Անկեղծորեն ուրախ եմ,որ մեր համաքաղաքացիներն ու աշխատակիցներն ակտիվ մասնակցություն ունեցան Մաքուր Հայաստան ծրագրին. Տարոն Մարգարյան
БЛОГԵրևանի քաղաքապետ Տարոն Մարգարյանն իր ֆեյսբուքյան էջում գրառում է կատարել.
Այսօր վաղ առավոտից Երևանում կրկին համաքաղաքային շաբաթօրյակ էր, այս անգամ #ՄաքուրՀայաստան ծրագրի շրջանակում:
Անկեղծորեն ուրախ եմ, որ այս կարևոր նախաձեռնությանը ամեն անգամ, Երևանի քաղաքապետարանի և վարչական շրջանների աշխատակազմերի ու քաղաքապետարանի ենթակայության կառույցների աշխատակիցներից բացի, ակտիվ մասնակցություն են ունենում նաև մեր շատ համաքաղաքացիներ:
Մարդիկ, ում համար Երևանն իսկապե՛ս մեծ տուն է, որի մաքրությունն ու պատշաճ տեսքը յուրաքանչյուրիս հպարտությունն է:
Շնորհակալ եմ բոլորիդ, սիրելի համաքաղաքացիներ՝ ձեր ակտիվ մասնակցության ու Երևանն այդքան սիրելու համար:
Շնորհակալ եմ նաև բոլոր այն կազմակերպություններին և ծառայություններին, որոնք անշահախնդիր իրենց մասնակցությունն ունեցան շաբաթօրյակին: Նաև լիահույս եմ, որ հետզհետե մեզանում կգերիշխի գիտակցումը, որ ոչ թե միայն մաքրելով, այլ նախ և առաջ մաքուր պահելով ու հոգատարությամբ ենք հասնելու ավելի մաքուր Երևան ունենալու մեր հիմնանպատակին: