Անզորությունից մեղավորներ փնտրողները
БЛОГՑոլակ Գրիգորյանը ֆեյսբուքյան իր էջում գրում է.
Քաղաքական գործիչն իրավունք չունի մասնակցելով քաղաքական պայքարի և քվե չստանալուց հետո մեղադրել ժողովրդին ծախվելու կամ այլ շահադիտական նկատառումներ ունենալու մեջ: Եթե ինքդ և քո թիմը տվյալ պահին քո աշխարհընկալումով, վարքով, մտավոր կարողություններով չեք համապատասխանում այն իդեալական պետության մեջ գործող քաղաքացու վարքին, ապա դուք չեք կարող հասենլ հաջողության, կամ եթե հասնեք, ապա նույն այն աստիճանից չեք բարձրացնելու ժողովրդին, որում գտնվում է տվյալ պահին՝ այլ քաղաքական ուժի մեղքով: Տարիներով չաշխատելով ժողովրդի հետ, օրինակ չծառայելով ժողովրդին, իր կերպարով, իր միջավայրով, գալ և քարոզ կարդալով քվե ստանլն ուղղակի հնարավոր չէ, իսկ եթե անգամ ստանաք էլ, ապա իզուր, ոչինչ տալ չեք կարող: Չպետք է ընդունել մի խաղի կանոն, որտեղ այդ կանոն մշակողը ամեն ինչ արել է, որպեսզի դուք այդ կանոններն ընդունելով պարտվեք:
Հաղթանակ ցանկացողը չպետք է գտնվի այն ցածր մակարդակում, որում գտնվում են շատերը:
Բարձրանալով բարձրացրու: