Երթուղային ցանցի արդիականացման հրամայականը
БЛОГՀայաստանի ճանապարհային և տրանսպորտային հասանելիության մակարդակը բավարար չէ: Տրանսպորտային ցանցի թերհագեցվածությունը նաև իր բացասական ազդեցությունն է ունենում երկրի տնտեսության զարգացման համար:
Միջպետական, հանրապետական և մարզային նշանակության ավտոճանապարհների առկա վիճակը պահանջում է ակտիվ միջամտություն և լրացուցիչ ֆինանսական ռեսուրսների ներդրում, նոր կոմունիկացիոն ուղիների ստեղծում: Այս խնդրին կառավարության նիստում անդրադարձել է նաև վարչապետ Կարեն Կարապետյանը: Վերջինս նշել է, թե անհրաժեշտ է համարում նաև հանրապետությունում երթուղային ցանցի արդիականացմանն ուղղված աշխատանքների անհապաղ իրականացումը:
Վարչապետը հանձնարարել է ՀՀ տրանսպորտի, կապի և տեղեկատվական տեխնոլոգիաների նախարարին մեկամսյա ժամկետում՝ գնահատել միջպետական, հանրապետական և մարզային նշանակության ճանապարհների տեխնիկական վիճակը, դրանց հիմնանորգոման այլընտրանքային տարբերակները, տալ համապատասխան ֆինանսական գնահատական, մշակել առաջնահերթությունների վրա հիմնված 5 տարվա աշխատանքային ծրագիր և ներկայացնել տվյալ աշխատանքների վերաբերյալ առաջարկություններ:
Էկոնոմիկան թվերով / ֆեյսբուք