Եվրասիա հիմնադրամը «թևեր կտա» ՀՀ ՓՄՁ-ներին
БЛОГԱնի Սանոսյանը ֆեյսբուքյան իր էջում գրում է.
Եվրասիա հիմնադրամը նոր նախաձեռնություն է սկսում եվրասիական տարածաշրջանի զարգացող երկրների փոքր ու միջին ձեռներեցության զարգացումը խթանելու համար: Օրերս Վաշինգտոնի Կարնեգի հիմնադրամում անցկացվել է փոքր բիզնեսի աջակցման Եվրասիա հիմնադրամի Gazelle Finance ծրագրի մեկնարկին նվիրված միջոցառում:
Հայաստանում ու Վրաստանում առաջին անգամ կիրականացվի Եվրասիա հիմնադրամի նշված ծրագիրը: 28 միլիոն դոլարանոց հիմնադրամը, համագործակցելով տեղի բանկերի հետ, 100 հազարից մինչև մեկ միլլոն դոլարի վարկեր կտրամադրի տնտեսության տարբեր ճյուղերի հայկական և վրացական մանր ու միջին ձեռնարկություններին:
Եվրասիա հիմնադրամը երկար տարիներ տարբեր ծրագրեր է իրականացնում: Հատկանշական է, որ Հայաստանում և Վրաստանում ծրագրի հաջողության դեպքում այն կշարունակվի Ղրղըզստանում և Մոլդովայում: Ինչպիսի արդյունքներ կունենա Gazelle Finance ծրագիրը, ժամանակի ընթացվքում կերևա, սակայն անվիճելի է, որ մանր ու միջին ձեռներեցության զարգացման խնդիրը շարունակում է չափազանց արդիական մնալ Հայաստանի, Վրաստանի և հետխորհրդային մյուս երկրների համար: