Եթե չգիտեք՝ ով է իրականում «Շանթի» վիրավորված օպերատորը, իմացեք, էլ չեմ կարող լռել

БЛОГ 17 Май, 2017 12:36

Marina Adulyan-Andryan

Ես երկար փորձեցի լռել, բայց այլևս չեմ դիմանում այս անիմաստ հերոսացման պրոցեսին:

Խոսքը «Շանթ» հեռուստաընկերության օպերատոր Դավիթի մասինa է: Ինչո՞ւ եք հերոսացնում: Ի՞նչ է արել: Նրա փոխարեն կարող էր լինել ՅՈՒՐԱՔԱՆՉՅՈՒՐ մարդ: Էլ ո՞նց կլիներ... Ազեռները կարող էին կրակել յուրաքանչյուր մեքենայի, դրանից հերոս չեն դառնում:

Իսկ եթե չգիտեք, թե ով է նա, ես կպատմեմ:

Դավիթի հղի կինը՝ Մարալը, այսօր իր երեք երեխաների հետ հենց նրա պատճառով դրսում է, որովհետև չի կարողացել դիմանալ ծեծին և անիմաստ վեճերին:

Մոտ 6 ամիս առաջ Մարալին գտել էր «Բարի մամայի» անդամներից մեկը, բենզալցակայանի մոտ՝ մեքենայի մեջ: Տաքսու վարորդին չգիտեր, ինչ ասեր: Տեղ չուներ գնալու: Պարզապես շատ ցուրտ էր և միակ տեղը, որտեղ երեխաները կարող էին տաքանալ, այդ մեքենան էր: Մարալն ուզում էր երեխաներին հանձնել մանկատուն, որ աշխատանք ու ապրելու տեղ գտնի, այնուհետև ետ վերցնի: Բայց մի հատ նայեք այս լույսի պես երեխաներին: Ի դեպ՝ մեծ աղջիկը հաշմանդամ է...

Մի բարի մարդ տեղավորեց նրանց իր մոտ հյուրանոցում, մինչև մենք գտանք վարձով տուն:

Այդ ընթացքում Դավիթն անդադար զանգում էր, պահանջում ասել իր կնոջ և երեխաների տեղը: Բայց, չգիտես՝ ինչու, կնոջը չէր զանգահարում: Տեռորի ենթարկվում էինք մենք՝ ես, «Բարի մամայի» անդամները: Հասավ նրան, որ ամուսինս վերցրեց հեռախոսը և բացատրեց, որ պետք է հեռու մնա մեզանից, ու միակ մարդը, ով իր տեղն իրավասու է ասել, հենց Մարալն է:

Image may contain: 3 people, people standing, tree, shoes, child and outdoor
Անցավ 2 ամիս: Պարզվեց, որ Մարալը հղի է: Որոշեց ամուսնուն ևս մեկ շանս տալ: Մենք չխոչընդոտեցինք, քանի որ որոշումն իրենն էր: Ու նրանք սկսեցին ապրել Երևանում, մեր բարերարներից մեկի կողմից վարձած բնակարանում:

Բայց Դավիթը իրեն կրկին չարդարացրեց: Մարալը նույնիսկ դիմել էր «Կիսաբաց լուսամուտներ», որ օգնություն խնդրի:

Այսօր նա կանանց ապաստանում է, ուր երկար մնալ չի կարող:

Դավիթը փորձել է ձևական ինքնասպանություն գործել, որ արդարանա «Կիսաբաց լուսամուտների» նկարահանող խմբի աչքին... Չստացված շոուն ավարտվեց ոստիկանությունում, այնուհետև Դավիթը հավաքեց իրերն ու հայտնվեց Գյումրիում:

Այս պահին հարկավոր է աջակցել Դավիթի կնոջը, քանի որ նախ՝ հղի է, իսկ հետո միայնակ 4 երեխաների հետ անհնար է տեղ գտնել ապրելու: Համոզված եմ, որ այլևս չի կրկնի իր սխալը:

Ու առանձին մի քանի բառ Մարալի ընտանիքի մասին: Մայրը, անունը չեմ հիշում, անդադար զանգում ու մունաթ էր գալիս, որ ես քանդում եմ իր և իր աղջկա ընտանիքը: Ասում էին, որ թաքցնում ենք նրանց: Բայց, ինչպես և Դավիթը, նույնիսկ չէր զանգում Մարալին, որ աղջկա հետ խոսեր:

Ինչո՞ւ: Որովհետև չուներ ցանկություն: Ու այսօր էլ, երբ Մարալը դրսում է, չի առաջարկում տանել իրենց տուն: Փոխարենը պատրաստ է մունաթ գալ և մեղադրել ողջ աշխարհին:
Ես պարզապես զարմանում եմ, թե ինչպես է Մարալը մեծացել այդ ընտանիքում և այդքան հոգատար մայր դարձել:

Մեր վարձած տանից մոտ 15 օր առաջ է դուրս եկել, նույնիսկ իրերը տեղ չուներ տանելու:
Այս ամենից հետո Մարալը կրկին գնացել է և ամուսնուն հանդիպել: Ու կրկին ուզում է միանալ:
Այսքանը:

Image may contain: 1 person, sitting and indoor

Image may contain: 1 person, standing

Image may contain: 1 person, child, close-up and indoor