Ереван, 20.Ноябрь.2026,
00
:
00
ВАЖНО

«Եթե աղջիկն ամուսնանում է, նա ուղղակի պարտավոր է հավատարիմ մնալ իր ամուսնուն». Քրիստինա Կույումչյան

ФОТО

BlogNews.am-ը գրում է.

«Կայարան» հեռուստասերիալից հայտնի դարձած Քրիստինա Կույումչյանի համար Արփիի դերը դեբյուտային էր: Սակայն դա չխանգարեց, որ երիտասարդ դերասանուհին շատ կարճ ժամանակահատվածում սիրվի հեռուստադիտողի կողմից: Քրիստինայի հետաքրքրությունների, ֆիլմում նրա դերի և ֆիլմից դուրս նրա կյանքի մասին էլ այսօր BlogNews.am-ը զրուցել է երիտասարդ դերասանուհու հետ:

Էկրանին միշտ դժբախտ ու կոտրված, իսկ իրականում կենսախինդ, աշխույժ ու էներգիայով լի Քրիստինային Թատերական ինստիտուտ սովորելուն ուղղորդել է հայրը. «Սովորաբար հայ ընտանիքներում հակառակն է լինում՝ հայրերը դեմ են լինում, որ դուստրերն ընտրեն դերասանի մասնագիտությունը: Իսկ իմ պարագայում լրիվ հակառակն էր։ Ես Սլավոնական համալսարան էի ընդունվել, սակայն հայրս ասաց, որ սխալ ընտրություն եմ արել ու պետք է թղթերս տամ Թատերական, քանի որ իմը հենց թատրոնն է: Փոքր տարիքում հաճախում էի Ժիրայր Դադասյանի մնջախաղի խմբակն, ու հայրս այդ ժամանակ էր նկատել իմ դերասանական հակումները: Չհակաճառեցի, քանի որ հայրս ևս թատերական կրթություն ունի և ինձ սխալ խորհուրդ երբեք չէր տա»:Ուսմանը զուգահեռ Քրիստինան նաև աշխատում էր օդանավակայանում, ու այն, որ շատ մոտ ապագայում նա կունենա իր առաջին դերը, Քրիստինայի մտքով անգամ չէր անցնում. «Աշխատանքից ուշանում էի, և դասախոսիս խնդրեցի, որպեսզի մի փոքր շուտ պատասխանեմ ու գնամ, չնայած որ այդ օրը մեր դասապրոցեսին հետևում էր ռեժիսոր Ելենա Արշակյանը: Միայն հետո, երբ արդեն սերիալն ընթացքի մեջ էր, Ելենան ասաց, որ այդ օրը հենց ինձ լսելու համար էր եկել մեր կուրս, ես էլ թողել, գնացել էի)):

