Պետության հզորությունը ամրապնդվում է մարդկանց ինտելեկտուալ հզոր ներուժով. Ղազախստանի դեսպանը հյուրընկալվել էր Վ. Բրյուսովի անվան համալսարանում

Երևանի Վ. Բրյուսովի անվան լեզվահասարակագիտական համալսարանը հյուրընկալել էր ՀՀ-ումՂազախստանի Հանրապետությանարտակարգ և լիազոր դեսպան ԹիմուրՈւրազաևին: Դեսպանը բուհի պրոֆեսորադասախոսական անձնակազմին և ուսանողներին ներկայացրեց  Ղազախստանի ձեռքբերումները բարձրագույն լեզվաբանական կրթո ւթյան ոլորտում, ՀՀ-ի և Ղազախստանի մշակութային կապերը, ինչպես նաև երկու պետությունների միջև դիվանագիտական հարաբերությունների ներկա վիճակը:

Բուհի ռեկտոր Գայանե Գասպարյանը նշեց, որ դեսպանն առաջին անգամ է հյուրընկալվում համալսարանում, ինչի կապակցությամբ նա հայտնեց իր գոհունակությունը:

«Մեր համալսարանում արդեն մի քանի տարի գործում է, այսպես ասած, բաց հարթակ, այսինքն՝ մենք հրավիրում ենք հայտնի քաղաքական գործիչների, գիտական, մշակութային ոլորտների ներկայացուցիչների, Հայաստանում տարբեր պետություններ ներկայացնող դեսպանների:  Այսօր առանձնահատուկ օր է, քանի որ հյուրընկալել ենք Ղազախստանի նման խոշոր, հզոր պետության դեսպանին, եւ դա  մեզ համար պատիվ է»,-«Արմենպրես»-ի հաղորդմամբ՝ ասաց ռեկտորը:

Նրա խոսքով՝ բուհը հարուստ է դասավանդվող լեզուների քանակով եւ կրթական մակարդակով:

«Այստեղ ուսանողները սովորում են 23-27 լեզու, դասավանդվում են եվրոպական, ասիական, մերձավորարեւելյան լեզուներ: Մենք հպարտ ենք, որ այնպիսի լեզուներ, ինչպիսիք են չինարենը եւ կորեերենը, առաջարկվում են որպես առաջնային մասնագիտացում: Մենք ամեն տարի պատրաստում ենք թարգմանիչների: Մեր մասնագետները տիրապետում են նվազագույնը 2 լեզվի՝ չհաշված ռուսերենը»,-ընդգծեց Գայանե Գասպարյանը:

Ղազախստանի դեսպանը վստահեցրեց, որ դիվանագիտական նախաձեռնություններում մշտապես աշխատում են շեշտը դնել նաեւ տվյալ երկրի հասարակության հետ կապեր հաստատելու վրա:

«Հայաստանը եւ Ղազախստանը ստացան ինքնազարգացման հնարավորություն, եւ սա մեծ նվաճում է, բայց չպետք է մոռանանք մեր միասնական անցյալը եւ պետք է փորձենք պահել այն ամենալավը, որ թողել են մեզ նախորդած սերունդները, մեր միասնական ձեռքբերումները չպետք է մոռացվեն:  Շատ դրական բառեր հնչեցին մեր երկրի վերաբերյալ, բայց ցանկանում եմ նշել, որ պետության հզորությունը  նախեւառաջ ամրապնդվում է այդ երկիրը ներկայացնող ինտելեկտուալ, գիտական հզոր ներուժով:  Այստեղ գտնվող ուսանողներդ ապագայում պետք է այս երկիրը ներկայացնեք բարձր մակարդակով, ո ր մի օր էլ միգուցե ձեզ հիշեն, ինչպես դուք եք այժմ հիշում ձեր նախնիներին»,-ասաց Թիմուր Ուրազաեւը:

Նա նշեց, որ ուրախ է ընտանիքով Հայաստանում գտնվելու եւ այս երկրի մշակույթին շփվելու համար:

«Հայաստանը ինձ միշտ մոտ է եղել, ես զինվորական ծառայությունս այստեղից ոչ շատ հեռու եմ իրականացրել եւ առիթ եմ ունեցել տեսնելու եւ խոսելու շատ հայերի հետ: Ինչ վերաբերում  է Ղազախստանին, մենք հավատարիմ ենք եղել նախեւառաջ  մեր արժեքներին, ասել ենք, որ յուրաքանչյուր երկիր ունի ինքնուրույն առաջ գնալու իրավունք, հասնելու բարձունքների մշակութային, քաղաքական, տնտեսական ոլորտներում, որպեսզի քաղաքացիները հպարտ լինեն այդ ամենով: Մենք միշտ խաղաղ զարգացման, բոլոր երկրների, հատկապես ԱՊՀ երկրների հետ, գործընկերային հարաբերությունների հÕ �ստատման կողմնակիցն ենք եղել»,-եզրափակեց դեսպանը: