«Պարտադիր չէ արդարություն լինի որևէ նախագծում՝ հետագայում հաջողությունների հասնելու համար». «X factor»-ի մասնակից Մոնիկա Միրզոյան

Exclusive

Past.am-ի զրուցակիցը «X factor 4»-ի մասնակից Մոնիկա Միրզոյանն է:

 

- Տարբեր մարդկանց տարբեր պատճառներ են տանում «X factor»: Ձեր դեպքում ո՞րն էր մոտիվացիան:

- Ես «X factor»-ն օգտագործեցի որպես առաջին քայլ դեպի ասպարեզ և չնայած նրան, որ մեծ հաջողության չհասա նախագծում, բայց դրանից դուրս ստացա շատ առաջարկներ, որոնց թվում ստեղծվեց իմ band-ը, որի վոկալիստն եմ:

- Նախագծում, իհարկե ոչ շատ մեծ, բայց հաջողություն ունեցաք: Ի՞նչ հասցրեցիք այդ ժամանակահատվածում վերցնել X Factor-ից:

 

- Նախագիծը ինձ տվեց հնարավորություն հասկանալու, որ բոլորը չէ որ գնահատում են տաղանդ կոչվածը, բոլորին չէ որ կարող ես դուր գալ, պարտադիր չէ արդարություն լինի որևէ նախագծում՝ հետագայում հաջողությունների հասնելու համար:

- Մինչև նախագիծն ինչո՞վ էիք զբաղվում: Ի՞նչ նախասիրություններ ունեք՝ երգից բացի:

 

- Երգի պետական թատրոնից հետո ավարտեցի Հակոբ Կոջոյանի անվան կրթահամալիրը, զբաղվում եմ նկարչությամբ և դրանից զատ՝ հագուստի մոդելավորմամբ:

- Կուռք կամ, ավելի շուտ, ոգեշնչման աղբյուր ունե՞ք, ում օրինակին հետևում եք:

 

- Կուռք չեմ համարում, բայց սիրում ու հետևում եմ Րիհաննայի գործունեությանը:

- Տեղյակ եմ, որ համերգ եք նախատեսում Vino del Nord-ում: Մի փոքր կպատմե՞ք այդ մասին:

 

- Vino del nord-ում, այո, այսօր պատրաստվում եմ երգել մի ամբողջ երեկո՝ թե՛ հաճախորդների համար, թե՛ իմ երկրպագուների:

- Պատրաստվու՞մ եք շարունակել Ձեր գործունեությունը մեր երգարվեստում: Ե՞րբ եք ինչ-որ լուրջ խոսք ասելու:

- Իհարկե, շարունակելու եմ գործունեությունս, բայց, քանի որ շտապել չեմ սիրում, քայլերս կլինեն փոքր-փոքր, բայց հստակ:

 

Մարիամ Նալբանդյան