Այդ ժամանակ ընդամենը 18-ամյա դերասանուհու համար առաջին մուտքը նկարահանման հարթակ իսկական սթրես էր. «Սկզբում շատ էի վախենում։ Ինձ թվում է՝ դա անգամ էկրանին էր երևում, որ առաջին սերիաներում իսկապես շատ վախեցած եմ, բայց ժամանակի ընթացքում կերպարս կարողացա բացահայտել, ինքս էլ համարձակություն ձեռք բերեցի»:Երիտասարդ դերասանուհին նշում է, որ նկարահանումներն ու ուսումը դժվար է համատեղում, ամեն ինչ անում է, որ ոչ մի կողմն էլ չտուժի, սակայն դասախոսություններից չբացակայել չի ստացվում: Նկարահանման հարթակում ստացած գիտելիքներն էլ Քրիստինան համարում է անգնահատելի. «Առաջին իսկ օրից միշտ զգացել եմ պարոն Արմեն Էլբակյանի աջակցությունը: Միշտ այնպիսի խորհուրդներ է տվել, որ կարողացել եմ հեշտությամբ հաղթահարել հոգեբանական շատ խնդիրներ, որոնք պայմանավորված էին իմ անփորձ լինելով: Անիտայի դերակատար դերասանուհի Տաթև Մելքոնյանն էլ է միշտ շատ կարևոր ու դիպուկ խորհուրդներ ինձ տալիս: Պրոֆեսիոնալ մարդիկ են, միայն մասնագիտական շփումը նման դերասանների հետ արդեն մեծ հնարավորություն է, որպեսզի մեծ փորձառություն ձեռք բերես: Իմ տեսարանների մեծամասնությունը Ալեքսանդր Բաբասյանի հետ է, և սկզբնական շրջանում, երբ նկարահանումների ժամանակ Ալեքսանդրն իմպրովիզ էր անում, շփոթվում էի, սառած կանգնում ու չգիտեի ինչպես շարունակել խաղը: Սակայն ընթացքում դա էլ հաղթահարեցինք, քանի որ արդեն սովորել եմ Սաշի հետ աշխատելու նրբություններին, ու ասեմ, որ նա ևս իսկապես շատ տաղանդավոր դերասան է, և ես շատ ուրախ եմ նրա նման խաղընկեր ունենալու համար»:Ու չնայած ներկայումս Քրիստինան մի հերոսուհու է ներկայացնում, ում դժբախտ ճակատագրով մտահոգ է ողջ ազգը, իրականում դերասանուհին երազում է կատակերգական դերերի մասին. «Մանավանդ այս դերից հետո շատ եմ ցանկանում թեթև կերպար մարմնավորել, ինչն իմ բնությանն ավելի մոտ է: Ես շատ ուրախ մարդ եմ էությամբ, բայց հիմա Արփիի պատճառով բոլորն ինձ որպես տխուր ու դժբախտ մարդ են ընկալում»:Թեև մեկ տարվա ընթացքում Քրիստինան իսկական աստղ է դարձել, սակայն 19-ամյա գեղեցկուհին այս մտքից նույնիսկ անհարմար է զգում. «Բոլորովին ինձ այդպիսին չեմ զգում, ես չեմ համարում, որ եթե քեզ ճանաչում են, ուրեմն՝ դու աստղ ես: Հեռուստացույց է, մարդիկ նայում են, ճանաչում են, բնական է, սակայն ոգևորվել դրանից, ինչ-որ կերպարի մեջ մտնել՝ չեմ կարծում, որ իմ հետ նման բան կարող է երբևէ լինել: Ընկերներս էլ են հաճախ ասում, որ ֆիլմում նկարվելն ինձ բացարձակ չի փոխել: Նույնն եմ մնացել, թեև, այո, շատ հաճախ են փողոցում մոտենում, խոսում, խնդրում լուսանկարվել, ես էլ սիրով նկարվում եմ))»:

Իր մարմնավորած հերոսուհուն՝ Արփիին, Քրիստինան հասկանում է, սակայն չի արդարացնում, քանի որ գտնում է, որ Արփին պայքարող չէ, չի կարողանում կամք դրսևորել, դրա համար էլ այդքան փորձությունների միջով է անցնում. «Մի բան էլ կա. անկախ ամեն ինչից, եթե աղջիկն ամուսնանում է, նա ուղղակի պարտավոր է հավատարիմ մնալ իր ամուսնուն, իսկ իմ հերոսուհին նաև այս հարցում է կատեգորիկ տարբերվում իմ պատկերացումներից»:Քրիստինան ասում է, որ ազատ ժամանակը հիմնականում տրամադրում է ընկերներին, իսկ մարզասրահներ երբեք չի հաճախում, որովհետև բնությունից ունի այնպիսի կազմվածք, որի մեջ իրեն հարմարավետ է զգում. «Երբեք մտքովս չի անցնում ինչ-որ բան փոխել արտաքինիս մեջ»,- ասում է Քրիստինան, իսկ սլավոնական նուրբ դիմագծերը, դերասանուհին նշում է, որ ժառանգել է ուկրաինուհի տատիկից: Ամառային հանգստի մասին Քրիստինան արդեն երկար ժամանակ է երազում, ցանկություն ունի լինելու եվրոպական որևէ երկրում, գուցե Իտալիայում, իսկ առհասարակ՝ շատ է սիրում ծովը, և եթե հանգստի մեկնել, ապա միայն ծովափ: Ապագայի համար Քրիստինան շատ պլաններ ունի, որոնց մեջ է մտնում նաև երկրորդ մասնագիտությունը: Քրիստինան ասում է, որ հետագայում անպայման պիտի վերադառնա Սլավոնական համալսարան ու մի քանի օտար լեզու ուսումնասիրի, քանի որ համոզված է՝ գիտելիքը երբեք շատ չի լինում, դե իսկ լեզուների իմացությունն էլ Քրիստինայի դեռևս չիրականացված երազանքներից մեկն է:

