Ընդարձակ արշավ է սկսվել Փոլադ Բյուլբյուլօղլիի թեկնածության՝ ՅՈՒՆԵՍԿՈ-ի ղեկավարի պաշտոնում առաջադրվելու դեմ
БЛОГՎարդան Ոսկանյանը ֆեյսբուքյան իր էջում գրում է.
Իրանում ամենամեծ տարածում ունեցող «Տելեգրամ» սոցիալական ցանցի պարսկալեզու ալիքներում բավական ընդարձակ արշավ է սկսվել այժմ Ռուսաստանում Ադրբեջանական Հանրապետության դեսպան Փոլադ Բյուլբյուլօղլիի թեկնածության՝ ՅՈՒՆԵՍԿO-ի ղեկավարի պաշտոնում առաջադրվելու դեմ:
Մասնավորապես, «Իրանական քաղաքակրթության ժառանգորդ երկրների միություն» տելեգրամյան ալիքով այսօր տարածվել է ադրբեջանցի դեսպանի լուսանկարը հետևյալ մակագրությամբ՝ «Փոլադ Բյուլբյուլօղլի՝ Ռուսաստանում Բաքվի Հանրապետության այժմյան դեսպան և Հայաստանի ու Իրանի պատմության կեղծարար»:
Ուշագրավ է նաև, որ նշված ալիքի կարգավարներն Ադրբեջանական Հանրապետություն պաշտոնական եզրի փոխարեն գործածել են Բաքվի Հանրապետություն տարբերակը, քանի, որ պարսկերենում Ազարբայջան անվանումը հնարավորություն չի ընձեռում տարբերակում մտցնել Ատրպատականի (Արաքսից հարավ գտնվող իրանական երկրամաս) և Ադրբեջանի (1918թ. ստեղծված արհեստածին պետություն) միջև: