշակոթողին` ՀՄԸՄ-ի շեփորախումբին կողմէ հնչած Լիբանանի եւ Հայաստանի քայլերգներու նուագակցութեամբ: Ապա բոլոր ներկաները ուղղվեցաին «Յակոբ Տէր Մելքոնեան» թատերասրահ, ուր տեղի ունեցաւ պաշտօնական հանդիսութիւնը:

Լիբանանի, Հայաստանի եւ Արցախի հանրապետութիւններու քայլերգներուն ունկնդրութեամբ սկիզբ առաւ հանդիսութիւնը: Ողջոյնի խօսքով հանդէս եկաւ Աշոտ Բագրատունի, որ նախ մէկ վայրկեան յոտնկայս լռութեան հրաւիրեց ներկաները` յարգելու համար ապրիլեան քառօրեայ պատերազմի նահատակներուն յիշատակը:

Ցուցադրուեցաւ Արցախի քառօրեայ պատերազմին մասին պատմող տեսաերիզ մը, որմէ ետք Մարտիկի երգը ներկայացուց Մինաս Ադամեան` նուագակցութեամբ Արի Տագէսեանի:

Խօսք առաւ Լիբանանի մէջ Հայաստանի Հանրապետութեան արտակարգ եւ լիազօր դեսպան Սամուէլ Մկրտչեան: Դեսպանը հաստատեց, որ իրադարձութիւնները վառ կերպով ցոյց տուած են աշխարհի տարածքին համահայկական համազգային համերաշխութիւնը, կրկին անգամ աշխարհի բոլոր անկիւններուն եւ յատկապէս Լիբանանի մէջ հայութեան տարբեր հատուածները բողոքի իրենց ձայնը բարձրացուցած են հակառակորդի նենգ գործողութիւններուն դէմ, աշխարհի ուշադրութիւնը գրաւած են հայ ժողովուրդի արդարացի այդ կռիւի դրուագին եւ նեցուկ կանգնած իրենց կեանքը զոհելու պատրաստ զինուորներուն:

ՀՅԴ Լիբանանի Կեդրոնական կոմիտէի խօսքը արտասանեց Շահան Գանտահարեան: «Դաշնակցութիւնը կերտեց Հայաստանի առաջին հանրապետութիւնն ու անոր խորհրդարանը. Դաշնակցութիւնը կերտեց Արցախի, ազատ Արցախի առաջին խորհրդարանը: Այսօր եւս Հայաստանի նոր համակարգի անցում կատարելու ետին կանգնած է Դաշնակցութիւնը: Բնականաբար կ՛ակնկալուի, որ նոր խորհրդարանի մէջ հիմնական դեր ունենայ առանց զիջելու զարգանալու գաղափարախօսութիւնը առաջադրած ուժը: Պատերազմը չէ աւարտած մեր դէմ եւ մենք այս պայմաններուն մէջ սահմաններու անառիկութեամբ զարգանալու ուղիները զարգաց նելու անհրաժեշտութեան առջեւ ենք ազգովին» ըսաւ ան:

Ելոյթ ունեցաւ սոփրանօ Շողիկ Թորոսեան` մեկնաբանելով «Երազ իմ երկիր» երգը, որմէ ետք ցուցադրուեցաւ նահատակ Նորայր Հաջեանի հերոսութեան մասին վկայող տեսերիզ մը:

Օրուան բանախօս, քառօրեայ պատերազմի նահատակ Նորայր Հաջեանի հայրը` լրագրող-հրապարակախօս Միքայէլ Հաջեան յայտնեց, թէ Արցախի մէջ բոլորին համար հաստատուն, անհերքելի ճշմարտութիւն է, որ առանց մայր հայրենիքի` Հայաստանի Հանրապետութեան եւ հայկական սփիւռքի համակողմանի աջակցութեան անկարելի էին եւ են արցախցիներուն յաղթանակները ռազմի դաշտին վրայ, շօշափելի ձեռքբերումները անկախ պետականութեան կերտման, պատերազմի ծանր հետեւանքներու վերացման, քայքայած տնտեսութեան վերականգնման ու զարգացման, բանակի կայացման եւ Արցախի ժողովուրդի բարեկեցիկ ապահովությանան մէջ:

Հանդիսութիւնը փակուեցաւ սոփրանօ Շողիկ Թորոսեանի «Նորօրեայ զինուորին» երգով»: