Դաշտանային ցիկլը ավելի հեշտ անցկացնելու լավագույն միջոցները, որոնք դուք մինչ այժմ չգիտեիք

Pressmedia.am-ը գրում է.

Շատ կանանց դաշտանային ցիկլն ուղեկցվում է ցավի զգացումով, մի մասի մոտ այն առատ է լինում, որը երբեմն հասնում է նույնիսկ արյունահոսության: 

Սովորաբար ամենաուժեղ ցավերը մենք զգում ենք դաշտանային ցիկլի առաջին կամ երկրորդ օրը: Այդ օրերին կարևոր է ճիշտ սնվել: Աշխատեք շատ չուտել, սնվել փոքրիկ չափաբաժիններով: Կերեք շատ միրգ և բանջարեղեն:

Դաշտանի հետ սկսվող ու դադարող ախտանշանները տհաճ են ու անցանկալի: Դրանք կրկնվում են ամեն ամիս և, թվում է՝ ոչինչ անել հնարավոր չէ: Մինչդեռ գոյություն ունեն մի շարք գիտականորեն ապացուցված միջոցներ այդ շրջանին բնորոշ տհաճ զգացողությունները թուլացնելու և անգամ կանխարգելելու համար, օրինակ՝ սննդակարգում կոնկրետ մթերքներ ավելացնելու, տաք լոգանք ընդունելու և նույնիսկ կրծկալը փոխելու շնորհիվ:

1. Նախ և առաջ մտապահեք ձեր դաշտնայաին ցիկլի օրերը, այդպիսով դուք կիմանաք երբ է այն սկսվելու և կօգնի պատրաստ լինել այդ ամենին:

2. Փորձեք ֆիզիկական վարժություններ կատարել, բայց ոչ շատ ինտենսիվ: Հիանալի կլինի, եթե յոգայով զբաղվեք: Ի դեպ, ապացուցված է, որ կանայք, ովքեր պարբերաբար սպորտով են զբաղվում, հազվադեպ են տառապում դաշտանային ցավերով:

3. Շատ ժամանակ անցկացրեք պառկած: Փորին դրեք տաք սրբիչ. այն նույնպես կհանգստացնի ցավը:

4. Չնայած որ այդ օրերին խորհուրդ չի տրվում լոգանք ընդունել, բայց ջուրն իսկապես թուլացնում է ցավը: Կարող եք ավելացնելմի քանի կաթիլ լավանդայի եթերային յուղ, որպեսզի ուժեղացնեք լոգանքի ազդեցությունը:

5. Խուսափեք ալկոհոլի օգտագործումից, այն կարող է չափազանց վտանգավոր լիներ, առաջացնել հորմոնալ խանգարումներ, նոյւնիսկ արյունահոսություն:

6. Դաշտանի օրերին Ձեր սննդակարգում ներառեք ձու, քանի որ այն իր մեջ պարունակում է վիտամին B, որը կարող է մեղմել ցավերը:

7. Օգտակար է նաև բանանը: Կարող եք առավոտյան և երեկոյան բանան ուտել: Շատերին օգնում է:

Աշխատեք չմրսել, որպեսզի վերը նշված խորհուրդները Ձեզ այլեւս պետք չլինեն մյուս դաշտանային ցիկլի ժամանակ:

Անի Գևորգյան