Առաջին անգամ Երևանում հանդիպեցին հայ և թուրք ներդրողները

 Հանրային լրագրության ակումբը (ՀԼԱ), Թուրքիայի տնտեսական քաղաքականության հետազոտությունների հիմնադրամը (ՏԵՊԱՎ), Սիլիկոնյան հովտում գործող աշխարհի առաջին ներդրումային աքսելերատոր «Էնջել լաբս»-ի հետ համագործակցությամբ, Երևանում առաջին անգամ անցկացրեցին Հայաստան-Թուրքիա ներդրողների հանդիպում:

«Արմենպրես»-ի հաղորդմամբ՝ միջոցառման նպատակն էր խթանել Հայաստանում և Թուրքիայում հրեշտակ-ներդրողների ցանց ստեղծելու գաղափարը և ներկայացնել ներդրողների ցանցերի տարբեր ձևաչափերն ու միջազգային լավագույն փորձը:

Միջոցառման բացման արարողությանը ողջույնի խոսքով հանդես եկան նախաձեռնության հեղինակներ ՀԼԱ նախագահ Սեդա Մուրադյանը, ՏԵՊԱՎ-ի ներկայացուցիչ  Ջանսու Սարաջը և «Էնջել լաբս»-ի տնօրեն Թուգչե Էրգյուլը, ինչպես նաև Հայաստանում Ֆրանսիայի արտակարգ և լիազոր դեսպան Ժան-Ֆրանսուա Շարպանտիեն և ԱՄՆ դեսպանատան տնտեսական և առևտրական ներկայացուցիչ Ռաֆայել Սամբուն:

 Հանրային լրագրության ակումբի (ՀԼԱ) ղեկավար Սեդա Մուրադյանի խոսքով` նախաձեռնության նպատակն է աջակցել Հայաստանում ստարտափների և էկոհամակարգի ներդրումները զարգացնող «հրեշտակ-ներդրողների» ցանցի ստեղծմանը:

«Հրեշտակ-ներդրողներն այն մեծահարուստ անհատներն են, ովքեր զարգանալու ներուժ ունեցող ստարտափներին ֆինանսական միջոցներ են առաջարկում, ֆինանսական կապիտալի բավական կարևոր աղբյուր են սկսնակ ընկերությունների համար: Ըստ ուսումնասիրությունների` վերջին տարիների ֆինանսական ճգնաժամի և համաշխարհային տնտեսության շարունակական անկման պայմաններում հրեշտակ ներդրողները շատ կարևոր դեր են ունեցել բանկերի և վենչուրային ընկերությունների ֆինանսական բացերը լրացնելու հարցում»,- ասաց Սեդա Մուրադյանը` հավելելով, որ հրեշտակ-ներդրողները չեն հանրա յնացնում իրենց գործունեությունը, և նույնիսկ պաշտոնական մակարդակում նրանց հետ կապ հաստատելը շատ բարդ է: Նա նաև հավելեց, որ իրենք միջոցառման միջոցով հարթակ են ստեղծում այն մարդկանց համար, ովքեր ցանկանում են օգնել այստեղ ստարտափների կայացմանը: Ըստ ՀԼԱ նախագահի` նմանատիպ ցանցերի հաջողված օրինակներ կան աշխարհում, և իրենց նպատակն է ներդնել այդ կոնցեպտը Հայաստանում և Թուրքիայում, ինչպես նաև խթանել երկու երկրների հրեշտակների համագործակցությունը և հնարավոր համատեղ ծրագրերի իրականացումը»:

Թուրքիայի տնտեսական-քաղաքական հետազոտությունների հիմնադրամի ներկայացուցիչ Ջանսու Սարաջի խոսքով` իրենց մոտ Հայաստանի և Թուրքիայի միջև ներդրողների լայն շփումների մշակման, միասնական ներդրումների ցանցի ստեղծման և ֆինանսավորելու համար գաղափարները ծագել են երեք տարիների ընթացքում տարբեր երկրների ձեռներեցների փոխայցելությունների արդյունքում:

«Թուրքիա-Հայաստան-ԱՄՆ-Գերմանիա ներդրողների օր» խորագրով այս առաջին նախաձեռնությունը կդնի միասնական հրեշտակ-ներդրողների ցանցի ստեղծման և ձեռներեցների աջակցության հիմքը»,-ասաց  Սարաջը: 

Հայաստանում Ֆրանսիայի արտակարգ և լիազոր դեսպան Ժան Շարպանտիեն իր ելույթում նշեց, որ հայ-թուրքական համագործակցության այս ձևաչափը հնարավորություն կտա բարեկամական հարաբերություններ հաստատել երկու երկրների գործարարների միջև: Դեսպանի խոսքով` սա եզակի իրադարձություն է, որի նպատակն է սատարել ձեռնարկատիրական էկոհամակարգերի ստեղծումը, կապեր ստեղծել Թուրքիայի և Հայաստանի ներդրողների և ձեռնարկատերերի միջև:

«Հայաստանի և Թուրքիայի հարաբերություններում տնտեսական կապերի զարգացումը Ֆրանսիայի համար կարևոր է: Հայ-թուրքական հարաբերությունների առաջնահերթություններից պետք է լինի առևտրատնտեսական հարաբերությունների զարգացումը, ինչն էլ կհանգեցնի դիվանագիտական հարաբերությունների կարգավորման»,- նշեց դեսպանը Ժան Շարպանտիեն:

