Տասը պատճառ, թե ինչու ճապոնուհիները չեն ծերանում

Ճապոնիան հայտնի է իր տարօրինակ ավանդույթներով, յուրահատուկ մշակույթով, մտածելակերպով եւ իհարկե, հմայիչ ճապոնուհիներով: Ճապոնուհիները ամենանրբիրան կանայք են համարվում: Իսկ ինչպես են նրանք պահպանում իրենց գեղեցկությունը եւ չեն ծերանում:

Պատճառ № 1

Առաջին եւ հիմնական պատճառը սննդակարգն է: Սովորաբար ճապոնուհիները ուտեստները պատրաստում են ձկով, ծովամթերքով, սոյայով, բրնձով, ավելի շատ են օգտագործում միրգ եւ կանաչ թեյ: Նրանց սննդակարգում յուղալի եւ ոչ առողջարար սննդատեսակներ չկան:

Պատճառ № 2

Բացի ձկնեղենից եւ ծովամթերքից, ճապոնուհիները մեծ քանակությամբ բրոկոլի, կաղամբ եւ ծաղկակաղամբ են օգտագործում, որը առողջության եւ գեղեցիկ մաշկի գրավականներից մեկն է:

Պատճառ № 3
Ճապոնացիները ամեն ինչ ուտում են միայն թարմ վիճակում, այդ պատճառով նրանց սննդատեսակներից շատերի ժամկետը ոչ թե մի քանի օր է, այլ մի քանի ժամ:

Պատճառ № 4
Ճապոնական մշակույթում ընդունված է, որ սնունդը պետք է ուտել քիչ չափաբաժնով, դանդաղ եւ լավ ծամելով:

Պատճառ № 5

Ճապոնական գրեթե բոլոր ուտեստները դյուրամարս են, քանի որ դրանք պատրաստում են գրիլի մեջ, շոգեխաշում են կամ տապակում հատուկ թավայի մեջ, կտրուկ շարժումներով: Խոհարարները օգտագործում են միայն օգտակար յուղեր, արգանակներ: Ոչ մի ծանրություն ստամոքսում:

Պատճառ № 6

Ճապոնացիների համար բրինձն ասես հաց լինի: Նրանք բրինձ են ուտում ամեն օր: Հատուկ եղանակով պատրաստված այս բրինձն ավելորդ քաշի խնդիր երբեք չի առաջացնում:

Պատճառ № 7

Ճապոնացիների համար նախաճաշը սուրբ արարողակարգ է եւ երբեք այն բաց չեն թողնում: Ավելին, նախաճաշին նրանք օգտագործում են շատ հագեցնող սնունդ, ինչը նրանց ակտիվություն է տալիս ամբողջ օրվա ընթացքում:

Պատճառ № 8

Ճապոնիայում որպես աղանդեր քաղցրավենիք գրեթե չեն մատուցում:

Պատճառ № 9

Ի տարբերություն դիետաներով իրենց տանջող եվրոպացիների՝ ճապոնացիները փորձում են բազմազան ուտեստներ պատրաստել: Բայց պետք է նշել, որ վերջերս արագ սնունդը լայն տարածում է գտել ճապոնացի երիտասարդների շրջանում եւ նրանք նույնպես սկսել են տառապել ճարպակալման խնդրով:

Պատճառ № 10

Ճապոնացիները առողջ ապրելակերպ են վարում: Նրանք ամեն օր մարզում են իրենց մկանները: Վերջերս շատերն անգամ հրաժարվում են մեքենաներից եւ նախընտրում հեծանիվ վարել:

Աղբյուրը՝ Top-news.am