Կյանքի դասեր, որոնք մեզ տալիս են փոքրիկ երեխաները. սա կհասկանա յուրաքանչյուր ծնող

Երբ տանը փոքրիկ է հայտնվում, նա իր հետ բերում է և՛ ուրախություն, և՛ ոգեշնչում, և՛ անհանգստություն, և՛ մի շարք այլ անհայտ զգացմունքներ ընտանիքի համար: Համարվում է, որ ծնողների պարտականությունն է այդ փոքրիկից լավ անհատականություն ստեղծելը: Շատերը հաստատ նկատած կլինեն, որ երեխաները կարծես աշխարհ են գալիս որոշ գիտելիքներով: Հաճախ մայրիկը հասկանում է, որ երեխան իր իսկական ուսուցիչն է: Եկեք տեսնենք, թե ինչ են մեզ սովորեցնում փոքրիկները:

1. Ինքնատիրապետում և համբերություն

Սա առաջին բանն է, առանց որի դաստիարակությունն ուղղակի անհնար կլիներ: Շատերը կհիշեն այս արտահայտությունները՝ «երեխայի արարքին արձագանքում ենք միայն մինչև տասը հաշվելուց հետո», «երբ դժվար է, ժպտում ենք»: Սրանք լավ վարժություններ են ինքներդ Ձեզ դաստիարակելու համար: Չկարողանալով պահել  ինքնատիրապետումը և չունենալով համբերություն՝ մենք ամեն պահի կվիճենք փոքրիկների հետ, ինչն էլ իր հերթին կբերի արցունքներ և նեղացվածություն: Իսկ ո՞ր ծնողն է դա ցանկանում:

2. Ծրագրեր նախապես չմշակել

Երեխաները ծնողներին սովորեցնում են երկարաժամկետ պլաններ չմշակել: Նրանք և իրենց ցանկություններն անկանխատեսելի են: Երեխաները չեն թողնում մեզ հանգստանալ՝ այդպիսով մեր մեջ զարգացնելով այնպիսի հատկություններ, ինչպիսին է սթրեսին դիմակայելու ունակությունը, որն էլ, հաստատեք, մեր օրերում ավելորդ բան չէ: Կարող ենք ասել, որ փոքրիկից հետո ծնողների հանգստի «նախընտրություններն» էլ են փոփոխվում: Նրանք ավելի շատ են սկսում գնահատել ազատ ժամանակը:

3. Կենսասիրություն

Բոլորը գիտեն, որ երեխաներն ուրախություն են. նրանց հետ շփվելով՝ էլ ավելի երջանիկ են դառնում մարդիկ: Դժվար չէ նկատելը, որ փոքրիկները հաճախ մեզանից՝ մեծերից էլ ավելի խելացի և իմաստուն են իրենց դրսևորում: Մեզ մանրուքները նյարդայնացնում են, մենք չափազանցնում ենք մեր խնդիրները՝ չնկատելով, թե դատարկ բաների վրա ինչպես ենք ժամանակ ծախսում: Սակայն, միևնույն ժամանակ, երեխաները իսկապես գնահատում են կյանքը, դրա յուրաքանչյուր պահը:

4. Տնային տնտեսություն և խոհարարական ունակություններ

Փոքրիկ երեխան իր մորը սովորեցնում է իսկական տանտիկին դառնալ, քանի որ տանը, որտեղ մեծանում է երեխան, պետք է հարմարավետություն և մաքրություն տիրի: Իսկ մայրիկները միշտ էլ ցանկանում են իրենց երեխաների համար համեղ և օգտակար ուտեստներ պատրաստել: Հենց այսպես են կանայք դառնում հրաշալի երեխա խնամողներ:

5. Բժշկական գիտելիքներ

Մայրիկները միշտ պետք է զգոն լինեն, երբ երեխան հիվանդանում է: Պետք է իմանան, թե ինչ դեղեր են փոքրիկին հարկավոր: Միևնույն ժամանակ, ծնողները հաճախ մերսման կարողություններ են զարգացնում:

6. Ստեղծարարություն

Մանկապարտեզի համար զանազան իրեր, ամանորյա հանդերձանքներ, նկարչական պարագաներ և առօրյա հասարակ խաղեր. այս բոլորը ծնողները տալիս են իրենց երեխաներին ծննդյան իսկ օրվանից: Հայրիկն ու մայրիկը փոքրիկին սովորեցնում են նկարել, ճիշտ համադրել գույները, փազլներ հավաքել, գլուխկոտրուկներ լուծել և այլն: Այս գործընթացի ժամանակ, անշուշտ, զարգանում է նրանց ստեղծարար միտքը:

7. Խորմանակություն և դերասանական տաղանդ

Ինչքան էլ որ զարմանալի է, եթե մայրն անգամ իր էությամբ վատ դերասանուհի է, երեխայի հետ նա սովորում է այս արվեստը: Ինչքա՜ն հաճախ է նա լինում Կարմիր գլխարկի, կատվի կամ ձիու դերում երեխայի հետ խաղալիս: Լինում են դեպքեր, երբ միայն այդ միջոցներով է հնարավոր լինում երեխային բակից տուն բերել:

8. Սեր

Շատերը միայն իրենց երեխաների ծնունդից հետո են հասկանում, որ շրջապատող բոլոր մարդիկ էլ ներքուստ որոշ չափով երեխաներ են: Մենք համբերատար կերպով ենք վերաբերվում մեր ծնողներին և շրջապատող անձանց: Մայրը գիտակցում է, որ նա ևս երեխա է, և դա նրան օգնում է ավելի լավ կողմնորոշվել այն աշխարհում, որտեղ ապրում է իր փոքրիկը:

Կարելի է ասել, որ երեխաներն իրենց ծնունդով մեր կյանքում ամեն ինչ իր տեղն են գցում: Իսկ ժամանակը, որն անցկացնում են ծնողներն իրենց փոքրիկների հետ, կարելի է ինքնատիպ դպրոց համարել, որտեղ նրանք օգտակար գիտելիքներ են ստանում և մշակում: