Սողանքային գոտու բնակչության տեղեկացվածության level-ի բարձրացում
БЛОГԱնի Սանոսյանը ֆեյսբուքյան իր էջում գրում է.
Հայաստանի տարածքում լայն զարգացում ունեցող արտածին երկրաբանական երևույթներից առանձնահատուկ տեղ են գրավում գրավիտացիոն պրոցեսները (սողանքներ, քարաթափեր, փլուզումներ), որոնց շարքում իրենց զարգացվածությամբ, տարածվածությամբ ու ազդեցությամբ առավել վտանգավոր են սողանքները:
Հայաստանի սողանքային երևույթներն ունեն լայն տարածում` 3000-ից ավելի տեղամաս: Սողանքների թիրախում են հայտնվել թվով 230-ից ավել բնակավայր, գյուղատնտեսական հողատեսքեր, տնտեսության օբյեկտներ, հաղորդակցման ուղիներ (երկաթուղի և ավտոմոբիլային ճանապարհներ):
Սողանքային աղետը ոչ միայն իր բացասական ազդեցությունն է թողնում քաղաքական, սոցիալական, տնտեսական ոլորտների վրա, այլև խոչընդոտ է հանդիսանում տնտեսության կայուն զարգացմանը, խաթարում է երկրի ներսում և հարևան երկրների հետ հաղորդակցության ուղիների անխափան շահագործմումը:
Ճապոնական միջազգային համագործակցության գործակալության հետազոտող խմբի կողմից կատարված հետազոտությունների տվյալները չափազանց մտահոգիչ են: Հանրապետության տարածքում օդալուսանկարների վերծանումով բացահայտված են 2504 սողանքային տեղամասեր:
Հաշվարկելով սողանքների բացասական ազդեցությունը՝ կառավարությունը հավանության է արժանացրել սողանքների դեպքում տարհանման կարգը: Որոշման նախագծի ընդունմամբ ակնկալվում է բարձրացնել սողանքային աղետին պատրաստվածության մակարդակը, կկանոնակարգվի արձագանքման և հետևանքների վերացման գործընթացները: