Շնորհակալություն եմ հայտնում մեր սիրելի՛ լրագրողներին քարոզարշավի ընթացքն անաչառորեն լուսաբանելու համար. Ռոբերտ Սարգսյան
БЛОГՌոբերտ Սարգսյանը ֆեյսբուքյան իր էջում գրում է.
Ավան, Քանաքեռ-Զեյթուն, Նոր Նորք վարչական շրջանների հարգելի՛ բնակիչներ,
շնորհակալություն եմ հայտնում ձեզանից յուրաքանչյուրին վստահության համար, որը ինձ պարտավորեցնում է ավելի մեծ նվիրումով ու պատասխանատվությամբ աշխատել։
Միաժամանակ հիշեցնում եմ, որ այս ընտրությունը դեռ միասին անցնելիք ճանապարհի սկիզբն է, իսկ առջևում մեզ սպասում է համատեղ ծավալուն աշխատանք` բոլորիս համար կարևոր խնդիրների լուծման ուղղությամբ։
Մի՛ մոռացեք, որ այդ ընթացքում ևս կարևոր է փոխադարձ վստահությունը և համագործակցությունը։
Դուք ձեր ակտիվությամբ, մասնակցությամբ հնարավոր եք դարձնում դրական փոփոխությունները և առաջընթացը։
Շնորհակալություն եմ հայտնում նաև մեր սիրելի՛ լրագրողներին քարոզարշավի ընթացքն անաչառորեն լուսաբանելու և անձնապես ինձ հետ անցկացված բոլոր հարցազրույցների համար։ Ձեր կողմից հնչեցված բոլոր հարցերը եղել են կարևոր ու պատճառաբանված։
Բնականաբար, իմ ապագա գործունեության բոլոր ծրագրերի ակտիվ մասնակիցն են եղել նաև իմ կուսակցական գործընկերները, որոնց հետ թիմային աշխատանքով արդարացնելու ենք մեր բնակիչների հույսերը։
Մենք բոլորս պատասխանատու ենք մեր երկրի, քաղաքի, համայնքի ապագայի համար, և միասին կառուցելու ենք ապահով ու բարեկեցիկ ապագա։
Վստա՛հ եղեք, որ դրական փոփոխությունները սկսում են հենց այս պահից։
Եվս մեկ անգամ ՇՆՈՐՀԱԿԱԼՈՒԹՅՈՒՆ, սիրելի՛ համաքաղաքացիներ։