Բացման արարողության պատվավոր հյուրերն էին Հայաստանում Գերմանիայի Դաշնային Հանրապետության փոխդեսպան Նադիա Լիխթենբերգերը, Հայաստանում Շվեդիայի թագավորության դեսպանության գործերի ժամանակավոր հավատարմատար Մարտին Ֆրեդրիկսոնը: 

Միջոցառման հյուրերի թվում էին Գերմանիայի եւ Թուրքիայի ճանաչված ու հեղինակավոր ներդրումային ընկերությունների, ՏՀՏ եւ բիզնես ոլորտների, ինչպես նաեւ «Էնջել լաբս»-ի  ներկայացուցիչներ:

Հանդիպման մասնակիցները հնարավորություն ունեցան ծանոթանալ ներդրումային ցանցեր ստեղծելու սկզբունքներին, հրեշտակ-ներդրող դառնալու հիմունքներին, Եվրոպայում եւ ԱՄՆ-ում գործող իրավական բարենպաստ պայմաններին:

Միջոցառման նախաձեռնությունն իրականացվել է Հանրային լրագրության ակումբի և Թուրքիայի տնտեսական քաղաքականության հետազոտությունների հիմնադրամի կողմից՝ որպես «Ձեռներեցների փոխայցելություններ» նախագծի բաղադրիչ՝ Եվրոպական միության կողմից ֆինանսավորվող «Աջակցություն Հայաստան-Թուրքիա կարգավորման գործընթացին» ծրագրի երկրորդ փուլի շրջանակներում:

«Հրեշտակ-ներդրողը» սովորաբար հարուստ անհատ է, ով ներդնում է իր ֆինանսական միջոցները սկսնակ (start-up) կազմակերպություններում՝ կազմակերպության սեփական կապիտալում մասնաբաժին ունենալու դիմաց: 

Հանրային լրագրության ակումբը (ՀԼԱ) Հայաստանում գրանցված հասարակական կազմակերպություն է, ստեղծվել է 2011 թ.-ի մարտին:
Հանրային լրագրության ակումբի ծրագրերը նպատակաուղղված են Հայաստանում մարդու  իրավունքների ու հիմնարար ազատությունների պաշտպանությանը, նորա րար նախաձեռնությունների միջոցով տարածաշրջանում երկխոսության, խաղաղության ու փոխըմբռնման գործընթացներին նպաստելուն, ինչպես նաև ժողովրդավարական մթնոլորտի և քաղաքացիական հասարակության զարգացմանը: 
«Թուրքիայի տնտեսական քաղաքականության հետազոտությունների հիմնադրամը» (ՏԵՊԱՎ) անկողմնակալ, շահույթչհետապնդող կազմակերպություն է, որը տեղակայված է Անկարայում (Թուրքիա): ՏԵՊԱՎ-ը հիմնադրվել է 2004 թվականին` որպեսանկախ գիտահետազոտական ինստիտուտ, և հանդիսանում է տնտեսական քաղաքականություն մշակող Թուրքիայի ամենախոշորհաստատությունը, որտեղ աշխատում են տաղանդավոր գիտաշխատողներ և փորձագետներ: ՏԵՊԱՎ< /i>-ի առաքելությունն էմշակել Թուրքիայի և տարածաշրջանի հանրային և մասնավոր հատվածների զարգացմանը նպաստող նորարարքաղաքականության ռազմավարություններ: ՏԵՊԱՎ-ի գործունեության նպատակն է  մրցակցային գործարար միջավայրիամրապնդումը, Թուրքիայում և տարածաշրջանում զարգացման բարելավումը, ինչպես ն աև աջակցությունը միջազգայինտնտեսական ինտեգրմանը:

«Էնջել լաբս»-ն իր գործունեության առաջին իսկ ծրագրից սկսած պատրաստել է գալիք սերնդի հազարավոր հրեշտակ ներդրողների, վենչուրային կապիտալներ և սահմանափակ պատասխանատվությամբ գործընկերներ (VCs & LPs) և ընդլայնվել է ավելի քան 40 երկրում: Ամեն ամիս հրեշտակ-ներդրողների լաբորատորիան ոլորտին ուղղված զանազան ծրագրեր է իրականացնում ավելի շատերկրներում, քան աշխարհում գոյություն ունեցող որևէ այլ աքսելերատոր: Բոլոր ծրագրերն իրականացվում են այնպիսիմիջազգային կենտրոններում, որոնցում ծրագրային փաթեթներն ապահովված կլինեն ռեսուրսներով, լավագույն մենթորներով, համաներդրողներով , ռազմավարական գործընկերներով և պոտենցիալ ներդրումներով:

Սիլիկոնային հովիտը տարածք է, որը գտնվում է Սան Ֆրանցիսկո ծովախորշի հարավային մասում՝ Կալիֆոռնիա նահանգում ևհայտնի է նաև Հյուսիսային Կալիֆոռնիա անվամբ։ Այստեղ են գտնվում աշխարհի խոշորագույն բարձր տեխնոլոգիականձեռնարկությունները, ինչպես նաև հազարավոր նորաստեղծ ընկերություններ։