Նյութը՝ Արմինե Հայրապետյանի

Լուսանկարները՝ Քրիստինա Կույումչյանի անձնական արխիվից

Ucom и Impact Hub Yerevan подвели итоги третьего этапа программы по развитию зелёного предпринимательстваIDBank представит концепцию единой экосистемы на DigiTec 2026Без 102-й базы Армении конец. Аршак КарапетянЧто будет, если выведут 102-ю базу? Аршак Карапетян Европейский курс Армении между обещаниями и обязательствами При поддержке Ucom в Ереване прошли ежегодные соревнования по гонкам дронов «Mini Whoop Drone Racing Armenia 2026»Аршака Карапетян отвечает на комментарии IDBank представил цифровую платформу Rate.Trading на выставке Toon Expo.Invest 2026Rate.Trading: Крупные сделки с цифровыми инструментами управления валютными рискамиЗакрытие карабахского вопроса ставит под угрозу само существование Армении. Аршак КарапетянФонд VIVA стал бенефициаром инициативы «Сила одного драма» в ноябреСпециальные предложения по ипотечному кредитованию: IDBank на Toon Expo. Invest 2026Ни одна власть в Армении не пришла демократическим путем․ Аршак КарапетянIDBank на региональном форуме СБА: от решений для путешествий до бизнес-возможностей Скидка 35% на указанные карты IDBank в честь 35-летия Предварительное одобрение бизнес-кредита за 5 минут — какие возмоности для МСБ представил Юнибанк в Гюмри?На основании Декларации о независимости Армения стала независимым государством. Аршак Карапетян Центр обслуживания Ucom в Арташате открылся по новому адресу Демократическим путём эту власть менять невозможно. Аршак КарапетянРодина надеется на военных. Эту власть надо наказать. Аршак КарапетянПоздравление лидера движения «Всеармянский фронт» по случаю Дня разведчикаUcom и Республиканский союз работодателей Армении подписали меморандум о сотрудничестве Оформи карту Visa Digital от Юнибанка для покупок и переводов Ucom — генеральный спонсор 21-й Международной олимпиады по микроэлектронике IDBank и Idram провели курс по финансовой грамотности для юных шахматистовUcom поддерживает Silicon Mountains 2026, содействуя развитию инноваций и технологий IDBank впервые выпустил купонные бессрочные облигацииКак были чмошниками , так и осталисьКак только я стану главой Армении, ультимативная форма обращений Азербайджана прекратится через часСейчас Армения находится в большей зависимости, чем когда-либоК сожалению, как руководитель военной разведки я мог только фиксировать эти фактыТо что Азербайджан унижает, это вина нашего политического руководстваТо что Азербайджан унижает, это вина нашего политического руководстваIDBank поддержал реконструкцию Спандарянского канала: подписана памятная табличка, посвящённая проектуIDBank и Idram представили ряд экологических инициатив на COP17Как были чмошниками, так и остались. Аршак КарапетянUcom поделилась опытом участия бизнеса в сохранении природы в Синей зоне COP17«Вот скриншот, деньги переведены»: IDBank предупреждает о мошенничестве с поддельными платежамиКак конфликт подводит биоразнообразие к критической чертеПервые шаги в карьере вместе с IDBank: стартовал 16-й поток программы IDreamЦифровая архитектура устойчивого будущего: статья IDBank в журнале Regional PostКак вы думаете, где будет Армения?Нам ещё долго придется стоять в очереди, чтобы вступить в ЕСRate.Trading. Новая цифровая культура обмена валюты Цифровое будущее и устойчивое развитие: председатель правления IDBank в интервью ForbesНа COP17 представили книгу «Тайная тропа Овазадзора», изданную при поддержке Ucom Ucom раскрыла роль технологий в сохранении природы на COP17Следующие два месяца могут стать судьбоносными для Армении. Аршак Карапетян«Житель Степанавана своим голосом покажет, что все попытки обмануть его с помощью видеозаписей обречены на провал»: партия «Сильная Армения» При поддержке Ucom фестиваль «SunChild» объединяет кино и заботу о природе